އިރާނާއި އެމެރިކާ މެޗަކީ ސިޔާސީ ކަމެއް ނޫން

Nov 29, 2022, 5:04 AM
އިރާނާއި އެމެރިކާ މެޗަކީ ސިޔާސީ ކަމެއް ނޫން

ދޯހާ، ގަތަރު (ނޮވެމްބަރު 29) - ވޯލްޑް ކަޕް ފުޓްބޯޅަ މުބާރާތުގައި މިރޭ އިރާނާއި އެމެރިކާ ބައްދަލުކުރާ މެޗަކީ ފުޓްބޯޅައިން ބޭރުގެ ސިޔާސީ ކަންކަމުގެ މީހުންގެ އެ ވިސްނުމަށް ބަލާއިރު ވެސް ޝައުގުވެރިވާނެ މެޗަކަށް ވުން އެކަށީގެންވާ ކަމަށާއި އެކަމަކު، މި މެޗުގެ ފޯކަސް އެމެރިކާ ޓީމުން ގެންގުޅޭނީ ފުޓްބޯޅަ އަށް ހުސްވެގެން ކަމަށް އެ ޓީމުގެ ކޯޗު ގްރެގް ބާހޯލްޓާ ބުނެފި އެވެ.

އެމެރިކާގެ ފުޓްބޯޅަ ފެޑަރޭޝަނުން ސޯޝަލް މީޑިއާ ކުރި ޕޯސްޓްތަކުގައި، އީރާންގެ ދިދައިން ﷲގެ ކަލިމަފުޅު އުނިކޮށްފައިވާތީ އީރާނުން ވަނީ އެކަމާ ހިތްހަމަނުޖެހުން ފާޅުކޮށް، އެމެރިކާ މުބާރާތުން ވަކިކުރަން ވެސް ގޮވާލައިފަ އެވެ.

Advertisement

އިރާނާއި އެމެރިކާ އަކީ ސިޔާސީ ގޮތުން ވަރަށް ބޮޑެތި ހިޔާލުތަފާތުވުންތަކެއް އޮތް ދެ ގައުމަށް ވާތީ ވޯލްޑް ކަޕް ފުޓްބޯޅަ މުބާރާތުގައި މިރޭ މި ދެ ޓީމުގެ މެޗު "ސިޔާސީ" ނަޒަރަކުން ބަލާ މީހުން ވެސް ގިނަ އެވެ.

މެޗުގެ ކުރިން އޮތް ނޫސްވެރިންގެ ބައްދަލުވުމުގައި އެެމެރިކާގެ ކޯޗު ބާހޯލްޓާ ބުނީ ބައެއް ކަންކަމަކީ ޓީމު އަތުގައި ކޮންޓްރޯލް ނެތް ކަންކަން ކަމަށާއި، އިރާންގެ ދިދަ މައްސަލައިގައި އެ ހިނގި ކަންތައްތަކާ މެދު މާފަށް އެދޭ ކަމަށެވެ.

"އަހަރެމެންނަށް މިއީ ސިޔާސީ ކަމެއް ނޫން. އަހަރެމެންނަށް މިއީ ހަމައެކަނި ފުޓްބޯޅަ މެޗެއް،" ބާހޯލްޓާ ބުންޏެވެ. "އަހަރެމެންނަށް އަނެއް ބުރުގެ ފުރުސަތު އޮތީ މި މެޗުން މޮޅުވެގެން، އަހަރެމެންގެ ފޯކަސް ހުރީ އެ ގޮތަށް،"

ބާހޯލްޓާ ބުނީ މި މެޗުން މޮޅުވެގެން އެމެރިކާ އަށް ދެ ވަނަ ބުރުގެ ޖާގަ ލިބެން އޮތްއިރު، މިއީ ނޮކައުޓް ބުރުގެ ކުރިން އެ ޓީމަށް ކުޅެލަން ލިބޭ "ނޮކައުޓް" މެޗެއް ކަމަށެވެ. އަދި އެމެރިކާ އިން މި ފަހަރުގެ މުބާރާތުގައި ބަލިނުވެ، ކަޓައިގެން ދިއުމުގެ ފުރުސަތު ވެސް އޮތްއިރު، އެއީ ރަނގަޅު ރެކޯޑެއް ގޮތަށް ވިސްނައިގެން ނުތިބޭނެ ކަމަށް ބާހޯލްޓާ ވަނީ ބުނެފަ އެވެ.

އެމެރިކާ އާއި އިރާން ވަނީ 1998 ވަނަ އަހަރު ފްރާންސްގައި ބޭއްވި ވޯލްޑް ކަޕްގައި ކުޅެފަ އެވެ. އެ ފަހަރު އިރާނުން ވަނީ 2-1 އިން އެމެރިކާ ބަލިކޮށްފަ އެވެ. އެ މެޗު ހާއްސަވީ އިރާންގެ ކުޅުންތެރިން އެމެރިކާ ޓީމަށް މާތަކެއް ދީ ހަމަޖެހުމަށް (ޕީސް އަށް) ލޯބިކުރާ ކަމުގެ މެސެޖެއް ދިނުމުންނެެވެ. އެއީ ޒަމާނުއްސުރެ އިރާނާއި އެމެރިކާއާ ދެމެދު ހިނގާ ހަމަނުޖެހުންތަކަށް ފުޓްބޯޅައިގެ ތެރެއިން މެސެޖެއް ދޭން އިރާނުން ކުރި ކަމެކެވެ.

އިރާންގެ ކޯޗު ކާލޮސް ކުއެރޯޒް ބުނީ އިރާނުގައި ފުޓްބޯޅައިން ބޭރުން ހުރި ކަންތައްތައް އޮޅުންފިލާވަރަށް އޭނާ ޓީމާ އެކު ދުވަސްވެފައިވާ ކަމަށެވެ.

އެކަމަކު، މިހާތަނަށް އިރާން ގައުމީ ޓީމު ގޮވައިގެން ފުޓްބޯޅައިގެ މަސައްކަތް ކުރިއިރު، ވިސްނާފައިވަނީ ފުޓްބޯޅައިގެ ކަންކަމަށް އެކަނި ކަމަށް ވެސް ކުއެރޯޒް ވަނީ ބުނެފަ އެވެ.

"ވަރަށް ބައިވަރު ކަންކަން އެބަހުރި. ވަރަށް ބައިވަރު ވާހަަކަ ވެސް ދެއްކިދާނެެ. އެކަމަކު، ފުޓްބޯޅައިން ބޭރުގެ ކަންކަމަށް އަހަރެން ނުވިސްނަން. އަހަރެން ބޭނުންވަނީ މި މެޗުން ރަނގަޅު ނަތީޖާއެއް،" ކުއެރޯޒް ބުންޏެވެ.

ކޮންމެ ޓީމެއް ދެ މެޗު ކުޅެފައިވާއިރު، ގްރޫޕް ބީގެ އެއް ވަނައިގައި އޮތީ ހަތަރު ޕޮއިންޓާ އެކު އިންގްލެންޑް އެވެ. ދެ ވަނައިގައި އޮތް އިރާން ވަނީ ތިން ޕޮއިންޓް ހޯދައިފަ އެވެ. ތިން ވަނައިގައި އޮތް އެމެރިކާ އަށް ވަނީ ދެ ޕޮއިންޓް ލިބިފަ އެވެ. އަދި ގްރޫޕްގެ ފުލުގައި އޮތް ވޭލްސް އަށް ވަނީ ޕޮއިންޓެއް ލިބިފަ އެވެ.

މިރޭ އިރާނާއި އެމެރިކާ ކުޅޭ މެޗު ފަށާނީ ރާއްޖެ ގަނޑިން 12 ޖަހާއިރު އެވެ. އަދި މިރޭ ހަމަ އެ ވަގުތު މި ގްރޫޕްގައި ވޭލްސް އާއި އިންގްލެންޑް ކުޅޭ މެޗު ވެސް އޮންނާނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox