ޑިއުޓީގައި ތިބި ދެ ފުލުހުންނަށް އިންޒާރު ދިން ކަމަށް ތުހުމަތުކުރެވޭ މީހަކު ހައްޔަރުކޮށް، އޭނާގެ ބަންދަށް ކްރިމިނަލް ކޯޓުން އިއްޔެ ފަސް ދުވަސް ޖަހައިފި އެވެ.
މި މައްސަލައިގައި ފުލުހުން ހައްޔަރުކޮށްފައިވަނީ އުމުރުން 21 އަހަރުގެ ޝާރިހު އަލީ، ފޮރިންވިލާ، އއ. ތޮއްޑޫ އެވެ.
އޭނާގެ މައްޗަށް ކޮށްފައިވަނީ ބިރުދެއްކުމާއި އިންޒާރު ދިނުމުގެ ތުހުމަތެވެ.
Advertisement
ފުލުހުން ބުނެފައިވާ ގޮތުގައި އޭނާ ވަނީ ޑިއުޓީގައި ތިބި ފުލުހުންތަކަކަށް މަރުގެ އިންޒާރުދީ، ބިރު ދައްކާފަ އެވެ. އޭނާ އެ ކަން ކޮށްފައިވަނީ ދެ ފުލުހުންގެ ހާޒިރުގައި ކަމަށް ވެސް ބުނެފައިވެ އެވެ.
ނަމަވެސް، ކޯޓުގައި އޭނާ ވަނީ އެކަމަށް އިންކާރުކޮށްފަ އެވެ.
ކްރިމިނަލް ކޯޓުން ވަނީ، މުޖުތަމައުގެ ސަލާމަތާއި ރައްކާތެރިކަމަށްޓަކައި، އިންޒާރު ދިން މީހާގެ ބަންދަށް ފަސް ދުވަސް އިތުރުކޮށްދީފަ އެވެ.
