ފްރާާންސްގެ ފިހާރަތަކުން އެއާ ކޮންޑިޝަނިން ބޭނުން ކުރާ ނަމަ ދޮރުތައް ލެއްޕުމަށާއި ނިއޯން ލައިޓް ބޭނުން ކުރުން މަދު ކުރުމަށް އަންގަން ނިންމައިފި އެވެ.
ފްރާންސްގެ މިނިސްޓާ އޮފް އިކޮލޮޖިކަލް ޓްރާންސިޝަން އެގްނިސް ޕެނިއާ ރުނާޗާ، ޖާނަލް ޑު ޑިމާންޗޭ ނޫހަށް ވިދާޅުވީ ބޭނުމަކީ ކަރަންޓު ހަރަދު ކުޑަ ކުރުން ކަމަށެވެ.
ފްރާންސްގެ ބައެއް ހިސާބުތަކުގައި މިހާރު ވެސް އެ އުސޫލުތައް އޮވެ އެވެ. ނަމަވެސް, މިހާރު ނިންމާފައި ވަނީ މުޅި ފްރާންސްގައި ތަންފީޒު ކުރުމަށެވެ.
މިދިޔަ ފެބްރުއަރީ މަހު ރަޝިއާއިން ޔޫކްރެއިންގައި ހަނގުރާާމަ ފެށުމާ އެކު ޔޫރަޕްގައި ކަަރަންޓު ހަރަދު ވަނީ ވަރަށް ބޮޑަށް އިތުރުވެފަ އެވެ.
ފްރާންސުން އެ އުސޫލު ތަންފީޒް ކުރަން ފެށުމުން، އުސޫލާ ހިލާާފުވާ ފިހާރަތައް 750 ޔޫރޯއިން ޖޫރިމަނާ ކުރާނެ އެވެ.
މިހާރު ވެސް ފްރާންސްގައި 800،000 އަށް ވުރެ ކުޑަ އާބާދީއެއް އޮންނަ ހިސާބުތަކުގައި ނިއޯން ލައިޓް ހުންނަ ބޯޑު ހަރު ކުރުން މަނަ އެވެ. އެކަމަކު އެއާޕޯޓުތަަކާއި ރޭލު ސްޓޭޝަންތަކުގައި ހަރު ކުރެވެ އެވެ.
ޝެލް ކުންފުނިން ބުނެފައި ވަނީ އީޔޫގައި ހަކަތަ ރޭޝަން ކުރަން ޖެހިދާނެ ކަމަށެވެ. ފްރާންސަށް އާދަޔާ ހިލާފަށް ހޫނުވަމުންދާ އިރު، އެއާ ކޮންޑިޝަނިންއަަށް އޮތް ޑިމާންޑް ވަރަށް ބޮޑެވެ.
