ޕާޓީގެ އަދި މަޖިލީހުގެ ކޮންޓްރޯލް ހޯދާކަށް ނޫޅެން: ނަޝީދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު، "އާސްކް ސްޕީކާ" ޕްރޮގްރާމްގައި މިރޭ ވާހަކަ ދައްކަވަނީ. އެމަނިކުފާނު ވިދާޅުވީ މަޖިލީހުގެ ކޮންޓްރޯލް ހޯއްދަވަން ނޫޅުއްވާ ކަމަށް. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ ރައީސް މުހައްމަދު ނަޝީދު، "އާސްކް ސްޕީކާ" ޕްރޮގްރާމްގައި މިރޭ ވާހަކަ ދައްކަވަނީ. އެމަނިކުފާނު ވިދާޅުވީ މަޖިލީހުގެ ކޮންޓްރޯލް ހޯއްދަވަން ނޫޅުއްވާ ކަމަށް. ފޮޓޯ: މަޖިލީހުގެ އިދާރާ

ސިޔާސީ ގޮތުން އެއްވެސް ކޮންޓްރޯލެއް ހޯއްދަވަން ނޫޅުއްވާ ކަމަށާއި އެއީ އެދިވަޑައިގަންނަވާ ކަމެއް ވެސް ނޫން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިރޭ ވިދާޅުވެއްޖެ އެވެ.

މަޖިލީހުން ބާއްވާ "އާސްކް ސްޕީކާ" ޕްރޮގްރާމްގައި މީހަކު ކުރި ސުވާލަކަށް ޖަވާބު ދެއްވަމުން ނަޝީދު ވިދާޅުވީ "ކޮންޓްރޯލް" އެ ބަސް ބޭނުން ނުކުރައްވާ ކަމަށާއި އެ ކަންތައް ކުރައްވަން ވެސް އެދިވަޑައިނުގަންނަވާ ކަމަށެވެ.

މިރޭގެ ޕްރޮގްރާމަށް މީހަކު ފޮނުވި މެސެޖެއްގައި ކުރި ސުވާލުގައި ބުނީ އެމްޑީޕީގެ ކޮންޓްރޯލް ނަޝީދަށް ގެއްލިވަޑައިގެންފައިވާ ކަމަށާއި މަޖިލީހުގެ ކޮންޓްރޯލް ވެސް ނެތް ކަމަށެވެ.

Advertisement

"މިހާލަތުގައި މަނިކުފާނަށް އެމްޑީޕީގެ ތެރެއިން އިތުރު ފުރުސަތެއް ލިބިދާނެ ކަމަށް މަނިކުފާނު ގަބޫލުކުރައްވަންތޯ," މުހައްމަދު ނަމަކަށް ކިޔާ މީހަކު ފޮނުވި މެސެޖްގައި ސުވާލުކުރި އެވެ.

ނަޝީދު ވިދާޅުވީ "ކޮންޓްރޯލް" އެ ބަހަކީ އެއްވެސް އިރެއްގައި ސިޔާސީ ކަންކަމުގައި އެމަނިކުފާނު ބޭނުންކުރައްވާ ބަހެއް ނޫން ކަމަށެވެ.

"އަދި ކޮންޓްރޯލް، އެ ކަންތައް ކުރާކަށް ވެސް އަޅުގަނޑު ނުމެ އުޅެން. ހަގީގަތުގައި އަޅުގަނޑަށް ކުރަން އެނގޭ ކަމެއް ވެސް ނޫން. ދިވެހި ރައްޔިތުންގެ ޑިމޮކްރެޓިކް ޕާޓީގެ މިސާލަކަށް ގައުމީ މަޖިލީހުގެ މެމްބަރުންނަކީ ވެސް އެއީ ވަކި ބޭފުޅެއްގެ މެމްބަރުންނެއް ނޫން،" ނަޝީދު ވިދާޅުވި އެވެ.

އެހެން ނަމަވެސް ނުސީދާ ގޮތެއްގައި އެމަނިކުފާނު ވިދާޅުވީ އެމްޑީޕީގެ ގައުމީ މަޖިލީހުގެ ގިނަ މެމްބަރުންގެ ތާއީދު އޮތީ އެމަނިކުފާނަށް ކަމަށެވެ. އެއީ ގައުމީ މަޖިލީހުގެ އިންތިހާބުގައި އެމަނިކުފާނު ތާއީދު ކުރެއްވި މެމްބަރުންގެ ސިޔާސަތާ ގުޅުވައިގެންނެވެ.

އެމްޑީޕީގެ ގައުމީ މަޖިލީހުގެ އިންތިހާބުގައި ވާދަކުރެއްވި ބޭފުޅުންގެ ތެރެއިން ނަޝީދު ތާއީދުކުރެއްވި ބޭފުޅުން ކެމްޕޭން ކުރެއްވީ ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލުކުރަން ތާއީދުކުރައްވާކަން އިއުލާނުކުރަމުންނެވެ. ރައީސް އިބްރާހީމް މުހައްމަދު ސޯލިހުގެ ތާއީދު އޮތް ބޭފުޅުންގެ ސިޔާސަތު އެއާ ތަފާތެވެ.

"ދެން އަޅުގަނޑު ދެކޭ ގޮތުގައި އެމްޑީޕީގެ ގައުމީ މަޖިލީހުގެ އެންމެ ގިނަ މެމްބަރުން ތާއީދުކުރައްްވާނީ ބަރުލަމާނީ ނިޒާމަކަށް،" ނަޝީދު ވިދާޅުވި އެވެ.

އެމްޑީޕީގެ ގައުމީ މަޖިލީހުގެ ގިނަ މެމްބަރުންނަކީ ވަރަށް ކުރިއްސުރެ ދެނެވަޑައިގަންނަވާ އަދި ގާތްކަން އޮތް ބޭފުޅުން ކަމަށް ވެސް އެމަނިިކުފާނު ވިދާޅުވި އެވެ.

އެމަނިކުފާނު މިހެން ވިދާޅުވި ނަމަވެސް ރައްޔިތުންގެ މަޖިލީހުގެ މެމްބަރުންނާއި އެމްޑީޕީގެ ގައުމީ މަޖިލީހުގެ މެމްބަރުން ވެސް ފަހަކަށް އައިސް ފާޅުކަން ބޮޑު ގޮތެއްގައި ބެހިފައި ވަނީ ދެ ފެކްޝަނަކަށެވެ.

އެމްޑީޕީގެ ސުޕަ މެޖޯރިޓީ އޮންނަ ރައްޔިތުންގެ މަޖިލީހުގެ މެޖޯރިޓީ "އަޅުގަނޑަށް އެބަ އޮތް ކަމަށް ރައީސް އިބްރާހީމް މުހައްމަދު ސޯލިހު ވިދާޅުވީ ވެސް އެ ބަހުސް ހޫނުވި ދުވަސްވަރެއްގަ އެވެ.

ރައީސް އޮފީހުގައި މިދިޔަ އޮގަސްޓްމަހު ބޭއްވި ނޫސްވެރިންގެ ބައްދަލުވުމުގައި ރައީސް ސޯލިހު ވިދާޅުވީ ވެރިކަން ކުރާއިރު މަޖިލީހުގެ މެޖޯރިޓީ އޮތުމަކީ ވަރަށް މުހިންމު ކަމެއް ކަމަށެވެ. އެހެންވެ، އެ މެޖޯރިޓީ ދެމެހެއްޓުމަށް މަސައްކަތް ކުރައްވާ ކަމަށެވެ.

"އަޅުގަނޑު މިހުރީ މިވަގުތު އިރާދަކުރެއްވިއްޔާ ރައްޔިތުންގެ މަޖިލީހުގެ މެޖޯރިޓީއާ އެކީ،" ރައީސް ވިދާޅުވި އެވެ.

މަޖިލީހުގެ ތާރީހުގައި ވެސް އެއް ޕާޓީއަށް އެންމެ ގިނަ ގޮނޑި ލިބުނީ 2019 ގެ އިންތިހާބުގަ އެވެ. އެކި ދާއިރާތަކުން ވާދަކޮށް 65 ގޮނޑި އެމްޑީޕީން ކާމިޔާބުކޮށްފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox