މާލޭގެ ގެއެއްގެ ތެރޭގައި އަންހެނަކު ރޭޕްކުރި ކަމަށް ތުހުމަތު ކުރާ މައްސަލައެއް ފުލުހުން ބަލަން ފަށައިފި އެވެ.
ފުލުހުން މިރޭ ބުނި ގޮތުގައި މި މައްސަލަ ފުލުހަށް ރިޕޯޓް ކޮށްފައި ވަނީ އިއްޔެގެ ވަގުތެއްގަ އެވެ. އެ މައްސަލަ ތަހުގީގު ކުރަމުންދާ ކަމަށް ފުލުހުން ބުނިއިރު، މި މައްސަލައިގެ ތުހުމަތުގައި އަދި މީހަކު ހައްޔަރުކޮށްފައެއް ނުވެ އެވެ.
އެ މައްސަލައިގައި ހިމެނޭ އަންހެން މީހާ ވަނީ ތުހުމަތު ކުރެވޭ ފިރިހެން މީހާގެ ފޮޓޯއަކާއެކު ކަންތައް ހިނގައިދިޔަ ގޮތް ސޯޝަލް މީޑިއާ ޕްލެޓްފޯމް ޓުވިޓާގައި ކިޔައިދީފަ އެވެ.
Advertisement
އަންހެން މީހާ ލިޔެފައި ވަނީ އޭނާ ރޭޕް ކުރީ ދަންނަ މީހެއް ކަމަށާއި ހަމަ އެ ރޭ ފުލުހުންނަށް އެ މައްސަލަ ހުށަހަޅާފައިވާ ކަމަށެވެ. އަދިއަންހެން މީހާ ލައިގެން ހުރި ހެދުން ހެކީގެ ގޮތުގައި ފުލުހުންނަށް ދީފައިވާ ކަމަށް ބުނެފައިވެ އެވެ.
