އިސްލާމިކް ސޮލިޑާރިޓީ ގޭމްސް: އިރާން އަތުން ސެމީގައި ބަލިވެ، ޓީޓީ އަންހެން ޓީމަށް ލޯ މެޑަލް

Aug 11, 2022, 11:30 AM
ޓީޓީ އަންހެން ޓީމު ކުޅުންތެރިންނާއި ކޯޗު--- ފޮޓޯ: މޯލްޑިވްސް އޮލިމްޕިކް ކޮމިޓީ/ އިސްމާއިލް ތޯރިގު: އަދަދު ގްރެފިކްސް: މުހައްމަދު އިސާމް ސާމިރު

ޓީޓީ އަންހެން ޓީމު ކުޅުންތެރިންނާއި ކޯޗު--- ފޮޓޯ: މޯލްޑިވްސް އޮލިމްޕިކް ކޮމިޓީ/ އިސްމާއިލް ތޯރިގު: އަދަދު ގްރެފިކްސް: މުހައްމަދު އިސާމް ސާމިރު

ތުރުކީގެ ކޮންޏާގައި މިހާރު ކުރިއަށްދާ ފަސް ވަނަ އިސްލާމިކް ސޮލިޑާރިޓީ ގޭމްސްގެ ޓޭބަލް ޓެނިހުގެ އަންހެން ކެޓަގަރީގައި ރާއްޖޭން ލޯ މެޑަލް ހޯދައިފި އެވެ.

މިއީ އިސްލާމިކް ސޮލިޑާރިޓީ ގޭމްސްގައި ރާއްޖެ އަށް ލިބުނު ފުރަތަމަ މެޑަލެވެ. މީގެ ކުރިން ރާއްޖޭގެ ހަސަން ސާއިދު ވަނީ 2017 ވަނަ އަހަރު އަޒަރުބައިޖާންގެ ބަކޫގައި ބޭއްވި ސޮލިޑާރިޓީ ގޭމްސްގެ 100، 200 މީޓަރު ދުވުމުގެ ފައިނަލުގައި ވާދަކޮށްފަ އެވެ. މީގެ ތެރެއިން 100 މީޓަރު ދުވުމުން ހަތަރު ވަނަ ހޯދި އެވެ.

މި ފަހަރުގެ ސޮލިޑާރިޓީ ގޭމްސްގެ އަންހެން ޓީޓީގެ ޓީމު އިވެންޓްގައި އަށް ގައުމު ވާދަކުރިއިރު، ރާއްޖޭގެ އަންހެން ޓީޓީ ޓީމަށް ލޯ މެޑަލް ލިބުނީ މިއަދު ކުޅުނު ސެމީ ފައިނަލް މެޗުން 3-0 އިން އީރާން އަތުން ބަލިވުމުންނެވެ.

ރާއްޖޭގެ އަންހެން ޓީޓީ ޓީމު ޖުމްލަ އެކު މި ގޭމްސްގައި ކުޅުނު ހަތަރު މެޗުގެ ތެރެއިން ދެ މެޗުން މޮޅުވި އެވެ. އެއީ ޖިބޫޓީ އާއި ޔޫގާންޑާ އަތުންނެވެ. ބަލިވީ ގްރޫޕްގައި ތުރުކީ އަތުންނާއި މިއަދު އީރާން އަތުންނެވެ. ބަލިވި ދެ މެޗުގައި ވެސް ރަނގަޅު ޗެލެންޖްތަކެއް ދިން ގޭމްތަކެއް ދިޔަ އެވެ.

މިއަދުގެ ސެމީ ފައިނަލުގައި ފުރަތަމަ ސިންގަލްސް އަށް ނުކުތީ ރާއްޖޭގެ ފާތިމަތު ދީމާ އަލީ އެވެ. ދީމާއާ ދެކޮޅަށް ކުޅުނު އީރާންގެ އަސްތާރީ މަހުސިދަކީ ތަފާތު ސްޓައިލަކަށް ޑިފެންސިވްކޮށް ކުޅޭ ކުޅުންތެރިއަކަށް ވުމުން ދީމާ އަށް އުނދަގޫތަކެއް ކުރިމަތިވި އެވެ. އަސްތާރީ ވަނީ މި މެޗުގެ ސެޓުތައް 04-11، 08-11 އަދި 02-11 އިން ގެންދިޔަ އެވެ. އޭނާ މޮޅުވީ 3-0 އިންނެވެ.

އީރާނަށް އެންމެ ވަރުގަދަ ޗެލެންޖެއް ދިނީ ރާއްޖޭގެ އައިޝަތު ރަފާ ނާޒިމް އެވެ. ކޮމަންވެލްތު ގޭމްސް އާއި ސޮލިޑާރިޓީ ގޭމްސްގެ ސިންގަލްސް ބައިގައި މޮޅު ކުޅުމެއް ދެއްކި ރަފާ މިއަދު ނުކުތީ އީރާންގެ ނެދާ ޝާހްސަވާރީއާ ދެކޮޅަށެވެ.

ނެދާ އަށް ރަފާގެ މައްޗަށް ކުރިހޯދުނީ 3-2 ސެޓުންނެވެ. މި ގޭމުގެ ފުރަތަމަ ސެޓުގައި ނެދާގެ މައްޗަށް ރަފާ ކުރިހޯދީ 11-09 އިންނެވެ. ނެދާ ވަނީ ކުޅުން ރަނގަޅުކޮށް ދެ ވަނަ ސެޓު، 07-11 އިން ގެންގޮސް އެއްވަރުކޮށްފަ އެވެ. ރަފާގެ ކުޅުން ދެނެގަނެ، ނެދާ ތިން ވަނަ ސެޓު ގެންދިޔައީ 04-11 އިންނެވެ.

އެކަމަކު، ހަތަރު ވަނަ ސެޓުގައި ރަފާ ފެނުނީ ތަފާތު ރޫހެއްގައި އެނބުރި އައިތަނެވެ. ނެދާ އަށް ރަނގަޅު ޗެލެންޖެއް ދީ އޭނާ ޕްރެޝަރަށް ވައްޓާލި އެވެ. އެންމެ މުހިންމު ވަގުތުތަކުގައި ރަފާގެ އެޓޭކްތައް ވެސް ކާމިޔާބުކޮށް ފެނުނުއިރު، އޭނާ ސެޓު ގެންދިޔައީ 12-10 އިންނެވެ. ނަތީޖާ ނެރެން ކުޅުނު ފަސް ވަނަ ސެޓު ފަށައިގެން ރަފާ ދިޔައީ ލީޑެއް ނަގަމުންނެވެ. ރަފާ 4-2 އިން ކުރީގައި އޮއްވައި، އީރާނުން ޓައިމްއައުޓެއް ނެގި އެވެ. އަލުން ފަށައިގެން ވެސް ރަފާ ލީޑުފުޅާކުރި ނަމަވެސް، ސެޓުގެ ފަހުކޮޅުގައި ރަފާ އަށް ޕްރެޝަރު ބޮޑުވި ވަގުތެއްގެ ފައިދާނަގައި، ފަހަތުން އަރައި ނެދާ ވަނީ ސެޓު އަނބުރާލައިފަ އެވެ. ނެދާ މި ސެޓު ގެންދިޔައީ 08-11 އިންނެވެ.

ޑަބަލްސް ގޭމްގައި ރާއްޖޭން ކުޅެން އެރީ ފާތިމަތު ޖުމާނާ ނިމާލް އާއި ރަފާގެ ޕެއާ އެވެ. އެ ޕެއާގެ މައްޗަށް 3-1 އިން ކުރިހޯދި އީރާންގެ ޕެއާ އަކީ ނެދާ އާއި ޝިމާ ސަފޭއިގެ ޕެއާ އެވެ. ފުރަތަމަ ސެޓު، ޝިމާ އާއި ނެދާގެ ޕެއާ އިން 05-11، އިން ގެންދިޔަ އެވެ. ރަފާ އާއި ޖުމާނާގެ ޕެއާ ރަނގަޅު ޗެލެންޖެއްކޮށް ޖެހިގެން އައި ސެޓު، 12-10 އިން ގެންގޮސް އެއްވަރުކުރި އެވެ. އެކަމަކު، ޖެހިގެން އައި ދެ ސެޓުގައި މާ ރަނގަޅަށް ނުކުޅެވި، މެޗު ވެސް ގެއްލުނީ އެވެ. ނެދާ އާއި ޝިމާގެ ޕެއާ ފަހު ދެ ސެޓު ގެންދިޔައީ 04-11 އާއި 05-11 އިންނެވެ.

ރާއްޖޭގެ އަންހެން ޓީޓީ ޓީމުން މި ވަނީ ތަފާތު ތިން ގޭމްސްގެ ޓީމު އިވެންޓްގައި މެޑަލް ހޯދައިފަ އެވެ. ސޮލިޑާރިޓީ ގޭމްސްގައި ލޯ މެޑަލް މިއަދު ހޯދުމުގެ ކުރިން 2019 ވަނަ އަހަރުގެ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގައި ރަން މެޑަލް އަދި 2019 ވަނަ އަހަރުގެ ސައުތު އޭޝިއަން ގޭމްސްގައި ވަނީ ލޯ މެޑަލް ހޯދައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox