އެމެރިކާއަށް ފޯރުމުގެ ގާބިލްކަން ހުރި އިންޓަކޮންޓިނެންޓަލް ބެލިސްޓިކް މިސައިލެއް އުތުރު ކޮރެއާއިން ޓެސްޓުކޮށްފައިވާ ކަމަށް ޖަޕާނުން ބުނެފި އެވެ.
އެ މިސައިލް ވެއްޓުނީ ޖަޕާނުގެ ހޮއްކައިޑޯ ރަށުގެ ހުޅަނގުން 210 ކިލޯމީޓަރު ދުރުން ކަނޑަށެވެ. އެމެރިކާއިން އެކަން ކުށްވެރި ކުރި އިރު، ދެކުނު ކޮރެއާއިން ގޮވާލީ އުތުރު ކޮރެއާއާ ދެކޮޅަށް އިތުރު ފިޔަވަޅު އެޅުމަށެވެ.
ބުރާސްފަތި ދުވަހު އުތުރު ކޮރެއާގެ ފޮރިން މިނިސްޓަރު ޗޮއި ސޮން ހުއި ވިދާޅުވީ އެ ސަރަހައްދުގައި އެމެރިކާގެ ހަރަކާތްތައް އިތުރުވާ ނަމަ، އުތުރު ކޮރެއާގެ ރައްދު "ވަރުގަދަ ކުރާނެ" ކަމަށެވެ.
ހަމަ އެ ދުވަހު ކުރު ރާސްތާގެ ބެލިސްޓިކް މިސައިލެއް ލޯންޗުކުރި އެވެ. އެ މިސައިލް ޓެސްޓު ކުރި އިރު، އާދީއްތަ ދުވަހު ދެކުނު ކޮރެއާގެ ރައީސް ޔޫން ސުކް ޔެއޯލް އާއި އެމެރިކާގެ ރައީސް ޖޯ ބައިޑެން އަދި ޖަޕާނުގެ ބޮޑު ވަޒީރު ފުމިއޯ ކިޝީޑާ ކެމްބޯޑިއާގައި ބައްދަލުކުރެއްވި އެވެ.
ފާއިތުވި ދެ މަސް ތެރޭގައި އުތުރު ކޮރެއާއިން 50 އަށް ވުރެ ގިނަ މިސައިލް ލޯންޗުކުރި އެވެ. އޭގެ ތެރޭގައި ގިނައީ ކުރު ރާސްތާގެ މިސައިލެވެ.
މަދުން ނަމަވެސް، ދުރު ރާސްތާގެ މިސައިލް ޓެސްޓު ކުރާ އިރު، އެފަދަ މިސައިލަކީ ޕެސިފިކް ކަނޑު ހުރަސްކޮށް އެމެރިކާއަށް ފޯރުމުގެ ގާބިލްކަން ހުރި މިސައިލެވެ.
