ކާބޯތަކެތީގެ އަގުތައް ވިދިވިދިގެން ހަތް ވަނަ މަހު މައްޗަށް

މާލޭގައި ހުންނަ ދަތުރުވެރިންގެ މާރުކޭޓުގައި މޭވާ އާއި ތަރުކާރީ ވިއްކާ ސްޓޯލެއް: އަގު އުފުލެމުންދާ ބާވަތްތަކުގެ ތެރޭގައި މޭވާ އާއި ތަރުކާރީގެ އިތުރުން އާންމުކޮށް ބޭނުންކުރާ ގިނަ ބާވަތްތަކެއްގެ ކާބޯތަކެތި ހިމެނޭ. -- ފޮޓޯ: މުހައްމަދު ޝާބިން/އަދަދު

މާލޭގައި ހުންނަ ދަތުރުވެރިންގެ މާރުކޭޓުގައި މޭވާ އާއި ތަރުކާރީ ވިއްކާ ސްޓޯލެއް: އަގު އުފުލެމުންދާ ބާވަތްތަކުގެ ތެރޭގައި މޭވާ އާއި ތަރުކާރީގެ އިތުރުން އާންމުކޮށް ބޭނުންކުރާ ގިނަ ބާވަތްތަކެއްގެ ކާބޯތަކެތި ހިމެނޭ. -- ފޮޓޯ: މުހައްމަދު ޝާބިން/އަދަދު

މި އަހަރުގެ ފުރަތަމަ ހަތް މަސް ދުވަހުގެ ތެރޭގައި ކާބޯތަކެތީގެ އަގުތައް ހުއްޓުމެއްނެތި އުފުލެމުން އަންނަ ކަމަށް މޯލްޑިވްސް ބިއުރޯ އޮފް ސްޓެޓިސްޓިކްސް (އެމްބީއެސް)އިން އާންމުކުރި އެންމެ ފަހުގެ ކޮންސިއުމާ ޕްރައިސް އިންޑެކްސް (ސީޕީއައި)އިން ދައްކައިފި އެވެ.

ކާބޯތަކެތީގެ އަގުއުފުލެމުންދާ މައިގަނޑު ސަބަބަކީ ދުނިޔޭގެ ބާޒާރުގައި ކާބޯތަކެތީގެ އަގު އުފުލެމުން ދިޔުމެވެ. ދުނިޔޭގެ ބާޒާރުގައި ކާބޯތަކެތީގެ އަގު އުފުލެމުންދަނީ އުފެއްދުމުގެ ހަރަދާއި ލޮޖޮސްޓިކްސް ހަރަދު އިތުރުވުމާއި ބައެއް ބާވަތްތައް އެކްސްޕޯޓު ކުރުން ގައުމުތަކުން މަނާކުރުން ފަދަ ސަބަބުތަކާ ހުރެ އެވެ.

އެއާއެކު މޭވާ އާއި ތަރުކާރީ އާއި ތައްޔާރީ ކާނާ ހިމެނޭހެން ކާބޯތަކެތީގެ ބޭނުންތައް ފުއްދަން މުޅީންހެން އެކްސްޕޯޓަށް ބަރޯސާވާ ރާއްޖޭގައި ބައެއް ބާވަތުގެ ކާނާގެ އަގު އަންނަނީ އުފުލެމުންނެވެ. އެމްބީއެސްގެ ރެކޯޑުތަކުން ދައްކާ ގޮތުގައި މިދިޔަ އަހަރާ އަޅާކިޔާއިރު މި އަހަރުގެ ފުރަތަމަ ތިން މަސް ދުވަހުގެ ތެރޭގައި ކާބޯތަކެތީގެ އަގު އުފުލުން ނިސްބަތުން ހިފެހެއްޓިފައި ހުރި ނަމަވެސް، އެފަހުން އެވަރެޖު އިންފްލޭޝަން ރޭޓު ހުރީ 4.8 ޕަސެންޓުގަ އެވެ.

ކާބޯތަކެތީގެ އިންފްލޭޝަން ރޭޓު

  • ޖެނުއަރީ - 1.94 ޕަސެންޓު
  • ފެބްރުއަރީ - 1.66 ޕަސެންޓު
  • މާޗު - 2.86 ޕަސެންޓު
  • އޭޕްރިލް - 3.66 ޕަސެންޓު
  • މޭ - 4.72 ޕަސެންޓު
  • ޖޫން - 5.21 ޕަސެންޓު
  • ޖުލައި - 5.99 ޕަސެންޓު

ކާބޯތަކެތީގެ ބާވަތްތަކުގެ ތެރެއިން މި އަހަރުގެ ތެރޭގައި އެންމެ ބޮޑަށް އަގު އުފުލުނު ބާވަތްތަކުގެ ތެރޭގައި ހިމެނެނީ ދިވެހިން އާންމުކޮށް ބޭނުންކުރާ ގަނޑުކުރި ކުކުޅާއި ކުކިން އޮއިލްގެ އިތުރުން ނޫޑްލްސް އަދި ފްލޭވާޑް ކިރު ޕެކެޓާއި މަހާއި ދަޅުމަހުގެ އުފެއްދުންތަކެވެ. އޭގެ އިތުރުން މޭވާ އާއި ތަރުކާރީގެ ބާވަތްތަކުގެ ތެރެއިން ކެރެޓާއި ލިނބޯގެ އިތުރުން ލެޓިއުސް އާއި ގިތެޔޮ މިރުހުގެ އަގުތައް ވެސް ބައެއް މަސްމަހުގެ ތެރޭގައި އިންތިހާއަށް އުފުލުމަށް ފަހު، ސަޕްލައި ރަނގަޅުވުމާ އެކީ އަގު ވެއްޓިފައި އެބަ ހުއްޓެވެ.

އަހަރުން އަހަރަށް އަޅާ ކިޔާއިރު އިންފްލޭޝަން ރޭޓު މަތި ނަމަވެސް މަހުން މަހަށް ތަކެތީގެ ކަބޯތަކެތީގެ އަގު އުފުލޭ ރޭޓު ހުރީ މޭ މަސް ފިޔަވާ އެ ނޫން ހުރިހާ މަހެއްގައި ޕަސެންޓަކުން ތިރީގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox