ބޮޑުތަކުރުފާނު ދޫނި ހިއްޕެވި ތާރީހީ އުތީމު ތުނޑި ހިއްކަން ނިންމައިފި

Feb 26, 2026, 8:24 AM
އުތީމު އަތިރިމަތިން ނަގާފައިވާ ފޮޓޯއެއް: އެ ސަރަހައްދުން މި ފަހުން ވަނީ އާސާރީ ހިރިގަލު ފެން ވަޅެއް ވެސް ފެނިފައި -- ފޮޓޯ: ޑިޕޮސިޓްފޮޓޯސް

އުތީމު އަތިރިމަތިން ނަގާފައިވާ ފޮޓޯއެއް: އެ ސަރަހައްދުން މި ފަހުން ވަނީ އާސާރީ ހިރިގަލު ފެން ވަޅެއް ވެސް ފެނިފައި -- ފޮޓޯ: ޑިޕޮސިޓްފޮޓޯސް

ޕޯޗުގީޒުންގެ އަޅުވެތިކަމުން ދިވެހިން ސަލާމަތް ކުރަން ހަނގުރާމަ ކުރެއްވި ހއ. އުތީމު މުހައްމަދު ބޮޑުތަކުރުފާނު ދޫނި ހިއްޕަވަން ހަރަކާތްތެރިވި އެ ރަށު ތުނޑި ހިއްކަން ސަރުކާރުން ނިންމައިފި އެވެ.

މި ނޫހަށް ލިބިފައި އެމްޓީސީސީގެ ބައެއް ޑޮކިއުމެންޓުތަކުން ފެންނަ ގޮތުގައި އުތީމު ތުނޑިއާ ދިމާލުން ބޮޑު ސަރަހައްދެއް ހިއްކުމަށްޓަކައި ކުރެހުންތައް މިހާރު ވަނީ ތައްޔާރުކޮށްފަ އެވެ.

އެކަމަކު، އުތީމު ކައުންސިލުގެ ރައީސް އަބްދުﷲ ރަޝީދަށް މި ނޫހުން ގުޅުމުން ވިދާޅުވީ، އުތީމުގެ އެއްވެސް ތަނެއް ހިއްކަން ނިންމާފައިވާ ކަމުގެ މައުލޫމާތެއް އޭނާ ލިބިފައިނުވާ ކަމަށެވެ.

Advertisement

ބޮޑުތަކުރުފާނު ދޫނި ހިއްޕަވަން ހަރަކާތްތެރިވި ކަމަށް ބުނާ ތުނޑިއަކީ އެ ރަށު މީހުން ވަރަށް ގަދަރު ކުރާ ތުނޑިއެކެވެ. އެ ސަރަހައްދު ގިރާތީ، ތުނޑި ނުގިރާނެ ގޮތަކަށް ހިމާޔަތްކޮށްދިނުމަށް ވެސް ރަށު ރައްޔިތުންގެ ކުރިން ސަރުކާރުގައި އެދިފައިވެ އެވެ.

"ބޮޑުތަކުރުފާނުގެ ޒުވާންދުވަސްވަރު މަޅިފަތި ހައްދަވައިގެން ދޫނި ހިތްޕެވި އުތީމުގެ ދޫނި ތުނޑި ވަނީ ގިރާ އެއްކޮށް ނެތިގޮސްފައި. މިކަމާ އަޅުގަނޑު ނޫނަސް ތިޔަހުރިހާ ބޭފުޅުން ވެސް ދެރަވެ ހިތާމަކުރާނެ. ވީމާ މި މަތިވެރި ތަރިކަ އަލުން ވުޖޫދަށް ގެނެސްދެއްވައި ހިމާޔަތްކޮށްދެއްވުމަށް މިދަންނަވަނީ ވަރަށް އާދޭހާއެކު އަދި ނުހަނު އުންމީދާއިއެކު،" ކުރީގެ ރައީސް އިބްރާހިމް މުހައްމަދު ސޯލިހު އެ ރަށަށް ވަޑައިގަތުމުން ސެޕްޓެމްބަރު، 2022، ގައި ކައުންސިލުގެ ރައީސް އަބްދުﷲ ވިދާޅުވެފައިވެ އެވެ.

މިފަހުން 2021 ވަނަ އަހަރު، އުތީމު ދޫނި ތުނޑިން އާސާރީ ހިރިގަލު ފެން ވަޅެއް ވެސް ވަނީ ފެނިފަ އެވެ. ވަޅު ފެނުނީ އެ ސަރަހައްދު ވަރަށް ބޮޑަށް ގިރައިގެން ދިޔުމުންނެވެ. އެ ވަޅު ހިމާޔަތްކޮށް، ރައްކާތެރިކޮށް ބެލެހެއްޓުމަށް އެ ރަށު ކައުންސިލުން އެއިރު ވަނީ ނިންމައިފަ އެވެ.

އުތީމުގެ ދޫނި ތުނޑި ގިރަން ފެށީ އެ ރަށުގެ ބަނދަރު ހެދި ފަހުންނެވެ. މި ނޫހަށް އެނގިފައިވާ ގޮތުގައި ބަނދަރު ހެދީ ކުރީގެ ރައީސް މައުމޫން އަބްދުލްގައްޔޫމްގެ ފަހު ދައުރުގެ ތެރޭގަ އެވެ. އެ ރަށުގައި ބަނދަރެއް ނުހަދައި މަޑު ކުރީ ވެސް ރަށް ގިރުމުގެ ބިރު ބޮޑުވުމުންނެވެ. ބަނދަރު ހެދީ ވެސް ވަރަށް ބޮޑެތި ދިރާސާތަކެއް ކުރުމަށްފަހު ކަން އެނގިފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox