ޖަޕާނުގެ ތަރިކަ ހިމާޔަތް ކުރުމުގެ މަސައްކަތުގައި އުޅޭ އޮފިޝަލަކު އޮޅިގެން ކާރު ފަހަތަށް ޖެއްސުމުން، އެ ގައުމުގެ ބުދު ފައްޅިއެއްގައި ހުރި އެންމެ ޒަމާންވީ ފާހާނާއަށް ގެއްލުންވެއްޖެ އެވެ.
ކިޔޯޓޯގެ ޓޮފުކުޖީ ފައްޅީގެ އެ ފާހާނާއަަކީ 15 ވަނަ ގަރުނުގައި ބޭނުންކުރި ތަނެކެވެ. އެއީ ޖަޕާނުގެ މުހިއްމު އާސާރީ ތަރިކައެއްގެ ގޮތުގައި ކަނޑައަޅާފައިވެ އެވެ.
ފުލުހުން ބުނީ އޮޅުމަކުން ކާރު ފަހަތަށް ޖެއްސުމުން، ފާހާނައިގެ ދޮރުގައި ޖެހި ހަލާކުވެފައިވާ ކަމަށެވެ. އެހެން ނަމަވެސް ފާހާނައިގެ އެތެރެއަށް އެއްވެސް ގެއްލުމެއް ނުލިބެ އެވެ.
ޓޮފުކުޖީ ރިސާޗް އިންސްޓިޓިއުޓްގެ ޑިރެކްޓަރު ޓޮޝިއޯ އިޝިކާވާ ވިދާޅުވީ ހާދިސާގައި ލިބުނު ގެއްލުން ފެނިފައި "ބަސް ހުއްޓުނު" ކަމަށެވެ.
ޖަޕާނުގެ އެންމެ ގިނަ ދުވަސްވީ ފާހާނާ.
އެހެން އޮފިޝަލަކު ބުނީ 700 އަހަރުވީ ފާހާނާގެ ދޮރަށް ލިބުނު ގެއްލުން މަރާމާތު ކުރެވުނު ނަމަވެސް، އެ ދޮރު ކުރިން ހުރި ގޮތަށް ހެދުމަށް ކުރަން ޖެހޭނީ "އާދަޔާ ހިލާފު" މަސައްކަތެއް ކަމަށެވެ.
އެ ފާހާނާއަަކީ ޖަޕާނުގައި 1336 އިން 1573 އަށް އޮތް މުރޮމަަޗީ ޒަމާނުގައި ޓޮފުކުޖީ ފައްޅީގައި އިމާރާތްކުރި ފާހާނާއެކެވެ.
އެ ފާހާނާއަށް ވަނަމެއްގެ ގޮތުގައި ކިޔަނީ "ހިޔަކުސެއްޗިން" ނުވަތަ 100 މީހުންގެ ފާހާނާ އެވެ. އެއީ ފައްޅީގައި ތިބި 100 ފާދިރީން އެ ފާހާނާ ބޭނުން ކުރުމުންނެވެ.
