ރަޝިއާގެ ރައީސް ލެޑިމިއަ ޕުޓިން އަންގާރަ ދުވަހު އިރާނަށް ވަޑައިގަންނަވާނެކަން އިއުލާނުކޮށްފި އެވެ.
އެ ދަތުރުގައި އިރާނުގެ ރޫހާނީ ލީޑަރު އާޔަތުﷲ އަލީ ހާމަނާއީ އާއި ތުރުކީގެ ރައީސް ތައްޔިބް އުރުދުގާންއާ ބައްދަަލުކުރައްވާނެ އެވެ.
ތުރުކީގެ އޮފިޝަލަކު ބުނީ އިރާނުގައި ބޮޑަށް މަޝްވަރާ ކުރާނީ ގޮވާން އެކްސްޕޯޓް ކުރުމާއި ސީރިއާ އަދި ޔޫކްރެއިންގެ މައްސަލަައިގައި ކަމަށެވެ.
މިދިޔަ ފެބްރުއަރީ މަހުން ރަޝިއާާއިން ޔޫކްރެއިންގައި ހަނގުރާމަ ފެށި ފަހުން ޕުޓިން ގަައުމުން ބޭރަށް ދަތުރު ކުރެއްވީ އެންމެ ފަހަރަކު އެވެ.
ޖޫން މަހުގެ ތެރޭގައި ޕުޓިން ވަނީ ތަޖިކިސްތާނާއި ތުރްކުމެނިސްތާނަށް ވަޑައިގެންފަ އެވެ. އިރާނަށް ކުރައްވާ ދަތުރުގައި ދެ ގައުމުގެ ގުޅުން އިތުރަށް ވަރުގަދަ ކުރުމުގެ ފުރުސަތު ފަހި ވާނެ އެވެ.
އެމެރިކާއިން މިދިޔަ ހަފްތާގައި ތުހުމަތު ކުރި ގޮތުގައި އިރާނުން ދަނީ ގިނަ އަދަދެއްގެ ޑްރޯން ރަޝިއާއަށް ސަަޕްލައި ކުރުމަށް ތައްޔާރުވަމުންނެވެ. އެއީ ޔޫކްރެއިން ހަނގުރާމައިގައި ބޭނުން ކުރުމަށް ކަމަށް ވެސް އެމެރިކާާއިން ތުހުމަތު ކުރެ އެވެ.
