ވޯލްޑް ކަޕްގެ ފަހު ޖާގަ ލިބުނީ ކޮސްޓަ ރިކާ އަށް

Jun 14, 2022, 9:31 PM
ކޮސްޓަ ރިކާގެ ޖޮއެލް ކެމްޕްބަލް ގޯލު ޖެހުމަށް ފަހު އުފާފާޅުކުރަނީ.-- ފޮޓޯ: އޭއެފްޕީ

ކޮސްޓަ ރިކާގެ ޖޮއެލް ކެމްޕްބަލް ގޯލު ޖެހުމަށް ފަހު އުފާފާޅުކުރަނީ.-- ފޮޓޯ: އޭއެފްޕީ

ދޯހާ، ގަތަރު (ޖޫން 15) - އިންޓަ ކޮންޓިނެންޝިއަލް ޕްލޭއޮފްްގައި މިރޭ ނިއު ޒީލެންޑް 1-0 އިން ބަލިކޮށް ކޮސްޓަ ރިކާ އިން މި އަހަރު ފަހުކޮޅު ގަތަރުގައި ބާއްވާ ފީފާ ވޯލްޑް ކަޕްގެ ފަހު ޖާގަ ހޯދައިފި އެވެ.

ނޮވެމްބަރު މަހު ފަށާ ވޯލްޑް ކަޕްގައި ކޮސްޓަ ރިކާ ހިމެނެނީ ޖަރުމަނާއި ސްޕެއިން އަދި ޖަޕާނާ އެއް ގްރޫޕެއްގަ އެވެ.

Advertisement

މިއީ، ސެންޓްރަލް އެމެރިކާ އަށް ނިސްބަތްވާ ކޮސްޓަ ރިކާ އިން ވޯލްޑް ކަޕްގައި ޖެހިޖެހިގެން ކުޅޭ ތިން ވަނަ ފަހަރެވެ. ޖުމްލަ ހަ ވަނަ ފަހަރަށް ވޯލްޑް ކަޕްގައި ވާދަކުރަން ތައްޔާރުވަމުން އަންނަ ކޮސްޓަ ރިކާ އިން ވޯލްޑް ކަޕްގައި އެންމެ ރަނގަޅު ވާދައެއްކުރީ 2014 ވަނަ އަހަރު ބްރެޒިލްގެ މުބާރާތުގަ އެވެ. އެ ފަހަރުގެ ކުއާޓާ ފައިނަލަށް އެ ޓީމު ދަތުރުކުރި އެވެ.

ގަތަރުގެ އަހުމަދު ބިން އަލީ ސްޓޭޑިއަމްގައި މިރޭ ކުޅުނު މެޗު ފަށައިގެން ތިން ވަނަ މިނިޓްގައި ކޮސްޓަ ރިކާ އަށް މެޗުގެ ހަމައެކަނި ގޯލު ޖަހައިދިނީ ހުނަރުވެރި ވިންގް، ޖޮއެލް ކެމްޕްބަލް އެވެ. ފުރަތަމަ ހާފު ނިމުމުގެ ކުރިން ނިއު ޒީލެންޑްގެ ކްރިސް ވުޑް ގޯލެއް ޖަހައި އެ ޓީމަށް އެއްވަރުކޮށްދިން ނަމަވެސް ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލާފައި ނިންމީ ގޯލު ކެންސަލް ކުރުމަށެވެ. އެއީ އެ އެޓޭކް ފެށުމުގެ ކުރިން ނިއު ޒީލެންޑްގެ ކުޅުންތެރިއަކު ފައުލެއް ކޮށްފައިވާތީ އެވެ.

ނިއު ޒީލެންޑުން މެޗު ނިންމާލީ ކުޅުންތެރިއަކު މަދުކޮށެވެ. މެޗުގެ 67 ވަނަ މިނިޓްގައި ނިއު ޒީލެންޑްގެ ކޮސްޓާ ބާބަރޫސެސް އަށް ވަނީ ރަތް ކާޑެއް ދައްކައިފަ އެވެ.

ވޯލްޑް ކަޕްގެ ޖާގައެއް ނުލިބުމުން ވަރަށް ބޮޑަށް މާޔޫސްވެފައިވާ ކަމަށް މެޗަށް ފަހު ނިއު ޒީލެންޑްގެ ކޯޗު ޑެނީ ހޭއި ވަނީ ބުނެފަ އެވެ. މި މެޗުގައި ނިއު ޒީލެންޑުން ޖެހި ގޯލު ބަލައިނުގަންނަން ރެފްރީން ނިންމާފައިވާތީ އެކަމަށް، ހޭއި ވަނީ އެ ކަމަށް ވަރަށް ބޮޑަށް ފާޑުކިޔައިފަ އެވެ.

ގަތަރުގައި މި އަހަރު ފަހުކޮޅު ވޯލްޑް ކަޕް ބާއްވާއިރު، މުބާރާތް ފަށާނީ ނޮވެމްބަރު 21 ވަނަ ދުވަހު އެވެ. މުބާރާތުގެ ފައިނަލް މެޗު ކުޅޭނީ ޑިސެމްބަރު 18 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox