އޮސްޓްރޭލިއާގެ ކެންބެރާ އެއާޕޯޓުގައި ބަޑި ޖެހި މީހަކު އާދީއްތަ ދުވަހު ހައްޔަރުކޮށްފި އެވެ.
ފުލުހުން ބުނީ އާދީއްތަ ދުވަހު މެންދުރު ޗެކްއިން ސަރަހައްދުގައި ބަޑި ޖެހި ނަމަވެސް އެއްވެސް މީހަކަށް އަނިޔާ ނުވާ ކަަމަށެވެ.
ތުހުމަތު ކުރެވޭ މީހާ މާ ލަސްތަކެއް ނުވެ ހައްޔަަރު ކުރި އިރު، އޭނާ ގެންގުޅުނު ބަޑި ވެސް ވަަނީ ހިފަހައްޓަައިފަ އެވެ. އެ އަމަލު ހިންގި ސަބަބު ސާފެއް ނުވެ އެވެ.
ރައްކާތެރިވުމުގެ ގޮތުން މުޅި އެއާޕޯޓުން މީހުން އިވެކުއޭޓް ކުރި އެވެ. އޮސްޓްރޭލިއާ ނޫސްތަކުން ބުނީ އެއާޕޯޓުގައި ފަސް ފަހަރު ބަޑި ޖެހި ކަމަށެވެ.
އެއާޕޯޓް ޓާމިނަލްގެ ބިއްލޫރި ކުޑަދޮރުތަކަަށް ބައެއް ވަޒަަން އަރާފައިވެ އެވެ. ބަޑި ޖެހުމާ އެކު ޕަސެންޖަރުން ހާސްވެ ދުވަން ފެށި އެވެ.
ފުރުމަށް ތައްޔާރުވެ، ފްލައިޓްތަކުގައި ތިބި މީހުން ވެސް އިވެކުއޭޓް ކުރި އެވެ. އިދާރާތަކުން ބުނީ އެއާޕޯޓުގެ އޮޕަރޭޝަން ވީ އެންމެ އަވަހަށް ފެށުމަށް މަަސައްކަތް ކުރާ ކަމަށެވެ.
