ދަރިފުޅު ވެދުމަށް އެރުވުމަށް ބުނެ އުޅުނު ނަދުރު

ދަރިފުޅު ވެދުމަށް އެރުވުމަށް ބުނެ އުޅުނު ނަދުރު

މައިން ބަފައިންނަކީ އަބަދުވެސް އެ މީހުންގެ ދަރިންނަށް ހެޔޮ ގޮތްތައް މެދުވެރިވާން އެދޭ ބައެކެވެ. މިކަމަށްޓަކައި އެ ޒަމާނެއްގައި ދަރިންނަށް ކޮށްއުޅޭ ކޮންމެ ކަމެއް ވީ އެންމެ ރަނގަޅަކަށް ކުރެވޭތޯ އަބަދުވެސް މައިންބަފައިން ބަލައެވެ. ޖިންނި ޝައިތާނުންނާއި އެކިއެކި ދެވިތަކުން، ދަރިފުޅު ސަލާމަތް ކުރައްވައި ހެޔޮ ރަހުމަތް ލެއްވުމަށް އެދި ތަފާތު ނަދުރުތައް އެ ޒަމާނުގައި ބުނެއުޅުނެވެ. މި ގޮތުން ބުނެ އުޅުނު އެއް ނަދުރަކީ ދަރިފުޅު ވެދުމަށް އެރުވުމަށް ބުނެ އުޅުނު ނަދުރެވެ.

އެހެނިހެން ނަދުރުތައް ފަދައިން ވެދުމަށް އެރުވުމަށް ބުނެއުޅުނު ނަދުރު، ކުއްޖާ އުފަންވުމުގެ ކުރިންވެސް ބުނެއުޅެ އެވެ. ވެދުމަށް އެރުވުމަށް ބުނާ ނަދުރަކީ ދަރިފުޅު ގެންގޮސް މާތް ވަލީވެރި ބޭފުޅެއްގެ އަތްޕުޅަށް އެރުވުމެވެ. އެ ދުވަސްވަރު މި ހިސާބު މީހުން މި ނަދުރު އާންމުކޮށް ބުނެ އުޅުނީ، ބޮޑުފެންވަޅުގޭ ސީދީ, މަކުނުދުއަށް އަރުވާލައިފައި ހުންނެވި އިރު ސީދިބެއަށް ވެދުމަށް އެރުވުމަށެވެ.

ސީދީބެ އަށް ވެދުމަށް އެރުވުމަށް ނަދުރުބުނުމަށް ފަހު ނަދުރު ފުއްދުމަށްޓަކައި ކުއްޖާފުޅު ގޮވައިގެން ސީދީބޭގެ އަރިހަށް ދަތުރުކޮށްފައިދެ އެވެ. އެއަށްފަހު އިޒުނައާއެކު އެތެރެއަށް ވަނުމުން، ސީދީބޭ ކުއްޖާފުޅު އުރާލައްވާ އުނގުގައި ބައިންދަވާ ބޮލުގައި ފިރުމާލެއްވުމުން ނަދުރު ފުއްދުނީ އެވެ. މި ގޮތަށް ނަދުރު ފުއްދި ކުދީން މިހާރު ވެސް ދުނިޔޭގައި އެބަތިއްބެވެ. މި ދަތުރުގައި އެ މީހެއްގެ ކެރިފޯރުންތެރިކަން ހުރި މިންވަރަކުން އާންމުކޮށް އެފަދަ ބޭފުޅުންނަށް ހަދިޔާބަދިޔާ ދީ އުޅެއެވެ.

Advertisement

ކުދިން ވެދުމަށް އެރުވުމުގެ އިތުރުން، ދަނޑުވެރިކަމުގައްޔާއި ގޭގޭގައި ހައްދާ ގަސްގަހުގައި، ފުރަތަމަ ގަންނަ މޭވާފަދަ ތަކެތި ވެސް ސީދީބެއަށް ދިނުމަށް ނަދުރު ބުނެ އެވެ. މި ގޮތުން ކަރާ، ކުރުނބާ، ބަރަބޯ ފަދަ ތަކެތި ހަރުވުމުގެ ކުރިން އެ ތަކެތީގައި ސީދީބޭގެ ނަންޖަހާ އުޅުނެވެ. މި ގޮތަށް ނަން ޖެހުމުން އެއަކަށް ވަގަކު ވެސް ގާތެއް ނުވެ އެވެ.

އެ ދުވަސްވަރު ޒުވާނުން ދަންވަރު ހޭލާ ތިބޭއިރު ގަސްގަހުން ތަކެތި ބިނދެ ކައި އުޅުމަކީ އާންމު ކަމެކެވެ. އެ ދުވަސްވަރު މި ގޮތަށް އުޅުނު ބަޔަކު، ކިޔައިދިން ގޮތުގައި އެއްރޭ ކާލާނެ އެއްޗެއް ހޯދަން އުޅުމުގެ ތެރޭގައި ވެލެއްގައި އޮތް ބޮޑު ކަރައެއް ފެނުނެވެ. ދެން ރަނގަޅަށް ބަލައިލިއިރު އޭގައި "ބޮޑުފެންވަޅުގޭ ސީދީބެ އަށް" ޖަހާފައި އޮތެވެ. އެހެންކަމުން މި ކަމާ ބެހޭ ގޮތުން ގުރޫޕުގައި ވާހަކަ ދައްކައި، ވަރަށް "ގައްޑާ ވެލައިފައި" ކަރާ ކެނޑިއެވެ. ދެން ސިއްރުސިއްރުން އަތިރިއަށް ގޮސް ފަޅަން އުޅެ އެކަކަށްވެސް އެ ފަޅާކަށް ނުކެރުނެވެ.

އެންމެ ފަހުން އެ ކަރާ ކާންނުކުރި އޮތްތަނަށް ގެންދަންނުކެރި އަތެއްފައެއް ވާވެދާނެކަމުގެ ބިރަށް ކަރާ ދޫކޮށްލައިފައި އައިސް ވެސް ނުނިދުނު މީހުން އުޅުނުކަމުގައި ވެއެވެ.

ކޮމެންޓް

ފަހުގެ ޚަބަރު

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

Newsletter

Get the latest news delivered straight to your inbox