ޖަޕާނުގެ ކުރީގެ ބޮޑު ވަޒީރު ޝިންޒޯ އަބޭ އަވަހާރަކޮށްލި މައްސަލައާ ގުޅިގެން އެ ގައުމުގެ ފުލުހުންގެ ވެރިޔާ އިސްތިއުފާ ދޭން ނިންމަވައިފި އެވެ.
ގައުމީ ފުލުހުންގެ އެޖެންސީގެ ވެރިޔާ އިތަރޫ ނަކަމުރާ ވިދާޅުވީ ޖުލައި އަށް ވަނަ ދުވަހު ހިނގި ބަޑި ޖެހުމުގެ ހާދިސާގެ ފުރިހަމަ ޒިންމާ ނަންގަވާނެ ކަމަށެވެ.
ތަހުގީގުން ދެއްކި ގޮތުގައި އެ ދުވަހު އަބޭއަށް ފުލުހުންގެ ރަައްކާތެރިކަން ފޯރުކޮށްދިން ގޮތުގައި ބޮޑެތި މައްސަލަތަކެއް ހުއްޓެވެ.
އަަބޭގެ ހަށިކޮޅަށް ބަޑި ޖަހައި އަވަހާރަކޮށްލީ ނާރާ ސިޓީގެ މަގުމަތީގައި އޮތް ކެމްޕެއިން އެއްވުމެއްގައި ވާހަކަ ދައްކަން ހުންނަވަނިކޮށެވެ.
ބަޑި ޖެހި އުމުރުން 41 އަހަރުގެ ފިރިހެން މީހާ ވަނީ އަބޭއާ ދިމާލުން ފަހަތުން ކައިރިވެ، ސީދާ ހަށިކޮޅަށް ބަޑި ޖަހައިފަ އެވެ. އޭނާ ބޭނުން ކުރީ ގޭގައި އަމިއްލައަށް އުފެއްދި ބަޑިއެކެވެ.
އުމުރުން 67 އަހަރުގެ އަބޭގެ ކަނދުރާއަށް ދެ ވަޒަން އެރި އިރު، ހިތަަށް ބޮޑެތި ގެއްލުންތަކެއް ލިބުނު ކަމަށް ޑޮކްޓަރުން ބުންޏެވެ.
