ވިލާ މާޓުގެ ފިހާރަތަކުން ވިއްކާ ބައެއް އުފެއްދުންތަކުގެ ރަހަ ބަލާލުމުގެ ފުރުސަތު ލިބިގެންދާ އިވެންޓެއް، ކުޑަކުދިންގެ ހަވީރަކާއެކު އަންނަ ހުކުރު ދުވަހު އުސްފަސްގަނޑުގައި ބާއްވަން ނިންމައިފި އެވެ.
އެ އިވެންޓުގައި އޮސްޓުރޭލިއާގެ މަޝްހޫރު ފެނާ ބްރޭންޑުގެ ތަފާތު ޖޫސްތަކާއި ވިލާ ޓްރޭޑިންގެ އަމިއްލަ އުފެއްދުމެއް ކަމަށްވާ ގާޑެންސް ބްރޭންޑުގެ މީރު ޖޭމުތަކުގެ ރަހަ ބަލާލުމުގެ ފުރުސަތު އާންމުންނަށް ލިބޭނެ އެވެ.
ގާޑެންސް ބްރޭންޑުގެ ޖޭމްތަކަކީ ޓޯސްޓުގައި ޖަހާލައިގެން ބޭނުން ކުރުމުގެ އިތުރުން ފަރާޓާ، ބޭގަލް އަދި ސަންޑޭ އައިސްކްރީމް ފަދަ ފިނި ބުއިންތައް އިތުރަށް ފުރިހަމަކޮށްލުމަށް ވެސް ކަމުދާ، ވިޓެމިން އާއި މިނެރަލް އޭގައި އެކުލެވޭ އޯގެނިކް އުފެއްދުންތަކެއް ކަމަށް އެ ކުންފުނިން ބުނެ އެވެ.
މީގެ އިތުރުން ފެނާ ބްރޭންޑުގެ ތަފާތު ބުއިންތަކަކީ އޭގައި ތާސީރު އެކުލެވޭ، ހަށިގަނޑަށް ފައިދާހުރި މާއްދާތައް އެކުލެވިފައިވާ ޔޫރަޕުގެ އިތުބާރު ލިބިފައިވާ މީރު ބުއިންތަކެއް ކަމަށް ވެސް ވިލާ ޓްރޭޑިންއިން ބުނެ އެވެ.
ކުޑަކުދިންނަށް ހާއްސަ ތަފާތު ކުޅިވަރުތަކާއެކު ކުރިއަށްގެންދާ އެ ހަވީރުގެ މައިގަނޑު ބޭނުމަކީ ވިލާގެ ފިހާރަތަކުން ވިއްކާ އުފެއްދުންތަކުގެ އަޖުމަ ބަލާލުމުގެ ފުރުސަތު ކަސްޓަމަރުންނަށް ފޯރުކޮށްދީ ވިލާ މާޓުގެ ފިހާރަތަކުން ވިއްކާ އުފެއްދުންތަކާމެދު ކަސްޓަމަރުންގެ ހިޔާލު ހޯދާ އިތުރަށް އެފިހާރަތުން ލިބޭ ހިދުދުމަތްތައް ފުރިހަމަ ކުރުން ކަމަށް ވިލާ ޓްރޭޑިންއިން ބުނެ އެވެ.
