ގަޒުފުކުރުމުގެ ނުބައިކަން އެނގޭނަމަ...!

ގަޒުފުކުރުމުގެ ނުބައިކަން އެނގޭނަމަ...!

މިއީ، ނޫރު ސޫރަތުގެ ފުރަތަމަ އާޔަތުން ފަށައިގެން، އަށާވަނަ އާޔަތުގެ ނިޔަލަށް ވިސްނާފިކުރު ހިންގާލުމަށް ދެވޭ ދައުވަތެކެވެ. ސޫރަތް ފައްޓަވާފައިވަނީ، އެސޫރަތް ބާވާލެއްވުނީ، އެސޫރަތުގައި ބަޔާންވެ ކަނޑައެޅިފައިވާ ކަންކަން ތިޔަބައިމީހުން ހަނދުމަކުރުމަށްކަމުގައި ބަޔާންކުރައްވަމުންނެވެ. އެއަށްފަހު ޖެހިގެން އޮތް ދެއާޔަތުގައި ޒިނޭކުރާ އަންހެނާއާއި ޒިނޭކުރާ ފިރިހެނާގެ ހައްދާއި އުގޫބާތުގެ ތަފުސީލު ބަޔާންކުރައްވާފައި ވެއެވެ. ޝައްކެއް ނެތެވެ. ޒިނޭގެ ނުބައިކަމާއި އޭގެ އަދަބު ބަޔާންކުރައްވާފައިވުމުން، ޒިނޭ ހަރާންވެގެންވާކަމާއި، ޒިނޭގެ އަދަބަކީ ކޮބައިކަން ސާފެވެ. އަދި އެކަމުގައި ބަހުސެއް ނެތެވެ.

ނޫރު ސޫރަތުގެ 4 އަދި 5 ވަނަ އާޔަތުގައި މާތް ﷲ އަންގަވަނީ، "ޢިއްފަތްތެރި އަންހެނުންނަށް ގަޒްފުކުރާމީހުން (އެކަމުގެ މައްޗަށް) ހަތަރު ހެކިން ނުގެނައިނަމަ، ފަހެ، އެއުރެންގެ ގައިގައި އަށްޑިހަ އެތިފަހަރުން ހައްދުޖަހާށެވެ! އަދި ދުވަހަކުވެސް އެއުރެންގެ ހެކިބަހެއް ތިޔަބައިމީހުން ގަބޫލުނުކުރާށެވެ! އަދި އެއުރެންނީ، ހަމަ، ފާސިގުންނެވެ. އެއަށްފަހު ތައުބާވެ (އަމަލުތައް) އިސްލާހުކޮށްފި މީހުން މެނުވީ އެވެ. ފަހެ، ހަމަކަށަވަރުން، ﷲ އީ، ގިނަގިނައިން ފާފަފުއްސަވާ، އޯގާވަންތަ ރަސްކަލާނގެ އެވެ."

ތަފްސީރު އިލްމުވެރިން ވިދާޅުވާ ގޮތުގައި، އަންހެނުންނެކޭ އެއްފަދައިން ފިރިހެނުންނާމެދު ވެސް ޒިނޭގެ ތުހުމަތުކުރުމުގެ ހުކުމަކީ އެއް ހުކުމެއްކަމަށް މިއާޔަތުން ދަލީލު ލިބެ އެވެ. ބައެއް އިލްމުވެރިން ވިދާޅުވާ ގޮތުގައި މިއާޔަތް އޭގެ މިނަށްވުރެ ފުޅާ ނުކުރެވޭނެ އެވެ. އާޔަތުގައި އޮތީ އަންހެނުންނާމެދު ޒިނޭގެ ތުހުމަތުކުރުމުގެ ވާހަކަ އެވެ. ކޮންމެއަކަސް ޒިނޭއަކީ އަންހެނަކާއި ފިރިހެނަކުވެގެން ކުރާ ކަމެއްކަމަށްވީހިނދު، ފިރިހެނެއްގެ ބޮލުގައި އެފަދަ ތުހުމަތެއް އެޅުވޭ އެއްވެސް ފަހަރަކު އަންހެނެއްގެ ވާހަކަ އަތުވެއްޖެނަމަ މިއާޔަތުގެ ހުކުމުން ބޭރުނުވާނެ ކަމާމެދަކު ދެބަސްވެވޭނެ އެއްވެސް ޖާގައެއް ނެތެވެ.

Advertisement

އެފަދަ ތުހުމަތުތައް މީސްމީހުންގެ މައްޗަށް ކޮށް އުޅޭ މީހުން، ތައުބާވެއްޖެއުމަށްދާންދެން އެމީހުންގެ ހެކިބަސް ވެސް ގަބޫލުނުކުރުމަށް މާތް ﷲ އަންގަވައި، އެފަދަ މީހުންނަކީ ކަނޑައެޅިގެން ފާސިގުންކަމުގައި ބަޔާންކުރެއްވުމުން، ޒިނޭގެ ތުހުމަތުއަޅުވައި ވާހަކަދެއްކުމަކީ އާންމު އާދައިގެ ކަމެއް ނޫންކަން ދެނެގަތުމަށް ހުރަހެއް ނެތެވެ. އާދޭހެވެ. ހަލާކުކޮށްލަނިވި ހަތް ކަންތަކުގެ ތެރޭގައި ވެސް އިއްފަތްތެރި ކަނބަލުންނަށް ޒިނޭގެ ތުހުމަތުކުރުން މާތް ނަބިއްޔާގެ ހަދީސް ބަސްފުޅުގައި ހިމަނުއްވާފައި ވެއެވެ. އެލިސްޓުގައި އޮތީ، ﷲ އަށް ޝިރުކުރުމާއި، ސިހުރުހެދުމާއި، ހައްގަކާ ނުލައި މީހުން މެރުމާއި ރިބާކެއުމާއި، ޔަތީމުންގެ މުދާ ކެއުމާއި، ހަނގުރާމައިގެ މައިދާނުން ފިލަންދުވުމާއި، އިއްފަތްތެރި އަންހެނުންނާމެދު ޒިނޭގެ ތުހުމަތުކުރުމެވެ. ގަޒުފުކުރުން މިލިސްޓްގައި އައުމުން ކަމުގެ ބޮޑުކަމާއި ނުރައްކާތެރިކަން ވިސްނައިގަންނަން އުނދަގުލެއް ނޫނެވެ.

ޒިނޭކުރާ މީހާގެ ހުކުމްތަކަށްފަހު، އަދި މީހުންނާމެދު ޒިނޭގެ ތުހުމަތުކުރާ މީހުންގެ ޙުކުމްތަކަށްފަހު، އެފަދަ ތުހުމަތުތަކުގެ އަނިޔާލިބޭ ފަރާތްތަކަށް އޮތް ނަފްސާނީ އެހީތެރިކަން ނޫރު ސޫރަތުގެ 11 ވަނަ އާޔަތުގައި ބަޔާންކުރައްވަނީ އަންނަނިވި ފަދައިންނެވެ. "ހަމަކަށަވަރުން، ބޮޑުވެގެންވާ ދޮގުވާހަކައާއިގެން އައި މީހުންނަކީ، ތިޔަބައިމީހުންގެ ތެރެއިންވާ ބަޔަކު މީހުންނެވެ. އެއީ ތިޔަބައިމީހުންނަށްހުރި ދެރައެއްކަމުގައި ތިޔަބައިމީހުން ހީނުކުރާށެވެ! އަދި ކިއެއްތަ! އެއީ ތިޔަބައިމީހުންނަށްހުރި ހެވެކެވެ. އެއުރެންކުރެ ކޮންމެމީހަކަށްމެ، ފާފައިގެ ތެރެއިން އެމީހަކު ހޯދައިގަތްކަމެއް ވެއެވެ. އަދި އެއުރެންގެ ތެރެއިން އެކަމުގެ ބޮޑުބައި ލިބިގަތްމީހާ (ދަންނާށެވެ!) އޭނާއަށް ބޮޑުވެގެންވާ އަޒާބު ހުއްޓެވެ." އަނިޔާލިބޭ މީހުންނަށް މާތް ﷲ ހަނދުމަކޮށްދެއްވަނީ މިކަމަކީ އޭގެ ބޭރުފުށުން ތިމާއަށް ލިބުނު ދެރައެއްގެ ގޮތުގައި ފެނުނަސް އެކަމުގެ ނަތީޖާ އޮންނާނީ އެހެން ނޫންކަމަށާއި، އެކަމުގައި ފޮރުވިފައިވާ ހެވެއް އޮންނާނެކަމަށެވެ. މިޢީ ކަނޑައެޅިގެން ދޮގުނުވާނޭ ﷲ ގެ ވައުދުބަސްފުޅެވެ.

އާދޭހެވެ. މިއާޔަތްތައް ބާވާލެއްވުނީ އުންމުލްމުއުމިނީން ޢާއިޝާ ރަޟިޔަﷲ ޢަންހާއާމެދު ޒިނޭގެ ތުހުމަތު އުފައްދައި ރަށުތެރޭގައި މުނާފިގުންގެ ބަޔަކު ފެތުރި ދޮގު ހަބަރުތަކަކާ ގުޅިގެންނެވެ. ކީރިތި ގުރުއާނުގެ ގިނަ އާޔަތްތައް އޭގެ ޒާތުން ބާވާލެއްވުނު ސަބަބުތަކުގެ މައްޗަށް އެކަނި ހާއްސަވެގެންނުވާހިނދު، އަދި ނޫރު ސޫރަތުގެ ފުރަތަމަ އާޔަތުން ދަލީލުބޭ ގޮތުން މިއީ މުއުމިނުން ހަނދާންކުރުމަށް ކަނޑައެޅި ބަޔާންވެފައިވާ ހުކުމްތަކެކެވެ.

މީސްމީހުންނާމެދު ޒިނޭގެ ދޮގު ތުހުމަތުތައް ފެތުރިދާހިނދު އެހަބަރު އަޑުއިވޭ މީހުން އަމަލުކުރަންޖެހޭ ގޮތަކީ އެފަދަ ޕޯސްޓްތައް ޝެއަރކޮށް ފެތުރުން ނޫންކަން ނޫރު ސޫރަތުގެ 12 ވަނަ އާޔަތަށް ބެލުމުން އެނގެ އެވެ. "އެވާހަކަ އިވުނުހިނދު، މުއުމިން ފިރިހެނުންނާއި، މުއުމިން އަންހެނުން އެއުރެންގެ އަމިއްލަ ނަފުސުތަކާމެދުގައި ހެޔޮކޮށް ހީނުކުޅައީ ކީއްވެގެން ބާވަ އެވެ؟ އަދި މިއީ، ބަޔާންވެ ފާޅުވެގެންހުރި ބޮޑުދޮގެކޭ ނުބުނީ ކީއްވެގެން ބާވަ އެވެ." ތުހުމަތު ރައްދުވާ ފަރާތްތަކާމެދު ރަނގަޅަށް ވިސްނުން މިއާޔަތުގައި ސިފަކުރައްވަނީ އަމިއްލަ ނަފުސުތަކާމެދު ހެޔޮކޮށް ވިސްނުމާއި އެއްފަދަކުރައްވަމުންނެވެ. އެފަދަ ކޮންމެ ތުހުމަތެއްގައި އެންމެ ފުރަތަމައަށް ވެސް ބަލަންވާނީ އެއީ ދޮގެއްކަމުގެ ނަޒަރުންކަން މިއާޔަތުން ދަލީލު ލިބެ އެވެ.

އުފައްދަންޖެހޭ ސުވާލު 13 ވަނަ އާޔަތުގައި މިއޮތް ބަޔާންކުރައްވަނީ އެވެ. " އެކަމުގެ މައްޗަށް އެއުރެން ހަތަރުހެކިން ނުގެނައީ ކީއްވެގެން ހެއްޔެވެ؟ ފަހެ، އެއުރެން (އެކަން ދެނެހުރި) ހެކިން ނުގެނައިހިނދު، ފަހެ، ﷲ ގެ ހަޒުރަތުގައި އެއުރެންނީ ހަމަ ދޮގުހަދާ މީހުންނެވެ."

ކަމަކީ ބޮޑު ނުރައްކާތެރިކަމެއްކަން ޖެހިގެން ހުރި އާޔަތްތަކުގައި ބަޔާންކުރައްވާފައިވަނީ އަންނަނިވި ފަދައިންނެވެ. " ދުނިޔެއާއި، އާހިރަތުގައި ތިޔަބައިމީހުންގެ މައްޗަށް ﷲ ގެ ފަޟްލަވަންތަކަމާއި، އެކަލާނގެ ރަހުމަތްވަންތަކަން ނެތްނަމަ، ތިޔަބައިމީހުން ދައްކަމުން ގެންދިޔަ ވާހަކަތަކާމެދު، ބޮޑުވެގެންވާ އަޒާބެއް، ތިޔަބައިމީހުންގައި ބީހިއްޖައީސްކަން ކަށަވަރެވެ. ތިޔަބައިމީހުންގެ ދޫތަކުން އެ ވާހަކަތައް ލިބިގަންނަމުންދިޔަ ހިނދުގަ އެވެ. އަދި ތިޔަބައިމީހުންނަށް އެކަމާމެދު އެނގުމެއްނުވާ ކަންތަކުގެ ވާހަކަ، ތިޔަބައިމީހުންގެ އަނގަތަކުން ބުނަމު އެވެ. އަދި ﷲ ގެ ހަޒުރަތުގައި އެކަންތައް ބޮޑުކަމެއްކަމުގައިވާ ހާލު، އެއީ ކުޑަ ކަމެއްކަމުގައި ތިޔަބައިމީހުން ހީކުރަމު އެވެ. ތިޔަބައިމީހުންނަށް އެވާހަކަ އަޑުއިވުނުހިނދު (މިހެން) ތިޔަބައިމީހުން ނުބުނީ ކީއްވެގެން ހެއްޔެވެ؟ މިވާހަކަ ދެއްކުމަކީ ތިމަންމެން ކޮށްގެންވާނެ ކަމެއް ނޫނެވެ. އިބަރަސްކަލާނގެ ހުސްތާހިރުވަންތަކަމާ އެވެ! މިއީ ބޮޑުވެގެންވާ ބުހުތާން ދޮގެކެވެ. ތިޔަބައިމީހުންނީ މުއުމިނުން ކަމުގައިވާނަމަ، އެފަދަކަމަކަށް ދުވަހަކުވެސް އެނބުރި ނުދިއުމަށް ﷲ ތިޔަބައިމީހުންނަށް ވައުޒު އިއްވަވަ އެވެ. އަދި ﷲ ތިޔަބައިމީހުންނަށްޓަކައި އާޔަތްތައް ބަޔާންކޮށްދެއްވަ އެވެ. ﷲ އީ، މޮޅަށް ދެނެވޮޑިގެންވާ، ހަކީމްވަންތަ ރަސްކަލާނގެ އެވެ."

ކޮމެންޓް

ފަހުގެ ޚަބަރު

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

Newsletter

Get the latest news delivered straight to your inbox