މިދިޔަ ޖެނުއަރީ މަހުގެ 14 ވަނަ ދުވަހު މާލޭގެ ރަތްވިލާމަގުގައި ހުރި ގެއެއްގެ ދޮރުފަތް ނައްޓާލާފައި ބަހައްޓާފައި ހުއްޓާ ވަގަށް ގެންދިޔަ ކަމަށް ތުހުމަތު ކުރެވޭ މީހަކު ހޯދަން ފުލުހުން އިއުލާންކޮށްފި އެވެ.
ފުލުހުން މިއަދު ވަނީ އެ މަންޒަރުތައް ހިމެނޭ ސީސީޓީވީ ވީޑިއޯ ފުޓޭޖެއް ވެސް އާންމުކޮށްފަ އެވެ. ފުލުހުން އާންމު ކުރި އެ ވީޑިއޯއިން ފެންނަނީ ތަލަ ބޮލެއް ހުރި ދޮށީ އުމުރު ފުރާގެ ފިރިހެނެކެވެ. އޭނާ ހުރީ ކަޅު މާސްކެއް އަޅައިގެނެވެ. އެހެންވެ މޫނު އެންމެ ރަނގަޅަކަށް ވެސް ނުފެނެ އެވެ.
ފުލުހުން ވެސް ބުނެފައިވާ ގޮތުގައި، އެ މީހާއަކީ ގެއެއްގެ ދޮރު ވަގަށްނެގިކަމުގެ ތުހުމަތު ކުރެވޭ މައްސަލައަކާ ގުޅިގެން ގަލޮޅު ޕޮލިސްގެ އިންވެސްޓިގޭޝަނުން ކުރަމުންދާ ތަހުގީގަށް ހޯދަން ބޭނުންވެ، ފުލުހުން މިހާތަނަށް ކުރި މަސައްކަތުން ކާކުކަން ދެނެގަނެވިފައިނުވާތީ ހޯދިފައިނުވާ މީހެއް ކަމުގަ އެވެ.
