އޮސްޓްރޭލިއާގެ ރަށެއް ކަމަށްވާ ޓެޒްމޭނިއާގެ ގޮނޑުދޮށަށް 230 ބޮޑުމަސް ލައްގައިފި އެވެ.
އޭގެ ތެރެއިން ދެބައި ކޮށްފައި އެއްބައި ބޮޑުމަސް ވަނީ މަރުވެފަ އެވެ. އެ މަސްތައް ލައްގާފައި ވަނީ މެކުއޮރީ ހާބަރު ސަރަހައްދަށެވެ.
މީގެ ދެ އަހަރު ކުރިން ވެސް އެ ސަރަހައްދަށް ގިނަ އަދަދެއްގެ ބޮޑުމަސް ލައްގާފައިވެ އެވެ. ގޮނޑުދޮށަށް ބޮޑުމަސް ލައްގާ ސަބަބެއް ނޭނގެ އެވެ.
އެހެން ނަމަވެސް ޓީމުތަކުން މިހާރު ދަނީ މަރުނުވެ ހުރި ބޮޑުމަސްތަކަށް އެހީވުމުގެ މަސައްކަތް ކުރަމުންނެވެ.
މެކުއޮރީ ހާބަރު ސަރަހައްދަށް 230 ބޮޑުމަސް ލައްގާފައިވާ އިރު، އަންގާރަ ދުވަހު އެހެން ސަރަހައްދަކަށް ވެސް ބޮޑުމަސް ލައްގާފައި ހުއްޓައި ފެނުނެވެ.
އެގޮތުން 14 ބޮޑުމަސް ފެނުނީ ޓެޒްމޭނިއާގެ ކިންގް އަައިލެންޑް ހިސާބުންނެވެ. އެ ހުރިހާ މަހެއް ވެސް އޮތީ މަރުވެފަ އެވެ.
މީގެ ކުރިން 2020 ވަނަ އަހަރުގެ ސެޕްޓެމްބަރު މަހު މެކުއޮރީ ހާބަަރު ސަރަހައްދަށް 500 ބޮޑުމަސް ލެއްގި އެވެ. އޭގެން 380 މަސް މަރުވި ނަމަވެސް 100 ބޮޑުމަސް ސަލާމަތް ކުރެވުނެވެ.
