ކޮލިފައިން ފަހު މެޗުގައި ބްރެޒިލާއި އާޖެންޓީނާ ބަލިވެއްޖެ

Sep 10, 2025, 5:27 AM
ކޮލިފައިން ފަހު މެޗުގައި ބްރެޒިލާއި އާޖެންޓީނާ ބަލިވެއްޖެ

އެލް އަލްޓޯ، ބޮލިވިއާ (ސެޕްޓެމްބަރު 10) - ފީފާ ވޯލްޑް ކަޕްގެ ދެކުނު އެމެރިކާ ކޮލިފައިންގައި، ބްރެޒިލާއި އާޖެންޓީނާ އިން ކުޅުނު ފަހު މެޗުތަކުން ބަލިވެއްޖެ އެވެ.

އެ ގޮތުން، ރޭ ރަށުންބޭރުގައި އާޖެންޓީނާ އިން 1-0 އިން އެކުއެޑޯ އަތުން ބަލިވިއިރު، ބޮލިވިއާ ދަނޑުގައި ބްރެޒިލް ބަލިވީ 1-0 އިންނެވެ.

އެކުއެޑޯ އަތުން އާޖެންޓީނާ ބަލިވި މެޗުގައި އެ ޓީމުގެ ކެޕްޓަން، ލިއޮނަލް މެސީ، އަނިޔާގެ ސަބަބުން ނުކުޅެ އެވެ. އެކުއެޑޯ އާއި އާޖެންޓީނާ އިން ވެސް މި މެޗު ނިންމާލީ ކުޅުންތެރިއަކު މަދުކޮށެވެ. އެކުއެޑޯ އަށް މި މެޗުގައި ލަނޑު ޖެހީ ފުރަތަމަ ހާފުގެ އިތުރު ވަގުތުގައި އެނާ ވެލެންސިއާ ޕެނަލްޓީ އަކުންނެވެ. މި މެޗުގައި، 31 ވަނަ މިނިޓްގައި އާޖެންޓީނާގެ ނިކޮލަސް އޮޓަމެންޑީ އަށް ވަނީ ރަތް ކާޑެއް ދައްކައިފަ އެވެ. އަދި، 50 ވަނަ މިނިޓްގައި އެކުއެޑޯގެ މޮއިސަސް ކައެސޭޑޯ އަށް ވަނީ ރަތެއް ދައްކައިފަ އެވެ.

ބްރެޒިލުން ރޭގެ މެޗުގައި ބަލިވިއިރު، މިއީ، އެ ޓީމުގެ ކޯޗުކަމާ ކާލޯ އަންޗެލޮޓީ ހަވާލުވި ފަހުން ބަލިވި ފުރަތަމަ މެޗެވެ. ރޭގެ މެޗުގައި، ބޮލިވިއާ އިން ޖެހި ހަމައެކަނި ގޯލު ކާމިޔާބުކުރީ، ފުރަތަމަ ހާފުގެ އިތުރު ވަގުތުގައި ޕެނަލްޓީ އަކުން މިގެލީޓޯ އެވެ. މި މެޗުގެ ދެ ވަނަ ހާފުގައި ބްރެޒިލްގެ ކީޕަރު އެލިސަން ބެކާ ވަނީ ބޮލިިވިއާ އިން އިތުރު ގޯލެއް ޖެހިޔަނުދޭން މޮޅު ކުޅުމެއް ދައްކައިފަ އެވެ.

މިއީ، ބްރެޒިލްގެ ފުޓްބޯޅަ ތާރީހުގައި ވެސް އެންމެ މަދުން ޕޮއިންޓް ހޯދައިގެން ވޯލްޑް ކަޕަށް ކޮލިފައިވި ފަހަރެވެ. އެ ޓީމަށް 28 ޕޮއިންޓް ލިބުނުއިރު، ދިޔައީ ފަސް ވަނަ އެވެ. ބްރެޒިލުން އަށް މެޗުން މޮޅުވިއިރު، ހަ މެޗުން ބަލި އަދި ހަަތަރު މެޗުން އެއްވަރުވި އެވެ. ބްރެޒިލުން އެންމެ ފަހުން މަދު ޕޮއިންޓާ އެކު ވޯލްޑް ކަޕަށް ކޮލިފައިވީ 2002 ވަނަ އަހަރުގެ ވޯލްޑް ކަޕަށެވެ. އެ ފަހަރު އެ ޓީމަށް 30 ޕޮއިންޓް ލިބުނެވެ.

ދެކުނު އެމެރިކާގެ ކޮލިފައިން ތާވަލުގެ އެއް ވަނަ ހޯދި އާޖެންޓީނާ އަށް 38 ޕޮއިންޓް ލިބުނެވެ. ދެ ވަނަ ހޯދި އެކުއެޑޯ އަށް 29 ޕޮއިންޓް ލިބުނުއިރު، ދެން ކޮލިފައިވި، ހަތަރު ގައުމަށް ވެސް ލިބުނީ 28 ޕޮއިންޓެވެ. އެއީ، ބްރެޒިލް، ޕެރަގުއޭ، އުރުގުއޭ އަދި ކޮލަމްބިއާ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox