ސްރީލަންކާގެ މަޝްހޫރު "ކުރޭޕް ރާނާ" ގެ އައުޓުލެޓެއް މާލެ، އާޓިފިޝަލް ބީޗު ކުރިމަތީގައި ހުޅުވައިފި އެވެ.
ކުރޭޕް ރަނާއަކީ 2019ވަނަ އަހަރު ކުޑަކުޑަ ފުޑް ޓުރަކެއްގައި ފެށި ވިޔަފާރިއެކެވެ. ކުޑަ ދުވަސްކޮޅެއްގެ ތެރޭގައި ބޮޑު ކުރިއެރުމެއް ހޯދައިފައިވާ އެ ވިޔަފާރީގެ ދަށުން ހަ އައުޓުލެޓެއް މިހާރު ސްރީލަންކާގައި ހިންގަމުންދެ އެވެ.
ސްރީލަންކާގައި މަގުބޫލު ކުރޭޕް ރަނާގެ މާލެ އައުޓުލެޓް -- ފޮޓޯ: ކުރޭޕް ރަނާ
ސްރީލަންކާގެ އެންމެ މަޝްހޫރު ކުރޭޕް ވިޔަފާރި ފެށުނު ގޮތް ކިޔައިދެއްވަމުން "ކުރޭޕް ރަނާ" ގެ ފައުންޑާ އަދި ސީއީއޯ އަބްދުއް ސަލާމް ވިދާޅުވީ ދުނިޔޭގެ އެކި ކަންކޮޅަށް ދަތުރު ކުރަމުން ދަނިކޮށް ފުރެންޗު ކުރޭޕަކުން އަރުތެރޭގައި ލައްވާލި ރަހަ އަމިއްލަ ގައުމުގެ ރައްޔިތުންނާ ހަމައަށް ގެނެސްދިނުމުގެ ވިސްނުމުގައި ފެށި އެ ވިޔަފާރިން އެތައް ބައެއްގެ ހިތްތަކަށް އުފާވެރިކަން ގެނެސް ދެވިފައިވާ ކަމަށެވެ.
އަހަރުމެންގެ އަޒުމަކީ (ރާއްޖޭގައި ވެސް) ކަސްޓަމަރުންގެ ޖީބަށް މާބޮޑު އެނގުމެއް ނުވެ ވީހާވެސް ގިނަ ބައެއްގެ މޫނުމައްޗަށް ހިނިތުންވުން ގެނެސްދީ ފުހެލަން އުނދަގޫ ހަނދާންތަކެއް އެމީހުންގެ ސިކުނޑީގައި ބިންވަޅު ނަގައިދިނުން. - އަބްދުއް ސަލާމް
ސްރީލަންކާއަށް ޒިޔާރަތް ކުރާ ފަތުރުވެރިންގެ މެދުގައި ވެސް މަޝްހޫރު ކުރޭޕް ރަނާއަށް ވަނީ 2021 ވަނަ އަހަރު ސްރީލަންކާގެ ގައުމީ މާކެޓިން ގުނަން، ސްރީލަންކާ އިންސްޓިޓިއުޓު އޮފް މާކެޓިން (ސްލިމް) އިން ކުދި އަދި މެދުފަންތީގެ ވިޔަފާރިތަކަށް ހާއްސަކޮށް ދޭ ސްލިމް ބުރޭންޑު އެކްސެލެންސް ސިލްވާ އެވޯޑު ވެސް ލިބިފަ އެވެ. އޭގެ ކުރީ އަހަރު ހަމަ އެ ކެޓެގަރީން ބުރޯންޒު އެވޯޑު ވެސް އެ ވިޔަފާރިއަށް ލިބިފައި ވެއެވެ.
ކުރޭޕް ރަނާގެ މާލެ އައުތުލެޓު ހުންނަނީ ހެންވޭރު ބީއެމްއެލް އޭޓީއެމް އާއި ޖެހިގެން -- ފޮޓޯ: ކުރޭޕް ރަނާ
އެ ވިޔަފާރީގެ އައުޓުލެޓެއް މާލޭގައި ހުޅުވާފައިވާއިރު އެތަނުން ތަފާތު ވައްތަރުގެ ކުރޭޕް ލިބޭނެ އެވެ. އެގޮތުން ކުރޭޕް ރަނާގެ ސުވީޓު ކުރޭޕާއި ސަވާ ކުރޭޕު ފާހަގަކޮށްލެވެ އެވެ. އެގޮތުން ސުވީޓު ކުރޭޕުގެ ބޭސްއަށް ނަޓެއްލާ، މިލްކު ޗޮކުލެޓު އަދި ވައިޓު ޗޮކުލެޓު ހިޔާރުކޮށްލެވޭއިރު؛ ނަޓާއި، ފުރުޓާއި، ތަފާތު ވައްތަރުތަކުގެ ޗޮކުލެޓާއި އަދި ބުރައުނީސް ޓޮޕިންގެ ގޮތުގައި ހިޔާރުކޮށްލެވޭނެ އެވެ.
އޭގެއިތުރުން ސަވާ ކުރޭޕްގެ ބޭސްއަށް އެމީހަކަށް އެންމެ ކަމުދާ ތަރުކާރީ ނުވަތަ ޕިކުލްސްއާއި އެންމެ ދުލަށް ހެޔޮ މަހެއް އަޅައިގެން އެތަނުން ތައްޔާރުކޮށްދޭނެ އެވެ.
