މޯލްޑިވްސް އިންޓަނޭޝަނަލް ޗެލެންޖް: ތިން އިވެންޓެެއްގެ ޗެމްޕިއަންކަން އިންޑިއާ އަށް

Oct 23, 2022, 7:01 PM
އަންހެން ސިންގަލްސް ޗެމްޕިއަންކަން ހޯދި އިންޑިއާގެ އާކަރްޝީ ކަޝްޔަޕް ފޮޓޯ އަކަށް ހުއްޓިލައިގެން.--- ފޮޓޯ: އަބްދުﷲ އިޔާން/ އަދަދު

އަންހެން ސިންގަލްސް ޗެމްޕިއަންކަން ހޯދި އިންޑިއާގެ އާކަރްޝީ ކަޝްޔަޕް ފޮޓޯ އަކަށް ހުއްޓިލައިގެން.--- ފޮޓޯ: އަބްދުﷲ އިޔާން/ އަދަދު

މާލޭގައި މިއަދު ނިމުނު ލިނިން މޯލްޑިވްސް އިންޓަނޭޝަނަލް ބެޑްމިންޓަން ޗެލެންޖްގެ އަންހެން ސިންގަލްސް އާއި މިކްސް ޑަބަލްސް އަދި ފިރިހެން ޑަބަލްސް ބައިގެ ޗެމްޕިއަންކަން އިންޑިއާގެ ކުޅުންތެރިން ހޯދައިފި އެވެ.

އަންހެން ސިންގަލްސްގެ ޗެމްޕިއަންކަން އިންޑިއާގެ އާކަރްޝީ ކަޝްޔަޕް ހޯދިއިރު، މިކްސް ޑަބަލްސް ޗެމްޕިއަނުންނަކީ ރޯހަން ކަޕޫރް އާއި ރެޑީ ސިކީގެ ޕެއާ އެވެ. އަދި ފިރިހެން ޑަބަލްސް އިން ރަން މެޑަލް ހޯދީ އިންޑިއާގެ ރޯހަން ކަޕޫރާއި ރެޑީ ސުމީތުގެ ޕެއާ އެވެ.

ފިރިހެން ސިންގަލްސް ޗެމްޕިއަންކަން ސްޕެއިންގެ ލުއިސް އެންރީކޭ ހޯދިއިރު، އަންހެން ޑަބަލްސް ޗެމްޕިއަނުންނަކީ ޖަޕާނުގެ ޗިސާޓޯ ހޯސީ އާއި މިޔޫ ޓަކަހާޝީގެ ޕެއާ އެވެ.

Advertisement

ކުޅިވަރު އެކުވެނި އިންޑޯ ބެޑްމިންޓަން ކޯޓުގައި މިއަދު ކުޅުނު ފައިނަލް މެޗުތަކުގެ ތެރެއިން އެންމެ ފުރަތަމަ ކުރިއަށްދިޔަ މިކްސް ޑަބަލްސް ފައިނަލުގައި ރޯހަން ކަޕޫރް އާއި ރެޑީ ސިކީގެ ޕެއާ ބައްދަލުުކުރީ އަލްޖީރިއާގެ ކޮޝެއީލާ މަމޭރީ އާއި ތަނީނާ ވިއޮލެޓް މަމޭރީގެ ޕެއާއާ އެވެ. ރޯހަން އާއި ރެޑީގެ ޕެއާ އިން ސެޓުތައް ގެންދިޔައީ 21-16، 21-18 އިންނެވެ.

ފިރިހެން ސިންގަލްސް ޗެމްޕިއަންކަން ހޯދި ލުއިސް އެންރީކޭ: އޭނާ ވަނީ ފައިނަލުގައި މޮޅު ކުޅުމެއް ދައްކާފައި.-- ފޮޓޯ: އަބްދުﷲ އިޔާން/ އަދަދު

ފިރިހެން ސިންގަލްސް ފައިނަލުގައި ކުޅުނު އިޒްރޭލުގެ މިޝާ ޒިލްބާމަން އަކީ މި މުބާރާތުގެ އެއް ވަނަ ސީޑެވެ. އެކަމަކު، އޭނާ އަތުން ފައިނަލުގައި 2-1 ސެޓުން ކުރިހޯދީ ދެ ވަނަ އަށް ސީޑްކޮށްފައި އޮތް އެންރީކޭ އެވެ. މި މެޗުގެ ފުރަތަމަ ސެޓު 07-21 އިން އެންރީކޭ ގެންދިޔަ ނަމަވެސް ދެން ކުޅުނު ސެޓު 21-11 އިން ގެންގޮސް ޒިލްބާމަން އެނބުރި އަ އެވެ. އެކަމަކު، ދެން ކުޅުނު ސެޓު، 18-21 އިން ގެންގޮސް އެންރީކޭ މޮޅުވީ އެވެ.

މުބާރާތުގެ ފިރިހެން ސިންގަލްސްގެ ދެ ވަނަ ބުރުގައި ރާއްޖޭގެ މުހައްމަދު އާކިފް ބަލިވީ އެންރީކޭ އަތުން 21-08، 21-06 އިންނެވެ.

އާކަރްޝީ އަންހެން ސިންގަލްސް ޗެމްޕިއަންކަން ހޯދީ އިންޑިއާގެ އިރާ ޝަރްމާ އަތުން 24-22، 21-12 އިން މޮޅުވެގެންނެވެ. އާކަރްޝީ އަކީ އަންހެން ސިންގަލްސްގެ އެއް ވަނަ ސީޑެވެ. އިރާ އަކީ ތިން ވަނަ އަށް ސީޑްކޮށްފައިވާ އަންހެން ސިންގަލްސް ކުޅުންތެރިޔާ އެވެ.

އަންހެން ޑަބަލްސް ފައިނަލުގައި ކުޅުނީ ޖަޕާނުގެ ދެ ޕެއާ އެެވެ. ޖަޕާނުގެ ޗިސާޓޯ ހޯސީ އާއި މިޔޫ ޓަކަހާޝީގެ ޕެއާ ވަނީ 21-16، 21-15 އިން އެ ގައުމުގެ ކަހޯ އޮސާވާ އާއި ކައޯރޫ ސުގިޔާމާގެ ޕެއާ ބަލިކޮށްފަ އެވެ. ފިރިހެން ޑަބަލްސް ބައިގައި އިންޑިއާގެ ރޯހަން ކަޕޫރާއި ރެޑީ ސުމީތުގެ ޕެއާ އިން ވަނީ 2-1 ސެޓުން ތައިލެންޑްގެ ޗަލޮއެމްފޯން އާއި ނަންތަކާންގެ ޕެއާ ބަލިކޮށްފަ އެވެ.ޗަލޮއެމްފޯން އާއި ނަންތަކާންގެ ޕެއާ އިން ފުރަތަމަ ސެޓު، 21-23 އިން ގެންދިޔަ އެވެ. އެކަމަކު، ދެން ކުޅުނު ދެ ސެޓު، 21-19، 21-17 އިން ގެންގޮސް ރޯހަން ކަޕޫރާއި ރެޑީ ސުމީތުގެ ޕެއާ މެޗުން މޮޅުވީ އެވެ.

މިއީ ކޮވިޑް-19 ގެ ބްރޭކަށް ފަހު ރާއްޖޭގައި ބޭއްވުނު ބައިނަލްއަގުވާމީ ބެޑްމިންޓަން ފުރަތަމަ މުބާރާތެވެ. މިއީ ލިނިން އިންޓަނޭޝަނަލް ބެޑްމިންޓަން ޗެލެންޖް ރާއްޖޭގައި ބޭއްވި ފަސް ވަނަ ފަހަރެވެ. މި ފަހަރު ރާއްޖޭގެ 30 އަަށް ވުރެ ގިނަ ކުޅުންތެރިން މި މުބާރާތުގެ އެކި އިވެންޓްތަކުގައި ވާދަކުރިއިރު، އެއްވެސް ކުޅުންތެރިއަކަށް ދެ ވަނަ ބުރު ފަހަނައަޅައި ދެވިފައެއްނުވެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox