ތިން ފުލުހަކަށް އަނިޔާކޮށް ވަކި އެޅި މީހަކު އެއް އަހަރަށް ޖަލަށް

ފުލުހުން ގެއެއް ރެއިޑްކޮށް މީހަކު ހައްޔަރުކޮށްގެން ގެންދަނީ: ފުލުހުންތަކަކަށް އަނިޔާކުރި މީހަކަށް ހުކުމްކޮށްފައިވޭ - ފޮޓޯ: ހުސައިން ޝަޔާހް | އަދަދު

ފުލުހުން ގެއެއް ރެއިޑްކޮށް މީހަކު ހައްޔަރުކޮށްގެން ގެންދަނީ: ފުލުހުންތަކަކަށް އަނިޔާކުރި މީހަކަށް ހުކުމްކޮށްފައިވޭ - ފޮޓޯ: ހުސައިން ޝަޔާހް | އަދަދު

މީގެ ފަސް އަހަރު ކުރިން އައްޑޫ ސިޓީ ހިތަދޫ ޒިޔާރަތް ފަންނު ސަރަހައްދުގައި ހަރަކާތްތެރިވި ފުލުހުން ހިފެހެއްޓި މީހަކު އެ ފުލުހުންނަށް އަނިޔާކުރި މައްސަލާގައި އެ މީހާ އެއް އަހަރާއި ތިން މަހާއި 17 ދުވަހަށް ޖަލަށް ލާން ހުކުމް ކޮށްފި އެވެ.

ޖުލައި 19، 2015 ގައި ފުލުހުންނަށް އަނިޔާ ކުރި ހިތަދޫ، އައްޒާ، މުބާރިކް މުހައްމަދުގެ މައްޗަށް ދައުލަތުން ދެ ދައުވާއެއް އުފުލި އެވެ. އެއީ އަނިޔާ ކުރުމުގެ ދައުވާގެ އިތުރަށް ބިރު ދެއްކުމުގެ ދައުވާ އެވެ.

އޭނާއަށް ކުރި ދައުވާގައިވާ ގޮތުން ޖުލައި 19، 2015 އަށް ފުލުހުން އެ ސަރަހައްދަށް ދަނީ ތޫނު ހަތިޔާރެއް ހިފަައިގެން މީހަކު އުޅޭ ކަމުގެ މައުލޫމާތު ފުލުހުންނަށް ލިބިގެންނެވެ.

އެ ސަރަހައްދުން މުބާރިކް އަތުލައިގަނެ ފުލުހުންގެ ބެލުމުގެ ދަަށަށް ގެންދަން އުޅުމުން، ޕޮލިސް ކޯޕްރަލް ޝަޒަން އިބްރާހީމް މުހައްމަދުގެ ދަށްބަނޑުގައި ޖަހައި ކަނާތު މުލައްދަނޑީގައި ވަކި އަޅާފައިވާ ކަމަށް ދައުވާގައިވެ އެވެ. އަދި ކޯޕްރާލް އިބްރާހިމް ޝަރީފްގައި ބަނޑުގައި ފައިން ޖަހައި، ކޮންސްޓަބަލް ހުސައިން ރާޒީގެ އަތުގައި ވަކި އަޅާފައިވާ ކަމަށް ވެސް ދައުވާގައިވެ އެވެ.

ދައުވާ ރައްދުވާ މުބާރިކް ދައުވާއަށް އިންކާރު ކުރުމުން ދައުލަތުން ވަނީ އަނިޔާ ލިބުނު ތިން ފުލުހެއްގެ އިތުރުން ސީންގައި އޭރު އުޅުނު އިތުރު ތިން ފުލުހެއް ހެކިންގެ ގޮތުގައި ހުށަހަޅައިފަ އެވެ. އަދި ޝަރީއަތަށް އެ ފުލުސް އޮފިސަރުން ވަނީ ހެކިބަސް ދީފައިވެ އެވެ.

ހެކިތަކަށް ރިއާޔަތްކޮށް އަނިޔާ ކުރުމުގެ ދައުވާ ސާބިތުވެއްޖެ ކަމަށް ކަނޑައަޅައި އިއްވީ ނުވަ މަހާއި 18 ދުވަހު ޖަލަށް ލުމަށް ހުކުމް ކުރުމަށެވެ. އެއިން ތަންފީޒު ކުރަން ޖެހެނީ ނުވަ މަހާއި 17 ދުވަހެވެ.

މީގެ އިތުރަށް ހަ މަސް ދުވަހުގެ ތެރޭގައި 24،000 ރުފިޔާގެ ޖޫރިމަނާއެއް ދެއްކުމަށާއި 897 ގަޑިއިރު (ގާތްގަނޑަކަށް 37 ދުވަސް) އަށް މުޖުތަމައަށް ހިދުމަތް ކުރަން ވެސް ހުކުމްކޮށްފައިވެ އެވެ.

ބިރު ދެއްކުމުގެ ދައުވާ އުފުލީ ކޯޕްރާލް ޝަޒަން އިބްރާހީމް މުހައްމަދު މަރާލާނެ ކަމަށް ސީންގައި މުބާރިކް ބުނެފައިވާތީ ކަމަށް އެ ދައުވާގައި ބުނެފައިވެ އެވެ. އެ ދައުވާ ވެސް ދައުލަތުގެ ހެކިންނަށް ރިއާޔަތްކޮށް ސާބިތުވާ ކަމަށް ކަނޑައަޅައި ހަ މަސް ދުވަަހަށް ޖަލަށް ލާން ހުކުމް ކޮށްފައިވެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox