ތ. ހިރިލަންދޫގެ ބިން ހިއްކުމާއި ގޮނޑުދޮށް ހިމާޔަތް ކުރުމުގެ އަމަލީ މަސައްކަތް، އެމްޓީސީސީން މިއަދު ފަށައިފި އެވެ.
މި މަޝްރޫއުގެ ދަށުން، 25 ހެކްޓަރުގެ ބިން ހިއްކުމާއި، 1،080 މީޓަރުގެ ސަރަޙައްދެއްގައި ބޮޑުހިލައިގެ ރިވެޓްމެންޓް ޖެހުމާއި، 80 މީޓަރުގެ ސަރަޙައްދެއްގައި ގްރޮއިންސް ޖެހުމަށް ވަނީ ހަމަޖެހިފަ އެވެ.
ހިރިލަންދޫ ބިން ހިއްކުމާއި ގޮންދޮށް ހިމާޔަތް ކުރުމުގެ އަމަލީ މަސައްކަތް ފެށުމަށް މިއަދު އެ ރަށުގައި ބޭއްވި ރަސްމިއްޔާތުގައި ކިނބިދޫ ދާއިރާގެ މަޖިލިސް މެމްބަރު މުހައްމަދު ނާޝިޒާއި އެމްޓީސީސީގެ ސީއީއޯ އާދަމް އާޒިމާއި އެ ކުންފުނީގެ އިސްވެރިންގެ ބައިވެރިވެވަޑައިގެންނެވި އެވެ.
ހިރިލަންދޫ ބިން ހިއްކުމާއި ގޮންދޮށް ހިމާޔަތް ކުރުމުގެ މަޝްރޫއު ސަރުކާރާ ހަވާލުކޮށްފައިވަނީ 2020 ވަނަ އަހަރުގެ ނޮވެންބަރު މަހުގެ 10 ވަނަ ދުވަހު އެވެ. މި މަޝްރޫއުގެ ޖުމްލަ އަގަކީ 105.19 މިލިއަން ރުފިޔާ އެވެ.
