ގާބިލުކަން އިތުރުކުރުމުގެ ޕްރޮގްރާމެއްގެ ދަށުން 50 ދިވެހި ފަނޑިޔާރުން ތަމްރީނަކަށް އިންޑިއާއަށް ފުރަން ތައްޔާރުވެއްޖެ އެވެ.
ޖުޑީޝަލް ސާވިސް ކޮމިޝަން (ޖޭއެސްސީ)އިން ބުނީ އިންޑިއާގެ ބޯޕާލްގައި ހުންނަ ނެޝަނަލް ޖުޑީޝަލް އެކަޑަމީގައި ކުރިއަށްދާ މި ތަމްރީނު ކުރިއަށް ދާނީ ފަސް ދުވަހުގެ މުއްދަތަކަށް ކަމަށެވެ.
މިއީ އެ އެކަޑަމީއާއި ޖޭއެސްސީއިން 2020 ވަނަ އަހަރު ސޮއިކުރި އެމްއޯޔޫއެއްގެ ދަށުން ކުރިއަށްގެންދާ ތަމްރީނެކެވެ. މި އެމްއޯޔޫގެ ދަށުން ޖުމްލަ 200 ޖުޑީޝަލް އޮފިސަރުން ތަމްރީނު ކުރެވޭނެ އެވެ.
ކޮވިޑް-19ގެ ސަބަބުން މި ޕްރޮގްރާމްގެ ބައެއް ތަމްރީނުތައް އޮންލައިން ކޮށް ކުރިއަށް ގެންދިޔައިރު، އެ ތަމްރީނުގައި 39 އޮފިސަރުން ބައިވެރިވެފައިވެ އެވެ.
މި ޕްރޮގްރާމްގެ ފުރަތަމަ އިން-ޕާސަން ތަމްރީނުގެ ތެރޭގައި ހިމަނާފައިވާ ބައިތައް ބިނާވެފައިވާނީ ލެކްޗާ އަދި ޑިސްކަޝަންގެ މައްޗަށް ކަމަށް ޖޭއެސްސީން ބުނެ އެވެ.
