ދަތުރުކުރަމުން ދިޔަ ދެ ބޯޓެއް ފަރަށް އަރައިގެން އެމްއެންޑީއެފް ކޯސްޓު ގާޑުން މިއަދު ހަރަކާތްތެރިވާން ފަށައިފި އެވެ.
އެމްއެންޑީއެފުން މިއަދު ބުނީ އަށް މީހުންނާއެކު މުދާ ބަރުކޮށްގެން، މާލެއިން ލ. އަތޮޅަށް ދަތުރުކުރަމުން ދިޔަ "މާވަހަރު ސްޓާ" ނަމަކަށް ކިޔާ ބޯޓެއް ފަރަކަށް އަރާފައިވާ ކަމަށެވެ. މި ދޯނި ފަރަށް އަރާފައިވަނީ މ.މުއްޔާއި މ.ކޮޅުފުށްޓާ ދެމެދު އޮންނަ ފަރަކަށް ކަމަށް އެމްއެންޑީއެފުން ބުނެ އެވެ.
އެނގިފައިވާ ގޮތުގައި މި ބޯޓަކީ ހިލަވެލި ބަރުކޮށްގެން ދަތުރުކުރަމުން ދިޔަ ބޯޓެކެވެ.
މިއަދު ފަރަށް އެރި ދެ ވަނަ ބޯޓަކީ "އުފާ" ނަމަކަށް ކިޔާ މަސް ދޯންޏެކެވެ. މި ދޯނި ފަރަށް އަރާފައިވަނީ ތ.ގާދިއްފުށި ކައިރިންނެވެ. މި ދޯނި ފަރަށް އަރާފައިވަނީ 16 މީހުންނާއެކު މަހަށް ނިކުމެ އުޅެނިކޮށެވެ.
އެމްއެންޑީއެފް ސެންޓްރަލް އޭރިއާ ކޮމާންޑް ކޯސްޓްގާޑު ސްކޮޑްރަންއިން އިން އަންނަނީ ފަރަށް އެރި ދެ ބޯޓު ކައިރީގައި ވެސް ހަރަކާތްތެރި ވަމުންނެވެ.
