ބައްޕައިންގެ ދުވަހަށް ހާއްސަކޮށް ސަރުކާރުގެ ވިޔަފާރި ކުންފުނި، އެސްޓީއޯ އިން ޕްރޮމޯޝަނެއް ފަށައިފި އެވެ.
އެސްޓީއޯ އިން ވަނީ ބައްޕައާއެކު ފޮޓޯއެއް ނަގައިގެން ހަދިޔާ ހޯދުމުގެ ފުރުސަތު ހުޅުވާލާފަ އެވެ. އެ ހަރަކާތް މިރޭ ދަންވަރު 12:00 ޖެހުމާ ހަމައަށް އޮންނާނެ އެވެ.
އެގޮތުން ޕީޕަލްސް ޗޮއިސްގައި އެކަމަށް ހާއްސަކޮށްފައިވާ ބެކްޑްރޮޕްގައި، ބައްޕައާއެކު ފޮޓޯއެއް ނަގައި ސޯޝަލް މީޑިއާގައި ހިއްސާކުރުމުން ހަދިޔާ ލިބޭނެ ކަމަށް އެސްޓީއޯ އިން ބުނެ އެވެ.
މީގެ އިތުރުން ބައްޕައިންގެ ދުވަހުގެ މުނާސަބަތުގައި އެސްޓީއޯ ޕީޕަލްސް ޗޮއިސް ސުޕަމާޓުން ވިއްކާ ބައެއް ބްރޭންޑްތަކުން 10 ޕަސެންޓްގެ ޑިސްކައުންޓެއް ދޭން ވެސް ވަނީ ނިންމާފަ އެވެ.
އެގޮތުން 10 ޕަސެންޓްގެ ޑިސްކައުންޓް ދޭން ނިންމާފައިވަނީ ޕީޕަލްސް ޗޮއިސް ސުޕަމާޓުން ވިއްކާ ފިލިޕްސް އާއި ރެމިންޓަން ބްރޭންޑްގެ ޓްރިމަރާއި ތުނބުޅި ބާލާ ތަކެތިންނެވެ.
