އައްޑޫ ސިޓީ ފިހާރައެއްގައި އަލިފާން ރޯކޮށްލި ކަމުގެ ތުހުމަތުގައި މީހަކު ހޯދަން ފުލުހުން އިއުލާނުކޮށް، ވީޑިއޯ އާންމުކޮށްފި އެވެ.
ވީޑިއޯ އާންމުކޮށް ފުލުހުން ބުނީ އެ ވީޑިއޯގައި ފެންނަ މީހާއަކީ މި މަހުގެ ފަސް ވަނަ ދުވަހު އައްޑޫ ސިޓީ ހިތަދޫ ބްލޮސަމް ފިހާރައިގައި އަލިފާން ރޯށްލާފައިވާ މައްސަލައާ ގުޅިގެން ކުރަމުން އަންނަ ތަހުގީގަށް ބޭނުންވާ މީހެއް ކަމަށް ބުނެފައިވެ އެވެ.
ވީޑިއޯއިން ފެންނަނީ ކާކުކަން މިހާތަނަށް ފުލުހުންގެ ތަހުގީގަށް ދެނެގަނެވިފައި ނުވާ ކަމަށް ފުލުހުން ބުނެ އެވެ.
އެ ވީޑިއޯއިން ފެންނަނީ މޫނު ނިވާ ކޮށްގެން ހުރި މީހަކު އައިސް އެ ފިހާރައިގެ ބިއްލޫރިގަނޑު ތަޅާލައި، ފުޅިއެއްގައި ހުރި ޕެޓްރޯލް ކަމަށް ބެލެވޭ ޒާތުގެ އެއްޗެއް ފިހާރައަަށް އަޅާ ތަނެވެ.
މި މީހާއާ ގުޅޭ އެއްވެސް މައުލޫމާތެއް ލިބިފައިވާ މީހެއް ނަމަ، އައްޑޫ ސިޓީ ހިތަދޫ ޕޮލިސް ސްޓޭޝަންގެ ނަންބަރު 9791612 އަށް ގުޅައި މައުލޫމާތު ހިއްސާކުރުމަށް ފުލުހުން އެދިފައިވެ އެވެ.
