ޕީއެންސީ ކެންޑިޑޭޓަށް ތާއީދުނުކުރުމުން އެމްޓީސީސީގެ މުވައްޒަފަކު ފިޔޯރީއިން އިހަވަންދޫއަށް ބަދަލުކޮށްފި

އެމްޓީސީސީ ފިޔޯރީ ސައިޓުން އިހަވަންދޫ ސައިޓަށް ބަދަލުކުރި އަބްދުﷲ ހާލިދު (ކ) އަދި ފިޔޯރީ ކައުންސިލްގެ ރައީސް ފައިޒަރު ރަޝީދު (ވ) -- ފޮޓޯ: ޖޯންސް ފޮޓޯ

އެމްޓީސީސީ ފިޔޯރީ ސައިޓުން އިހަވަންދޫ ސައިޓަށް ބަދަލުކުރި އަބްދުﷲ ހާލިދު (ކ) އަދި ފިޔޯރީ ކައުންސިލްގެ ރައީސް ފައިޒަރު ރަޝީދު (ވ) -- ފޮޓޯ: ޖޯންސް ފޮޓޯ

ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޓިކެޓުގައި ފިޔޯރީ ކުރިއަށް ލޯކަލް ކައުންސިލް އިންތިހަބުގައި ފިޔޯރީ ކައުންސިލްގެ ރައީސް ކަމަށް ވާދަކުރާ ކެންޑިޑޭޓަށް ތާއީދު ނުކުރުމުން އެމްޓީސީސީގެ ފިޔޯރީ ސައިޓުގެ އެސިސްޓަންޓް މެނޭޖަރު އަބްދުﷲ ހާލިދު ހއ. އިހަވަންދޫ އެމްޓީސީސީ ސައިޓަށް ބަދަލުކޮށްފި އެވެ.

އަބްދުﷲ ހާލިދު އަދަދު އަށް ބުނީ ރޯދަ މަހާ ދިމާކޮށް ކުއްލިއަކަށް އޭނާ ފިޔޯރީ ސައިޓުން އިހަވަންދޫއަށް ބަދަލުކުރީ އަބްދުﷲ މުބާހުއަށް ތާއީދު ނުކޮށް އިންތިހާބުގައި އަމިއްލަ ގޮތުން ވާދަކުރައްވާ ފިޔޯރީ ކައުންސިލްގެ ރައީސަކަށް މިހާރުވެސް ހުންނެވި ފައިޒަރު ރަޝީދަށް ތާއީދުކުރުމުން ކަމަށެވެ.

އޭނާ ފިޔޯރީން އިހަވަންދޫއަށް ބަދަލުކުރަން ނިންމީ ހައުސިން މިނިސްޓަރު އަބްދުالله މުއްތަލިބު އެ ރަށަށް ވަޑައިގެން ބައެއް ކަންކަމަށް އެއްބަސްނުވި ހިސާބުން ފެށިގެން ކަމަށެވެ. ޕީއެންސީ ޓިކެޓިގައި ވާދަކުރާ އަބްދުﷲ މުބާހުއަކީ މުއްތަލިބުގެ އާއިލާ މީހެކެވެ.

"ފިޔޯރީގައި މަސައްކަތް ކުރަމުން އައީ. ކުއްލިއަކަށް މުއްތަލިބު މިތަނަށް ވަޑައިގެން އެ މީހުންނާ އެއްބަސްނުވި ދުވަހަކު، އެމީހުން އަހަރުން އެއްކައިރި ކޮށްލާފައި އެންގީ އިހަވަންދޫއަށް ދާން. އިހަވަންދޫއަށް ނިކުންނަން 12 ގައި. އަޅުގަނޑު ބުނިން އާނއެކޭ ދާނަމޭ،" އަބްދުﷲ ހާލިދު ބުންޏެވެ.

"ކިޔާފައި އުޅެލާބަހައްޓާފައި އިއްޔެ ގާތްގަނޑަކަށް 10:30 ހާއިރު ގުޅާލާފައި ބުނީ ކޮބާ ޓިކެޓު ނަގައިފިންހޭ. މަ ބުނިން ލަންކާއަށް ދާށޭ ޓިކެޓު ނަގާނީ. ޑީއެމްޑީއަށްވުރެ މަތިން، ނައިބުރައީސްއަށްވުރެ މަތިން އައިސްފައި އޮތް ކަމަކަށް އިހަވަންދޫއަށް ދާކަށް އަޅުގަނޑު ބޭނުމެއް ނޫނޭ. މުއްތަލިބު ފޮނުވާލާށޭ. އަޅުގަނޑު ރަށުގައި ބަހައްޓާށޭ."

އިހަވަންދޫއަށް ބަދަލުކުރަން ނިންމީ ސީދާ މުއްތަލިބުގެ ނުފޫޒުން ކަމަށް ތުހުމަތުކޮށް އޭނާ ބުނީ މުއްތަލިބު ޖަހާ ކުޅިގަނޑެއްގެ ތެރެއަށް ނުވަންނާނެ ކަމަށެވެ.

"އަހަރެން މިއީ އާއިލާގެ އެންމެ ދޮށީ މީހާ. އެމީހުން އެބަހުރި މާލޭގެ ގޭގެއަށް ގޮސްލާފައި ބުނެލާފައި ތިމަންނަމެންނާ އެއްކޮޅަށް ނާރަންޏާ އެއްފަހަރު މަތިން ނައިބުރައީސަށް އަތްލެވިދާނެއޭ. ދެވަނަ ފަހަރަށް އެއަށްވުރެ މަތިންނޭ އަންނާނީ. މިފަހަރު އައީ މަތިން. އެހެންވީމަ މިފަހަރު ﷲ އަށް ޝުކުރު ކޮށްލާފައި އަހަރެން ރަށުގައި މަޑުކޮށްލީ،" އެނާ ބުންޏެވެ.

އަބްދުﷲ ހާލިދަކީ މުއްތަލިބު ބޮޑުބޭބެ ކިޔާ މީހެކެވެ. އޭނާއަށް އެމްޓީސީސީގެ ވަޒީފާ މީގެ ދެ އަހަރު ދުވަސް ކުރިން ދިންއިރު، އޭނާއަކީ ފިޔޯރީގައި ޕީއެންސީގެ އިސް ސަފުގައި ހަރަކާތްތެރިވި މީހެކެވެ. އެގޮތުން މި ސަރުކާރު ގެނައުމަށް ވެސް އަބްދުﷲ ހާލިދު ރަށުގައި އިސްކޮށް ހުރެ މަސައްކަތްކުރި އެވެ.

ޕީއެންސީއަށް ތައީދުކުރައްވާ ފިޔޯރީ ކައުންސިލުގެ ރައީސް، ފައިޒަރު ރަޝީދު ކުރިއަށް އޮތް ލޯކަލް ކައުންސިލް އިންތިހާބުގައި އަމިއްލަ ގޮތުން ވާދަކުރައްވަން ނިންމެވީ ޕްރައިމަރީއަށް މުއްތަލިބު ނުފޫޒު ފޯރުވާ ކަމަށް ބުނެ އެވެ.

މިގޮތުން ޕީއެންސީ ވެރިކަމަށް ގެނައުމަށް ބުރަ މަސައްކަތްކުރި ފައިޒަރު ކުރިން ވިދާޅުވީ ސިޔާސީ ގޮތުން އެކި މަގާމުތަކަށް ފިޔޯރީ މީހުން ނެގީ ސްޓިއަރިން ކޮމިޓީއާ އެއްވެސް މަޝްވަރާއެއް ނުކޮށް ކަމަށާއި އޭގެ ސަބަބުން ހުރަސްތަކެއް ކުރިމަތިވި ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox