ފެންވަރު ރަނގަޅު އުފެއްދުންތައް ބާޒާރަށް ތައާރަފުކޮށް، ބަލި މީހުންނާއި އާންމުންނަށް ފަސޭހަކަން ގެނެސްދިން ބަޔަކަށް މެޑްޓެކް ވާނެ އެވެ. އެންމެ ފަހުގެ މެޑިކަލް ޓެކްނޮލޮޖީ ހިމެނޭ އުފެއްދުންތައް ނެރެދިނުން އެއީ މެޑްޓެކް އުފަން ކުރުވިއިރު ވެރިން ދުށް ހުވަފެން ވެސް މެއެވެ. އެގޮތުން ހާއްސަ ސަމާލުކަމެއް ދިން އެއް ގިންތިއަކީ، ދިގު މުއްދަތަށް އެނދުމަތިވެފައިވާ މީހުންނާއި އުމުރުން ދުވަސްވީ މީހުންނަށް ހާއްސަ އުފެއްދުންތައް ތައާރަފުކުރުމެވެ.
މީގެ 12 އަހަރު ކުރިން ވުޖޫދަށް އައި މެޑްޓެކް ކުންފުނީގެ އަމާޒަށް ވާސިލުވުމަށް ކުރަމުން އަންނަ ބުރަ މަސައްކަތުގެ ތެރެއިން މިއަހަރު ވަނީ މެޑްޓެކް ހޯމްކެއާ ގެ ނަމުގައި ފިހާރައެއް ހުޅުވާފަ އެވެ. ހިނގާބިނގާވެ ނޫޅެވޭ މީހުންނާއި ހަރަކާތްތެރިވެ އުޅުމަށް ދަތި މީހުންނަށް ހާއްސަ އުފެއްދުންތަކާއި، އެނދުމަތިވެފައިވާ ބަލި މީހުން ބާއްވާ އެނދާއި އެމީހުންނަށް ފަރުވާ ދިނުމަށް ބޭނުންވާ މެޝިނުތަކާއި ހަކުރު ބަލީގެ މީހުންނާއި ނޭވާލާ ނިޒާމުގެ ބަލިތައް ދިމާވެފައިވާ މީހުންނަށް ހާއްސަ އާލާތްތައް ވިއްކަމުން އަންނަ އެ ފިހާރައިން މިފަހަރު މިވަނީ އަނެއްކާ ވެސް ތަފާތު ބުރޭންޑެއްގެ އުފެއްދުންތައް ހަރުތަކަށް ނެރެފަ އެވެ. އެއީ އެކިއެކި ބަލިތަކުގައި ގޭގަ އާއި ހޮސްޕިޓަލްތަކުގައި އެނދުމަތިވެފައިވާ މީހުންނަށް ހާއްސަ އިސްކަމެއް ދީގެން ގިނަ އުފެއްދުންތަކެއް އުފައްދައި ސަޕްލައި ކުރާ އެބީނާގެ ޕްރޮޑަކްޓުތަކެވެ.
އެބީނާގެ ބައެއް އުފެއްދުންތައް
ޑެންމާކުގެ މަޝްހޫރު އެބީނާ ކުންފުންޏަކީ މީގެ 69 އަހަރު ކުރިން ފެށިގެން އައި އާއިލީ ވިޔަފާރި އެކެވެ. 2000 އަށް ވުރެ ގިނަ މުވަޒަފުންނާއި އެކު ހިންގަމުން އަންނަ އެ ކުންފުނީގެ 36،000 އަށް ވުރެ ގިނަ ތަފާތު އުފެއްދުންތައް ދުނިޔޭގެ 80 އަށް ވުރެ ގިނަ ގައުމަށް ސަޕްލައި ކޮށްދެ އެވެ. ޔޫރަޕުގެ އިތުބާރު ހޯދާފައިވާ އެކުންފުނީގެ އުފެއްދުންތަކަކީ ތިމާވެއްޓާއި ރައްޓެހި އުފެއްދުންތަކެކެވެ. އެގޮތުން އެކުންފުންޏަކީ ނޯޑިކް އިކޯ ސެޓިފައިޑް އުފެއްދުންތައް އެންމެ ފުރަތަމަ އުފައްދަން ފެށި ކުންފުންޏެވެ.
މާލޭގައި ހުންނަ މެޑްޓެކް ހޯމްކެއާ ފިހާރައިން އަލަށް ތައާރަފު ކޮށްފައި ވަނީ އެބީނާ ބުރޭންޑުގެ ސިއްހީ އުފެންދުންތަކުގެ ތެރެއިން ތިން ޕުރޮޑަކްޓު ރޭންޖެކެެވެ. އޭގެ ތެރޭގައި ބޮޑެތި މީހުންނަށް ހާއްސަ ތަފާތު ވައްތަރުތަކުގެ ނެޕީ އާއި އެކި ކަހަލަ ހަމުގެ މައްސަލަތައް ހުންނަ މީހުންނަށް ހާއްސަކޮށް އުފައްދާފައިވާ އުފެއްދުންތަކާއި އެނދުމަތިވެފައިވާ މީހުން، ފެނާއި ނުލައި "ފެން ވެރުވުމަށް" ހާއްސަ ވެޓް ވައިޕްސް ފަދަ އުފެއްދުން ހިމެނެ އެވެ.
ބޮޑެތި މީހުންނަށް ހާއްސަ ތަފާތު ވައްތަރުތަކުގެ ނެޕީ އެ ފިހާރައިން ލިބޭ -- ފޮޓޯ: އިޔާން/އަދަދު
އެބީނާގެ އުފެއްދުންތަކަކީ ދުނިޔެ ގަބޫލުކުރާ ފެންވަރުގެ އެތައް ސެޓިފިކެޓުތަކެއް ލިބިފައިވާ އުފެއްދުން ތަކެކެވެ. އެގޮތުން އެކްޒީމާ އާއި އެލާޖީ ފަދަ ހަމުގެ ބަލިތައް ހުންނަ ފަރާތްތަކުގެ ހަންގަނޑު ހަލާކު ނުވާފަދަ މާއްދާތައް ބޭނުންކޮށްގެން ތައްޔާރު ކުރާ އުފެއްދުންތަކަށް ދޭ 'ދަ އެސްމާ އެންޑު އެލާޖީ ނޯޑިކް ލޭބަލް' އާއި ތިމާވެއްޓާއި ރައްޓެހި އުފެއްދުންތަކަށް ދޭ 'ނޯޑިކް އިކޯ ލޭބަލް' ގެ އިތުރުން ޖަންގަލިތަކާއި ގަސްގަހާއި ގެއްސަށް ގެއްލުން ނުވާނެ ފަދަ ގޮތްގޮތަށް ހޯދާ ރޯމެޓީރިއަލްސް އިން އުފައްދާ އުފެއްދުންތަކަށް ދޭ 'އެފް.އެސް.ސީ' ސެޓިފިކެޓު ވެސް އެބީނާގެ ޕުރޮޑަކްޓުތަކަށް ލިބިފައި ވެއެވެ.
އަޅުގަނޑުމެންނަކީ ސޮލިއުޝަން އޮރިއެންޓެޑް ޕާޓްނަރެކެވެ
އަބޭނާގައި އަޅުގަނޑުމެން ފަޚުރުވެރިވަނީ މާކެޓުން ލިބޭ އެންމެ ރަނގަޅު އުފެއްދުންތަކުގެ ތެރޭގައި ހިމެނޭ މަތީ ފެންވަރުގެ އުފެއްދުންތަކެއް ކަސްޓަމަރުންނަށް ފޯރުކޮށްދިނުމާއި، އެއްފަހަރާ ތިމާވެށްޓަށް އަޅާލުމާއި ލިޔެކިޔުންތަކާއި ހާމަކަން ބޮޑުކަމާއި ތަޖުރިބާކާރު ލޮޖިސްޓިކްސް މެނޭޖްމަންޓަށް ބޭނުންވާ ކަންކަން ފުރިހަމަކުރުން. މިކަމުގެ ސަބަބުން އަޅުގަނޑުމެންގެ ކަސްޓަމަރުންނަށް ޤާނޫނު ހެދުމާއި، މުދާ އުފުލުމާއި، ތިމާވެށްޓަށް ކުރާ އަސަރުތަކަށް މަދުކޮށް، އެންމެ ރަނގަޅަށް ކުރާ ކަންކަމަށް ފޯކަސް ކުރުމަށް ފަސޭހަވެގެންދެއެވެ.
މި ހުރިހާ ސާމާނެއް ހޯލްސޭލްކޮށް އަދި ރީޓޭލްކޮށް ހޯމްކެއާ ފިހާރައިން ލިބެން ހުރިއިރު، ވަރަށް އަވަހަށް އެބީނާ ބުރޭންޑުގެ ކުޑަކުދިންގެ ރޭންޖުގެ އުފެއްދުން ތައާރަފުކުރާނެ އެވެ. އެ ފިހާރައަށް ގޮސް ވިޔަފާރިކޮށްލަން އުނދަގޫ ނަމަ އީމެއިލް homecare@medtechmaldives.com އަށް މެއިލް ކޮށްލައިގެން ނުވަތަ ފޯނު 9902225 960+ އަށް ގުޅާލައިގެން ވެސް އޯޑަރު ކުރެވޭނެ އެވެ.
