އިގުތިސާދީ ގޮތުން ފުން ވަޅުގަނޑަކަށް ވެއްޓިފައިވާ ސްރީ ލަންކާއަށް ބޭރުގެ އެހީ ހޯދުމުގެ މަސައްކަތްތައް ކޯޑިނޭޓް ކުރައްވަން ރާއްޖޭގެ ރައްޔިތުންގެ މަޖިލީހުގެ ރައީސް މުހައްމަދު ނަޝީދާ މިއަދު ހަވާލުކުރައްވައިފި އެވެ.
ރައްޔިތުންގެ މަޖިލީހުހް މިރޭ ބުނީ ލަންކާއަށް ބޭރުގެ މަސަކަތް ކޮށްދެއްވަން ހުށަހެޅުއްވީ ރައީސް ނަޝީދު ކަމަށެވެ. ލަންކާގެ ބައެއް ނޫސްތަކުން ބުނި ގޮތުގައި ނަޝީދު އެގޮތަށް ހުށަހެޅުއްވީ މިއަދު ބޭއްވި މަޝްވަރާތަކެއްގައި ކަމަށެވެ. ލަންކާއަށް އެހީ ހޯދައިދޭން އެމަނިކުފާނު ހުށަހެޅުއްވުމުން ބޮޑުވަޒީރު ރަނިލް ޝުކުރުއަދާކުރެއްވި އެވެ. އަދި އެ މަސައްކަތް އެ މަނިކުފާނާ ރަނިލް ހަވާލުކުރެއްވެވި އެވެ.
އަވަށްޓެރި ސްރީ ލަންކާއަކީ ނަޝީދުގެ ސިޔާސީ މަސައްކަތްތަކުގައި ވަރަށް ކުރިއްސުރެ ބޮޑެތި އެހީތައް ވަމުން އަންނަ ގައުމެކެވެ. ކުރީގެ ރައީސް މައުމޫނު އަބްދުލް ގައްޔޫމުގެ ވެރިކަމުގައި އެމްޑީޕީ ފުރަތަމަ އުފެއްދީ ވެސް ލަންކާގަ އެވެ.
ލަންކާ އަށް ބޭރުގެ އެހީ ހޯދުމުގެ މަސައްކަތް ރަނިލް، ނަޝީދާ ހަވާލުކުރެއްވުމުން ސޯޝަލް މީޑިއާގައި ލަންކާގެ ބައެއް މީހުން ތައުރީފު ކުރި އިރު އަނެއް ބައިމީހުން ދަނީ އެކަމަށް ފާޑުކިޔަމުންނެވެ. ލަންކާގައި އެވަރުގެ ބޭފުޅަކު ނެތީތޯ ބައެއް މީހުން ސުވާލު އުފެއްދި އެވެ.
