އައްޑޫ ސިޓީ ހިތަދޫގެ މޫދު ސަރަހައްދަށް އަނެއްކާ ވެސް ސީލެއް ވަދެއްޖެ އެވެ.
މިއަދު ހަވީރު އެ ރަށު ކަންބިހަ ބީޗް ސަރަހައްދަށް އެރި ސީލްގައި ގާތްގަނޑަށް އަށް ފޫޓު ހުންނާނެ ކަމަށް މަންޒަރު ދުށް މީހަކު މި ނޫހަށް ބުންޏެވެ.
ފަޅުތެރެއަށް ސީލް ވަނުމާއެކު، ގިނަ ބަޔަކު ވަނީ އެ ސަރަހައްދަށް އެއްވެފަ އެވެ.
ފުލުހުންގެ އެހީތެރިކަމާއެކު މިރޭ އިރުއޮއްސުނު ހާއިރު ސީލް ފަޅުތެރެއިން ބޭރުކޮށްލާފައިވާ ކަމަށް މި ނޫހާ ވާހަކަ ދެއްކި ހިތަދޫގެ ކައުންސިލަރަކު ވިދާޅުވި އެވެ.
މީގެ ކުރިން 2006 ވަނަ އަހަރުގެ ޖުލައި މަހުގެ ތެރޭގައި ވެސް އެ ރަށަށް ސީލެއް އަރާފައިވެ އެވެ. އެ ސީލް އެ ރަށު މީހުން ވަނީ ސަލާމަތުން ހަންކެޑެ ފަޅުތެރެ އަށް ދޫކޮށްލާފަ އެވެ. އެ ފަހަރު ވެސް އަރާފައިވަނީ އަށް ވަރަކަށް ފޫޓުގެ ސީލެކެވެ.
16 އަހަރު ކުރިން އައްޑުއަށް ލެއްގި ސީލް--
ސީލަކީ އާންމުކޮށް ރާއްޖޭގެ ކަނޑުތަކުގައި އުޅޭ އެއްޗެއްކަށް ނުވިޔަސް ދޭތެރޭ ދޭތެރެ އިން ރާއްޖޭގެ ބައެއް ރަށްރަށުގެ ގޮނޑުދޮށްތަކަށް ސީލް އަރަ އެވެ. އެގޮތުން، ލ. އިސްދޫކަލައިދުއަށް ވެސް މީގެ ކުރިން ސީލެއް އަރާފައިވެ އެވެ.
