ކޮމަންވެލްތު ގޭމްސް: އޮސްޓްރޭލިއާގެ ޖީ އަތުން ބަލިވެ ރަފާ އަށް ސިންގަލްސް ނިމިއްޖެ

Aug 5, 2022, 12:40 AM
އޮސްޓްރޭލިއާގެ ޖީ (ވ)އާ ދެކޮޅަށް ކުޅުނު މެޗުގެ ތެރެއިން ރަފާ ބޯޅަ ފޮނުވާލަނީ.--- ފޮޓޯ: މޯލްޑިވްސް އޮލިމްޕިކް ކޮމިޓީ

އޮސްޓްރޭލިއާގެ ޖީ (ވ)އާ ދެކޮޅަށް ކުޅުނު މެޗުގެ ތެރެއިން ރަފާ ބޯޅަ ފޮނުވާލަނީ.--- ފޮޓޯ: މޯލްޑިވްސް އޮލިމްޕިކް ކޮމިޓީ

އިނގިރޭސިވިލާތުގެ ބާމިންހަމްގައި މިހާރު ކުރިއަށްދާ ކޮމަންވެލްތު ގޭމްސްގެ ޓޭބަލް ޓެނިހުގެ އަންހެން ސިންގަލްސްގެ ގަދަ 32 ކުޅުންތެރިންގެ ބުރުގައި އޮސްޓްރޭލިއާގެ މިންޔުން ޖީ އަތުން ރާއްޖޭގެ އައިޝަތު ރަފާ ނާޒިމް ބަލިވެއްޖެ އެވެ.

އަންހެން ސިންގަލްސްގެ، ގްރޫޕް ސްޓޭޖުގައި ރަފާ ހިމެނުނީ ޔޫގާންޑާގެ ރީތާ ނަކުމިސްތާ އާއި ސީޝެލްސްގެ ލައުރާ ސިނޯންއާ އެއް ގްރޫޕެއްގަ އެވެ. އެ ދެ މެޗުން ވެސް ރަފާ މޮޅުވީ 4-0 އިންނެވެ.

އެކަމަކު، ރޭ އޮސްޓްރޭލިއާގެ ޖީ ކައިރީގައި ރަފާ އަށް އެންމެ ރަނގަޅަށް ނުކުޅެވުނުއިރު، ޖީ ވަނީ މި ލެވަލްގެ ތަޖުރިބާގެ ބޭނުން ރަނގަޅަށް ހިފައި، 4-0 އިން މެޗުން މޮޅުވެފަ އެވެ.

ޖީ ފުރަތަމަ ސެޓު ގެންދިޔައީ މާ އުނދަގޫ ކަމެއް ނެތި، 11-02 އިންނެވެ. އެކަމަކު، ދެން ކުޅުނު ސެޓުގައި ރަފާގެ މަސައްކަތުގެ ރޭޓް ރަނގަޅުވި އެވެ. އެހެންވެ، ދެ ވަނަ ސެޓު ޖީ އަށް ގެންދެވުނީ 11-06 އިންނެވެ. އެކަމަކު، ތިން ވަނަ ސެޓުގައި ޖީ ވަނީ އަނެއްކާ ވެސް ފަރަގު ބޮޑުކޮށް 11-02 އިން މޮޅުވެފަ އެވެ. އަދި ހަތަރު ވަނަ ސެޓު ފަށައިގެން ރަފާ ކޮންމެ ވެސް ވަރަކަށް ލީޑެއް ނެގޭތޯ ބެލި ނަމަވެސް ޖީ ވަނީ އެ ފުރުސަތު ނުދީ ހަތަރު ވަނަ ސެޓު، 11-02 އިން ގެންގޮސް މެޗުން މޮޅުވެފަ އެވެ.

ރާއްޖޭގެ މިކްސް ޑަބަލްސް ޕެއާ، ރަފާ އާއި މޫސާ މުންސިފް ވަނީ އިއްޔެ، މޮރިޝަސްގެ ޗޭން ހުކް އާއި ހޮސެނާލީ އޯމެހާނީގެ ޕެއާއާ ކުޅެފަ އެވެ. މިކްސް ޑަބަލްސްގެ ފުރަތަމަ ބުރުގެ މި މެޗުން ޗޭން އާއި ހޮސެނާލީގެ ޕެއާ މޮޅުވީ 3-2 ސެޓުންނެވެ.

ފުރަތަމަ ސެޓު، ޗޭން އާއި ހޮސެނާލީގެ ޕެއާ އިން 05-11 އިން ގެންގޮސްފައި ވަނިކޮށް ރަފާ އާއި މުންސިފްގެ ޕެއާ ވަނީ ދެން ކުޅުނު ސެޓު، 11-07 އިން ގެންގޮސް އެއްވަރުކޮށްފަ އެވެ. ތިން ވަނަ ސެޓު 03-11 އިން ގެންގޮސް، ޗޭން އާއި ހޮސެނާލީ އަނެއްކާ ވެސް ލީޑެއް ނެގި އެވެ. ހަތަރު ވަނަ ސެޓު 06-11 އިން ގެންގޮސް މުންސިފް އާއި ރަފާގެ ޕެއާ އިން ވަނީ ދެ ވަނަ ފަހަރަށް އެއްވަރުކޮށްފަ އެވެ.

ނަތީޖާ ނެރެން ކުޅުނު ސެޓުން، ރަފާ އާއި މުންސިފްގެ ޕެއާ އަތުން ޗޭން އާއި ހޮސެނާލީ މޮޅުވީ 06-11 އިންނެވެ.

ކޮމަންވެލްތު ގޭމްސްގައި ޓީޓީ އަށް ދެން އޮތީ މިއަދު ކުޅޭ އަންހެން ޑަބަލްސް މެޗެވެ. ރާއްޖޭގެ މަލާކް މުއިއްޒު އާއި ފާތިމަތު ޖުމާނާގެ ޕެއާ ކުޅޭނީ މޮރިޝަސްގެ ހޮސެނާލީ އާއި ޖާލިމް ނަންދޭޝްވަރީގެ ޕެއާއާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox