މިއަހަރަށް ޖެހި 5.8 ބިލިޔަން ރުފިޔާއާ މެދު އަނެއްކާ ވެސް ނަޝީދުގެ ނުރުހުން

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އެމްޑީޕީގެ ކޮންގްރެސްގެ ތެރެއިން ރައީސް އިބްރާހީމް މުހައްމަދު ސޯލިހާ ވާހަކަފުޅުދައްކަވަނީ. މިއަހަރަށް އިތުރުކުރަން ބަޖެޓްގައި ޖެހި ފައިސާއާ މެދު ނަޝީދު ގެންދަވަނީ ނުރުހުން ފާޅުކުރައްވަމުން. ފޮޓޯ: މުހައްމަދު ޝާބިން/އަދަދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އެމްޑީޕީގެ ކޮންގްރެސްގެ ތެރެއިން ރައީސް އިބްރާހީމް މުހައްމަދު ސޯލިހާ ވާހަކަފުޅުދައްކަވަނީ. މިއަހަރަށް އިތުރުކުރަން ބަޖެޓްގައި ޖެހި ފައިސާއާ މެދު ނަޝީދު ގެންދަވަނީ ނުރުހުން ފާޅުކުރައްވަމުން. ފޮޓޯ: މުހައްމަދު ޝާބިން/އަދަދު

މިހިނގާ އަހަރުގެ ބަޖެޓަށް އިތުރުކުރަން ސަރުކާރުން އަންނަ އަހަރުގެ ބަޖެޓްގައި ޖަހާފައިވާ 5.8 ބިލިޔަން ރުފިޔާ ސަރުކާރުން މިހާރު ވެސް ހަރަދުކޮށްފައިވާ ކަމަށް ތުހުމަތު ކުރައްވައި، ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު އެކަމާ ނުރުހުން ފާޅުކުރައްވައިފި އެވެ.

އަންނަ އަހަރަށް ލަފާކޮށް ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ ބަޖެޓްގައި ސަޕްލިމެންޓްރީ ބަޖެޓެއްގެ ގޮތުގައި މިއަހަރަށް 5.8 ބިލިޔަން ރުފިޔާ ޖަހާފައި އޮތަސް، އެ ފައިސާ އަދި ހަރަދު ނުކުރާ ކަމަށް ފިނޭންސް މިނިސްޓަރު އިބްރާހީމް އަމީރު ކުރިން ވަނީ ވިދާޅުވެފަ އެވެ.

ބަޖެޓް ދިރާސާކުރަން ރައްޔިތުންގެ މަޖިލީހުން ނެގި ކޮމިޓީގެ މުގައްރިރު، ކިނބިދޫ ދާއިރާގެ މެމްބަރު މުހައްމަދު ނާޝިޒަށް، ނަޝީދު މިއަދު ފޮނުއްވި ސިޓީގައި ވިދާޅުވީ ފިނޭންސް މިނިސްޓްރީން އެހެން ބުނި ނަމަވެސް އެފައިސާ ހަރަދުކޮށްފައިވާ ކަން ބަޖެޓް ކޮމިޓީގެ ރިޕޯޓުން ސާފުވާ ކަމަށެވެ. އެގޮތަށް އެކަން ކޮށްފައިވާ ނަމަ އެއީ މާލިއްޔަތު ގާނޫނާ ހިލާފަށް ކޮށްފައިވާ ކަމެއް ކަމަށް ވެސް އެމަނިކުފާނު ވިދާޅުވި އެވެ.

Advertisement

"...އަދި 2022 ވަނަ އަހަރަށް ރައްޔިތުންގެ މަޖިލީހުން ފާސްކޮށްފައިވާ ބަޖެޓަށް ވުރެ އިތުރަށް ހަރަދުކޮށްފައި ނުވާ ކަމަށް މިނިސްޓްރީ އޮފް ފިނޭންސުން މައުލޫމާތު ދީފައިވީ ނަމަވެސް ބަޖެޓް ކޮމިޓީގެ ރިޕޯޓްގެ 22 ވަނަ ސަފްހާގައި ހިމެނޭ ތާވަލު ދޭއް ގައިވާ ހިސާބުތަކުން ސާފުވާ ކަމަކީ ރައްޔިތުންގެ މަޖިލީހުން ފާސްނުކޮށް ހަރަދުކޮށްފައިވާ ކަމެވެ،" ސިޓީގައި ނަޝީދު ވިދާޅުވި އެވެ.

އެމަނިކުފާނު ވިދާޅުވި ގޮތުގައި މިދިޔަ އަހަރަށް ފާސްކުރި ބަޖެޓަކީ 36.9 ބިލިޔަން ރުފިޔާ ކަމަށް ވާއިރު މިއަހަރު ނިމޭ އިރު ދައުލަތުގެ ހަރަދުތައް ހުންނާނެ ކަމަށް އަންދާޒާކޮށްފައި ވަނީ 42.8 ބިލިޔަން ރުފިޔާގައި ކަމަށެވެ.

"...އެއީ ރައްޔިތުންގެ މަޖިލީހުން ފާސްކޮށްފައިވާ އަދަދަށް ވުރެ 5.8 ބިލިޔަން ރުފިޔާގެ އިތުރުވުމެކެވެ،" ނަޝީދު ވިދާޅުވި އެވެ.

އެމަނިކުފާނު ތުހުމަތުކުރެއްވި ގޮތުގައި މިއަހަރަށް ކުރާ ހަރަދު، މަޖިލީހުން ފާސްކުރި ވަރަށް އިތުރުވަނީ ދުނިޔޭގެ ބާޒާރުގައި ތަކެތީގެ އަގަށް އައި ބަދަލުން އެކަނި ނޫންކަން ވެސް ބަޖެޓް ކޮމިޓީގެ ރިޕޯޓުން އެނގެ އެވެ.

އިތުރުވާ ހަރަދުގެ ތެރޭގައި ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ކޭޝްފްލޯ ހަމައްސަން ދޭ ފައިސާ ހިމެނޭ ކަމަށާއި އެހެން ނަމަވެސް އެގޮތަށް ފައިސާ ދެވޭނީ މަޖިލީހުން ފާސްކޮށްގެން ކަމަށް ވެސް އެމަނިކުފާނު ވިދާޅުވި އެވެ.

އަންނަ އަހަރުގެ ބަޖެޓްގައި ހިމަނައިގެން މިއަަހަރަށް އިތުރުކުރަން ހުށަހެޅި ފައިސާގެ ތަފްސީލު ދޭން، ބަޖެޓް ރިޕޯޓްގައި ހިމަނަން، ބަޖެޓް ކޮމިޓީން މިދިޔަ ހުކުރުދުވަހުގެ ރޭ ބޭއްވި ބައްދަލުވުމުގައި މެމްބަރަކު ހުށަހެޅުއްވި އެވެ.

މަޖިލީހުގެ މާފަންނު މެދު ދާއިރާގެ އެމްޑީޕީ މެމްބަރު އިބްރާހީމް ރަޝީދު ހުށަހަޅުއްވައި ހުޅުދޫ ދާއިރާގެ އެމްޑީޮޕީ މެމްބަރު އިލްޔާސް ލަބީބު ތާއީދު ކުރެއްވި އެ ހުށަހެޅުން ފާހެއް ނުވެ އެވެ. އެ ހުށަހެޅުމަށް ލިބުނީ އެންމެ ހަތަރު ވޯޓެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox