ކުޑަހުވަދޫ ރައްޔިތުންގެ ރުޅި މަޑެއް ނުވި، އިހުތިޖާޖު އަދިވެސް ކުރިއަށް

ކުޑަހުވަދޫ ރައްޔިިތުން މިއަދު ހަވީރު ފެށި އިހުތިޖާޖުގެ ތެރެއިން: މި މައްސަލަ ފެށުނީ އެ ރަށުގައި ހާޓްއެޓޭކެއް ޖެހުނު މީހަކު އެމަޖެންސީގައި މާލެ ނުގެންގޮސްދެވިގެން. -- ފޮޓޯ: ޔުނައިޓެޑް ކުޑަހުވަދޫ ފޭސްބުކް ޕޭޖް

ކުޑަހުވަދޫ ރައްޔިިތުން މިއަދު ހަވީރު ފެށި އިހުތިޖާޖުގެ ތެރެއިން: މި މައްސަލަ ފެށުނީ އެ ރަށުގައި ހާޓްއެޓޭކެއް ޖެހުނު މީހަކު އެމަޖެންސީގައި މާލެ ނުގެންގޮސްދެވިގެން. -- ފޮޓޯ: ޔުނައިޓެޑް ކުޑަހުވަދޫ ފޭސްބުކް ޕޭޖް

ހާޓް އެޓޭކެއް ޖެހުނު މީހަކު އިމަޖެންސީގައި މާލޭ ގެންގޮސްދޭން ފްލައިޓެއް ހަމަނުޖެހުމުން ދ. ކުޑަހުވަދޫގައި އުފެދުނު މައްސަލައާ ގުޅިގެން މަންޓާ އެއާއާ ދެކޮޅަށް ކުޑަހުވަދޫ ރައްޔިތުން އަނެއްކާ ވެސް އިހުތިޖާޖު ކުރަން ފަށައިފި އެވެ.

މި މައްސަލައިގައި ހޯމަ ދުވަހުގެ ރެއިން ފެށިގެން ކުޑަހުވަދޫ ރައްޔިތުން ދަނީ މަންޓާ އެއާ އާއި ދާލު އެއާޕޯޓުގެ އިސްބޭފުޅުންނާ ދެކޮޅަށް އަޑުއުފުލަމުންނެވެ.

އެ ރޭ އެއާޕޯޓުގެ ބޭރުގައި މީހުންނަށް ނުނިކުމެވޭނެހެން ޓިނުޖަހާ ބަންދުކުރުމާ ގުޅިގެން، އެއާޕޯޓުގެ އޮޕަރޭޝަންތައް ހުއްޓާލާ ހިސާބަށް ކަންތައްތައް ދިޔަ އެވެ. އަދި އެ ސަރަހައްދުގައި އެއްވެ ތިބި މީހުން ހުއްޓުވަން ދިޔަ ފުލުހުންނާ އާންމުންނާ ދެމެދު ކުރިމަތިލުންތަކެއް ހިނގާ އެކަކު ހައްޔަރު ވެސް ކުރި އެވެ.

އެފަހުން އިހުތިޖާޖު މެދުކަނޑާލުމަށްފަހު، މިއަދު ހަވީރު އެ ރަށު ރައްޔިތުން ވަނީ އެއާޕޯޓު ސަރަހައްދުގައި އަނެއްކާ އަޑުއުފުލަން ފަށާފަ އެވެ. ސޯޝަލް މީޑިއާގައި ލައިވްކުރި ވީޑިއޯއަކުން ފެންނަ ގޮތުގައި ބެނާތަކާއި ބޯޑުތައް ހިފައިގެން ތިބި ގިނަ އަދަދެއްގެ ބަޔަކު އެ ސަރަހައްދަށް ވަނީ ޖަމާވެފަ އެވެ.

އެތަނަށް ޖަމާވެ ތިބި މީހުން ހިފައިގެން ތިބި ބޯޑުތަކުގައި ދިވެހިންނާއި އިނގިރޭސިން މަންޓާ އާއި ދެކޮޅު ޝުއޫރުތައް ލިޔެފައިވާއިރު، އެ މީހުންގެ ފުރާނަ މުހިންމު ކަމަށާއި ފައިދާއަށް ވުރެ އިސްކުރަންވީ މީހުން ކަމަށާއި އަދި މިއީ އަހަރަމެންގެ ބިން ކަމަށް ދޭހަވާ އިބާރާތްތައް ވެސް ލިޔެފައި ހުއްޓެވެ. ބައެއް މީހުން ވަނީ މަންޓާ ބޭރުކުރާށާއި މަންޓާ އެއާގެ ސީއީއޯ މުހައްމަދު ހަލީލް ޖަވާބުދާރީ ކުރާށާއި ހައްޔަރުކުރަން ވެސް ގޮވާލާފަ އެވެ.

އެ މުޒާހަރާގެ ބައިވެރިންގެ ތެރެއިން އަޑުގަދަކުރާ ބޭނުންކޮށްގެން ވާހަކަ ދެއްކި އެކަކު ބުނި ގޮތުގައި އެ މީހުން ބޭނުންވަނީ ހަލީލްއާ ބައްދަލުކުރާށެވެ. އަދި އިހުތިޖާޖު ކުރުން ހުއްޓާލާނީ އެކަން ކުރެވުމުން ކަމަށް އެ މީހާ ބުންޏެވެ.

ކުޑަހުވަދޫ ރައްޔިތުންގެ ހިތްހަމަނުޖެހުން ހުރި ނަމަވެސް މަންޓާ އެއާ އިން ވަނީ ހުރިހާ ތުހުމަތަކުން ބަރީއަވެފަ އެވެ. އެގޮތުން އިއްޔެ ބޭއްވި ނޫސްވެރިންގެ ބައްދަލުވުމެއްގައި ހަލީލު ވިދާޅުވީ، އެ މީހާގެ ބަލި ހާލަތު އެއާޕޯޓުގެ މުވައްޒަފުންނަށް އެނގުނީ ވެސް ފަހުން ކަމަށާއި، އެނގުމާއެކު އުފުލައިދޭން މަސައްކަތް ކުރި ކަމަށް ވެސް އޭނާ ވިދާޅުވި އެވެ.

މިކަން ހިނގައިދިޔަ ގޮތާ މެދު ކަންބޮޑުވުން ފާޅުކުރަމުން ހަލީލް ތުހުމަތުކުރެއްވީ މިއީ ސިޔާސީ މަގުސަދެއްގައި ބަޔަކު ކުރި ކަމެއް ތުހުމަތުކުރައްވާފަ އެވެ. އަދި މިދެވެނީ ވަރަށް ނުބައި މެސެޖެއް ކަމަށް ވިދާޅުވެ، އެފަދަ ކަންކަން ހުއްޓުވަން އޭނާ ސަރުކާރަށް ގޮވާލެއްވި އެވެ.

މި މައްސަލަގަނޑުގެ ތެރޭގައި އެއާޕޯޓަށް ފުރަން އައިސް ތިބި 12 ޓޫރިސްޓުން ނުފުރި އެތަނުގައި ތާށިވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox