އަމީނީ މަގު މަޝްރޫއު މަޑުޖައްސާލުމުގެ ވަގުތީ އަމުރު ނެރެނުދިން

އަމީނީ މަގު ހެދުމުގެ މަސައްކަތް ކުރިއަށް ދަނީ: މަގު ހެދުމުގެ މަޝްރޫއު މަޑުޖައްސާލުމުގެ ވަގުތީ އަމުރު ކޯޓަކުން ނުދިން - ފޮޓޯ: މުހައްމަދު ޝާބިން | އަދަދު

އަމީނީ މަގު ހެދުމުގެ މަސައްކަތް ކުރިއަށް ދަނީ: މަގު ހެދުމުގެ މަޝްރޫއު މަޑުޖައްސާލުމުގެ ވަގުތީ އަމުރު ކޯޓަކުން ނުދިން - ފޮޓޯ: މުހައްމަދު ޝާބިން | އަދަދު

އަމީނީ މަގު ހެދުމުގެ މަޝްރޫއު ކުރިއަށް ގެންދިއުމަށް އެ މަގުގައި ހުރި ގަސްތައް ކެނޑުން ހުއްޓުވަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ސިވިލް ކޯޓަށް ހުށަހެޅުއްވި މައްސަލާގައި، އެމަނިކުފާނު އެދިވަޑައިގެންނެވި ގޮތަށް މަޝްރޫއު މަޑުޖައްސާލުމުގެ ވަގުތީ އަމުރު ނެރެނުދޭން ނިންމައިިފި އެވެ.

ނަޝީދުގެ ފަރާތުން ވަގުތީ އަމުރަކަށް އެދިވަޑައިގެންނެވި ސަބަބެއްގެ ގޮތުގައި އޮތީ އެ ދައުވާއިން ބޭނުންވާ ފަރުވާ، މަޝްރޫއު މަޑުޖައްސާނުލައިފިނަމަ ނުލިބޭނެ ކަމަށެވެ. އަދި ގަސް ކަނޑުން ހުއްޓާނުލައިފިނަމަ، މައްސަލައިގެ ހުކުމަށް އަންނައިރު މައިގަނޑު މައުޟޫއުގެ ބޭނުން ކެނޑޭނެ ކަމަށް ވެސް އޭގައިވެ އެވެ.

ސިވިލް ކޯޓުގެ ގާޒީ މަރިޔަމް ވަހީދާ މިއަދު ނެރުއްވި ނިންމުމުގައިވަނީ، ވަގުތީ އަމުރަކަށް އެދުމަށް ފުރިހަމަވުމަށް ގާނޫނުގައި ޝަރުތުތައް މި މައްސަލާގައި ފުރިހަމަނުވާ ކަމަށެވެ.

Advertisement

އެ ގޮތުން ވަގުތީ އަމުރަށް އެދޭ ފަރާތަށް ގާނޫނީ ގޮތުން ހިމާޔަތް ލިބެން ޖެހޭ ހައްގެއް ނުވަތަ ގާނޫނީ މަރުކަޒެއް އޮތުމުގެ އިހުތިމާލު ފާޅުކަން ބޮޑު ގޮތެއްގައި ގާއިމްވެފައެއް ނެތް ކަމަށެވެ.

އަދި ވަގުތީ އަމުރު ނެރުމަކާ ނުލައި އަސްލު ދައުވާ ލަސްވެގެން ހިނގައްޖެ ނަމަ އިއާދަނުކުރެވޭނެ ފަދަ ނުރައްކަލަކާ ނުވަތަ ގެއްލުމަކާ ކުރިމަތިލާން ޖެހޭކަން އެނގޭކަށް ވެސް ނެތް ކަމަށް އޭގައިވެ އެވެ.

އޭގެ އިތުރުން ވަގުތީ އަމުރަށް އެދިފައިވާ ފަރާތަކީ އަމުރަށް އެދުމުގެ ހައިސިއްޔަތު ގާނޫނީ ގޮތުން ލިބިގެންވާ ފަރާތެއް ކަމުގައި ވެސް ބެލެވެން ނެތް ކަމަށް އޭގައިވެ އެވެ.

އާރުޑީސީން ޝަރީއަތުގައި ދިން ޖަވާބު

ވަގުތީ އަމުރާ ގުޅޭ ގޮތުން، މަޝްރޫއު ހަވާލުވެގެން ކުރިއަށް ގެންދާ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ބުނެފައިވަނީ މަސައްކަތް ކުރިއަށް ގެންދަނީ ސަރުކާރާއެކު ވެފައިވާ އެއްބަސްވުމެއްގެ ދަށުން، ވަކި މުއްދަތެއްގެ ތެރޭގައި ނިންމުމަށެވެ.

އެއްބަސްވުމުގައިވާ މުއްދަތުގެ މެދުތެރެއިން މަސައްކަތް ހުއްޓާލައިފިނަމަ ކުންފުންޏަށް މާލީ ގެއްލުންތަކެއް ލިބޭނެ ކަމަށް އާރުޑީސީން ބުނެފައިވެ އެވެ. އެއީ މަސައްކަތް ހުއްޓާލިޔަސް އެ ކަމަށް ނަގާފައިވާ މުވައްޒަފުންނަށް މުސާރަ އަދި ކުއްޔަށް ހޯދާފައިވާ ވެހިކަލްތަކަށް އޭގެ އަގު ވެސް ދައްކަން ޖެހޭނެތީ އެވެ.

މީގެ އިތުރަށް ގަސް ކަނޑައިގެން ނޫނީ އަމީނީ މަގު ހެދުމުގެ މަސައްކަތް ކުރިއަށް ނުގެންދެވޭނެ ކަމަށް އާރުޑީސީން ބުނެފައިވެ އެވެ. އެއީ އަމީނީ މަގުގައި ޑީވޯޓަރިންގެ ނިޒާމު ގާއިމުކުރާތީ މަގުގެ އެއްކޮޅުން އަނެއްކޮޅަށް ހޮޅިއަޅަން ޖެހޭތީ ކަމަށް އާރުޑީސީން ފާހަގަކޮށްފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox