އެސްޓީއޯ ކްރެޑިޓް ސްކީމަށް ޕީކް-އަ-ބޫ، މެކްސްކޮމް އަދި ޕޮއިސްގެ މުދާ

ައެސްޓީއޯ ޕީޕަލްސް ޗޮއިސް ފިހާރައިގައި ހުންނަ މެކްސްކޮމްގެ ރީޓެއިލް އައުޓްލެޓުން ވިއްކާ ފޯނެއް: މިހާރު އެސްޓީއޯ ކްރެޑިޓް ސްކީމުން މި ވައްތަރުގެ ފޯނާއި އިތުރު ގިނަ ވައްތަރުގެ މުދާ ލިބޭނެ. -- ފޮޓޯ: އަބްދުﷲ އިޔާން/އަދަދު

ައެސްޓީއޯ ޕީޕަލްސް ޗޮއިސް ފިހާރައިގައި ހުންނަ މެކްސްކޮމްގެ ރީޓެއިލް އައުޓްލެޓުން ވިއްކާ ފޯނެއް: މިހާރު އެސްޓީއޯ ކްރެޑިޓް ސްކީމުން މި ވައްތަރުގެ ފޯނާއި އިތުރު ގިނަ ވައްތަރުގެ މުދާ ލިބޭނެ. -- ފޮޓޯ: އަބްދުﷲ އިޔާން/އަދަދު

ސަރުކާރުގެ ވިޔަފާރި ކުންފުނި އެސްޓީއޯ އިން ހިންގާ ޒަމާންވީ ކްރެޑިޓް ސްކީމް ފުޅާކޮށް، ލީސިން ޕާޓްނަރުން މެދުވެރިކޮށް މުދާ ނެގޭ ގޮތަށް މިއަދު އިފްތިތާހުކޮށްފި އެވެ.

ކުރިން އެސްޓީއޯ ކްރެޑިޓް ސްކީމުން ނެގެނީ ހަމައެކަނި އެސްޓީއޯއިން ވިއްކާ ސާމަނު އެކަންޏެވެ. މިގޮތުން އެ ކުންފުނިން ވިއްކާ އިލެކްޓްރޯނިކްސް އާއި އެޕްލަޔަންސްތައް ސަރުކާރު މުވައްޒަފުންނަށާއި އެސްޓީއޯއާ އެކީ ކްރެޑިޓް އެއްބަސްވުން ހަދާފައިވާ ކުންފުނިތަކުގެ މުވައްޒަފުންނަށް ދިޔައީ ދޫކުރަމުންނެވެ.

ލީސިން ޕާޓްނަރުންނާ ގުޅިގެން އިފްތިތާހު ކުރި ކްރެޑިޓް ސްކީމާ އެކީ މި ޕާޓްނަރުން ވިއްކާ މުދާ ވެސް ކްރެޑިޓަށް ނެގޭނެ މަގުފަހިވީ އެވެ. އަދި ކްރެޑިޓް ސްކީމުން ނެގޭ މުދާތަކުގެ ތެރޭގައި ކުޅޭއެއްޗެއްސާއި ފޯނާއި ލެޕްޓޮޕާއި ސެންޓު ފަދަ ސާމާނު ހިމެނުނީ އެވެ.

އެސްޓީއޯގެ ލީސިން ޕާޓްނަރުން

  • ޕީކް-އަ-ބޫ (ކުޅޭ އެއްޗެއްސާއި ކުޑަކުދިންނާ ގުޅޭ ސާމާނު)
  • މެކްސްކޮމް (ފޯނާއި ލެޕްޓޮޕާއި ކޮމްޕިއުޓަރު)
  • ޕޮއިސް (ސެންޓު)

ކްރެޑީޓް ސްކީމް ފުޅާކުރުމާ ގުޅިގެން އެސްޓީއޯގެ ސީއީއޯ އަދި މެނޭޖިން ޑިރެކްޓަރު ހުސެން އަމްރު ވިދާޅުވީ މިކަން ކުރުމުގެ މަގުސަދަކީ "ޕީޕަލްސް ޗޮއިސްގެ ތެރޭގަ ހިނގާ އަމިއްލަ ވިޔަފާރިތައް ކުރިއެރުވުމަށް ކުރަންޖެހޭ ކޮންމެ ކަމެއް ކުރުން" ކަމަށެވެ.

އަމްރު އެ ވިދާޅުވީ އެސްޓީއޯ ޕީޕަލްސް ޗޮއިސް ސުޕަސްޓޯއަކަށް ބަދަލުކޮށް ހުޅުވިއިރު، އެތަނުގެ ތެރެއިން ވިޔަފާރި ކުރަން ފުރުސަތު ދީފައިވާ ކުދި އަދި މެދު ފަންތީގެ ވިޔަފާރިތަކަށެވެ. އޭގެ ތެރޭގައި ސިޓީ ބޭކަރީ އާއި ނޯޓް ކޮސްމެޓިކްސް ހިމެނެ އެވެ.

މިދީ ކުދި ވިޔަފާރިތައް ކުރުން ހުއްޓާލާ، ކުދި ވިޔަފާރިތަކަށް ފަހިކޮށްދޭން އެސްޓީއޯގެ މިހާރުގެ މެނޭޖުމަންޓުން ގެންގުޅޭ ވިސްނުމުގެ ތެރެއިން ކުރާ މަސައްކަތްތަކެވެ.

އެސްޓީއޯ ކްރެޑިޓް ސްކީމުން 50،000ރ. ގެ އަގުހުރި މުދާ ނެގޭނެ އެވެ. އެ މީހަކަށް މުދާ ނެގޭ ލިމިޓު ކަނޑައަޅަނީ މަހެއްގެ މައްޗަށް ލިބޭ އާމްދަނީއަށް ބިނާކޮށެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox