ވިޔަފާރީގެ ވާދަވެރިކަން ނަގާލާ ކަމަށް ބުނެ ރަށްރަށުގެ ކޭބަލް ޕްރޮވައިޑަރުންގެ ޕެޓިޝަނެއް

Oct 20, 2022, 12:40 PM
ވިޔަފާރީގެ ވާދަވެރިކަން ނަގާލާ ކަމަށް ބުނެ ރަށްރަށުގެ ކޭބަލް ޕްރޮވައިޑަރުންގެ ޕެޓިޝަނެއް

ރަށްރަށުގައި ކޭބަލް ޓީވީ ހިދުމަތުގެ ވާދަވެރިކަން ގެއްލިގެން ގޮސްދާނެތީވެ، އެ މައްސަލައަށް ހައްލެއް ހޯދަން ސިޔާސަތުތައް އެކަށައަޅައި، އަޅަން ޖެހޭ ފިޔަވަޅުތައް އެޅުމަށް ރައީސް އޮފީހާއި، އިކޮނޮމިކް މިނިސްޓްރީ އަދި ރައްޔިތުންގެ މަޖިލީހުގައި އެދިއްޖެ އެވެ.

ޖުމުލަ 100 މީހުންގެ ސޮޔާއެކު ހުށަހެޅި ޕެޓިޝަނުގައި ބުނެފައިވަނީ ރަށްރަށުގައި މިހާރު ކޭބަލް ޓީވީގެ ހިދުމަތް އެ ކުންފުނިތަކުން ފޯރުކޮށްދެނީ މީޑިއާނެޓާއެކީ ވެވިފައިވާ ޕާޓްނަޝިޕް އެއްބަސްވުމެއްގެ ދަށުން، ދެ ފަރާތަށް ހަމަހަމަ މަންފާ ލިބޭ ގޮތަށެވެ. ނަމަވެސް، އެ ފަރާތްތަކަށް އޮތް ބިރަކީ، އަދި ކަންބޮޑުވުމަކީ ދިރާގުން ކޭބަލް ޓީވީގެ ހިދުމަތް ދޭއިރު، އިންޓަނެޓް ހިދުމަތްތަކާއެކު ބަންޑަލް ކޮށްގެން ކޭބަލް ޓީވީ ހިދުމަތްތައް ދެމުން ދިޔުމެވެ.

އެގޮތަށް އެކަން ކުރުމުގެ ނަތީޖާއެއްގެ ގޮތުން މުޅި ސިނާއަތުގެ ވާދަވެރިކަން ގެއްލި، ދިރާގުގެ ދަށަށް ސިނާއަތް ދާނެ ކަމަށް ޕެޓިޝަނުގައި ބުނެފައިވެ އެވެ.

އެހެންވެ، ޕެޓިޝަންގައި އެދިފައި ވަނީ އިންސާފުވެރި ވިޔަފާރި ވެށްޓެއް ގާއިމުކޮށް، ކޭބަލް ޓީވީގެ ހިދުމަތް ރަށްރަށުގައި ދޭ ކުދި ކުންފުނިތަކަށް އެ މަސައްކަތް ކުރެވޭނެ ގޮތްތައް ހަމަޖައްސައި ދިނުމަށެވެ.

މީޑިއާނެޓާ ގުޅިގެން ރަށްރަށުގައި ކޭބަލް ޓީވީގެ ހިދުމަތް ދޭއިރު ބޮޑެތި އިންވެސްޓުމަންޓުތައް ކޮށްގެން ގާއިމުކޮށްފައިވާ ކޭބަލް ނެޓްވޯކުތަކުން ޗެނަލްތައް ދައްކަން އެއްވެސް ލައިސެންސިން ފީއެއް ދައްކަން ނުޖެހޭ ކަމަށާއި ލިބޭ އާމްދަނީ ހިއްސާކުރަނީ ހަމަހަމައަށް ކަމަށް ޕެޓިޝަންގައި ބުނެ އެވެ. އޭގެ ސަބަބުން ބޮޑެތި ހަރަދުތަކެއް ނުކޮށް ފައިދާވާ ގޮތަށް ވިޔަފާރިތައް ހިންގޭ ކަމަށް ބުނެފައިވެ އެވެ.

ބްރޯޑްކާސްޓިން ކޮމިޝަނުން ރީބްރޯޑްކާސްޓިން ގާނޫނަށް ދާދިފަހުން ގެނައި ބަދަލާ ގުޅިގެން ކޭބަލް ޓީވީގެ ހިދުމަތް ދިނުމުގެ ހުއްދަ ދިރާގަށް ގެއްލެ އެވެ. ރީބްރޯޑްކާސްޓްކުރުމުގެ ގަވައިދުގެ އަށް ވަނަ މާއްދާގައި ވާ ގޮތުން ރާއްޖޭގައި ރީބްރޯޑްކާސްޓްކުރުމުގެ ހުއްދަ ދެން ލިބޭނީ ހިއްސާގެ 100 ޕަސެންޓް ދިވެހިންނަށް އޮންނަ ކުންފުނިތަކަށެވެ.

ކޭބަލް ޓީވީގެ ހިދުމަތް ދިނުމުގައި މީޑިއާނެޓާ ކިރިޔާވެސް ވާދަކޮށްލެވޭ ފަދަ ހާލަތެއްގައި އޮތް ހަމަ އެކަނި ކުންފުނި ކަމަށްވާ ދިރާގަކީ 100 ޕަސެންޓް ދިވެހި ކުންފުންޏެއް ނޫނެވެ. އެކުންފުނީގެ މެޖޯރިޓީ ހިއްސާ މިހާރު އޮންނަނީ ބަހުރައިންގެ ބަޓެލްކޯ އަށެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox