މިއަހަރުތެރޭ އެމްޕީއެލާއި ސްޓެލްކޯގައި ޑޭކެއާ ސެންޓަރުތަކެއް ހަދަނީ

ކުޑަކުދިންގެ ހަވީރެއްގެ ތެރެއިން؛ ދެ ކުންފުންޏަކުން މިއަހަރުތެރޭ ޑޭކެއާ ގާއިމުކުރާނެ -- ފޮޓޯ: އަދަދު

ކުޑަކުދިންގެ ހަވީރެއްގެ ތެރެއިން؛ ދެ ކުންފުންޏަކުން މިއަހަރުތެރޭ ޑޭކެއާ ގާއިމުކުރާނެ -- ފޮޓޯ: އަދަދު

އޮފީސްތަކުގައި 'ޗައިލްޑް ކެއާ ސްޕޭސް' ގާއިމުކުރުމުގެ ޕްލޭނާ އެއްގޮތަށް މިއަހަރުތެރޭގައި ސްޓެލްކޯ އާއި އެމްޕީއެލުގައި ޗައިލްޑްކެއާ ސްޕޭސް ގާއިމު ކުރުމުގެ މަސައްކަތް ކުރަމުންދާ ކަމަށް އެ ސަރުކާރުން ބުނެފި އެވެ.

ޖެންޑާ މިނިސްޓަރު އައިޝަތު މުހައްމަދު ދީދީ މިކަން ހާމަކުރެއްވީ، މަސައްކަތުގެ މާހައުލުގައި އަންހެނުންނަށް ދިމާވާ އެންމެ ބޮޑު އެއް ގޮންޖެހުން ހައްލު ކުރުމަށް ސަރުކާރުގެ އެސްއޯޕީގައި ހިމަނާގައިވާ ޑޭ ކެއާ ސެންޓަރުތައް ވުޖޫދު ކުރުމުގެ މަސައްކަތް ގޮސްފައިވާ ހިސާބު ސާފު ކުރުމަށް ހިންނަވަރު ދާއިރާގެ މެންބަރު ޖީހާން މަހުމޫދު ކުރެއްވި ސުވާލަކަށް ޖަވާބު ދެއްވަމުންނެވެ.

މިނިސްޓަރު ވިދާޅުވީ ސަރުކާރުގެ އެސްއޯޕީއާ އެއްގޮތަށް މާލޭގައި އެފޯޑަބަލް ޑޭކެއާ ހިދުމަތް ފޯރުކޮށްދޭނެ ތަނެއް ގާއިމުކުރާނެ ޖާގަ މާލެއިން ލިބިފައި ނުވާތީ އިތުރު ގޮތްތަކެއް ހޯދަން ޖެހުނު ކަމަށެވެ. އެގޮތުން ވަޒީފާއަދާކުރާ މައިންބަފައިންނަށް ވަޒީފާއަށް ނުކުނަންޖެހުމުގެ ސަބަބުން ކުދިން ބެލެހެއްޓުމުގައި ދިމާވާ ދަތިތަކަށް ލުޔެއް ހޯދައިދިނުމަށް ބޭނުންކުރެވޭނެ ތަފާތު އެހެން މޮޑެލްތައް ދިރާސާކޮށްފައިވާ ކަމަށެވެ.

ވަޒީފާ އަދާކުރާ ތަނުގައި ކުދިން ބެހެއްޓޭނެ އިންތިޒާމެއް ހަމަޖެއްސުމުގެ ގޮތުން 'ޗައިލްޑް ކެއާ ސްޕޭސް' ގާއިމުކުރުމަށްޓަކައި މަޝްވަރާކޮށް، އެކަން ތަންފީޒު ކުރުމަށް ކަރުދާހެއް އެކުލަވާލާ ސޯޝަލް ކައުންސިލަށް ހުށަހެޅުމުން އެ ކައުންސިލުން ވެސް ވަނީ އެ މަސައްކަތް ފެށުމަށް ލަފާ ދީފަ އެވެ.

އެހެންކަމުން، ޗައިލްޑް ކެއާ ސްޕޭސްގެ މިނިމަމް ސެޓޭންޑަޑެއް ތައްޔާރުކޮށް، ސަރުކާރު ހިއްސާވާ ކުންފުނިތަކުގައި އެފަދަ ތަނެއް ގާއިމުކުރުމާ ގުޅޭގޮތުން ޖެންޑާ މިނިސްޓްރީން ވަނީ ވަކިވަކި ކުންފުނިތަކާ މަޝްވަރާކޮށްފަ އެވެ.

އެގޮތުގެ މަތިން، މިއަހަރު ތެރޭގައި ޗައިލްޑްކެއާ ސްޕޭސްގެ ހިދުމަތް ދޭން ފެށޭނެ ކަމަށް މިނިސްޓްރީއަށް އަންގާފައި ވަނީ ސްޓެލްކޯ އާއި އެމްޕީއެލުންނެވެ. މީގެ އިތުރުން، ޒަމާނީ ޑޭކެއާގެ ހުރިހާ ހިދުމަތެއް ލިބޭނެހެން އަދި ހާއްސަ އެހީއަށް ބޭނުންވާ ކުދިންނަށް ހާއްސަ ކްލިނިކްތައް ވެސް ހިމެނޭހެން 3،000 އަކަފޫޓުގެ ހަ ބުރީގެ އިމާރާތެއް ހުޅުމަލޭގައި ގާއިމުކުރުމަށް ޖެންޑާ މިނިސްޓްރީން ވަނީ އެޗްޑީސީއާއެކު ސޮއިކޮށްފަ އެވެ.

އަގުހެޔޮކޮށް މާލޭގައި ޑޭކެއާގެ ހިދުމަތް ދޭނެ ވަކި ތަނެއް ގާއިމުކުރުމަށް ޖެންޑާ މިނިސްޓްރީން ގިނަ މަސައްކަތްތަކެއް ކޮށްފައިވީ ނަމަވެސް، އެކަން ތަންފީޒުނުކުރެވުނީ މާލޭގައި ޑޭކެއާ ސެންޓަރެއް ގާއިމުކުރަން އެކަށީގެންވާ ޖާގައެއް ނުލިބުމުގެ ސަބަބުންނެވެ.

އެއާއެކު، އޭޝިއަން ޑިވެލޮޕްމަންޓް ބޭންކް (އޭޑީބީ)ގެ ހިލޭ އެހީގައި ޖެންޑާ މިނިސްޓްރީން ފަށަފައިވާ "ސްޓްރެންތެނިން ޖެންޑާ އިންކްލޫސިވް އިނީޝިއޭޓިވް" (އެސްޖީއައިއައި) ޕްރޮޖެކްޓުގައި ހިމަނައިގެން ޑޭކެއާ ހިދުމަތް ފޯރުކޮށްދިނުމަށް އޮތް މަގު ބަންދުވެ، އެސްޖީއައިއައި ޕްރޮޖެކްޓުން އެ މަސައްކަތް އުނިކުރަން ޖެހުނު ކަމަށް ވެސް ޖެންޑާ މިނިސްޓަރު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox