ޔޫއޭއީގެ ރައީސް އަވަހާރަވުމުގެ ހިތާމައިގައި ދިވެހި ދިދަ ބައި ދަނޑިއަށް

ދިވެހި ގައުމީ ބޮޑު ދިދަ ހުންނަ ޖުމްހޫރީ މައިދާން އަދި ރައީސް ފާލަން ފެންނަ ކަނޑުމަތިން ނަގާފައިވާ ފޮޓޯއެއް: ގައުމީ ދިދަ އާންމުކޮށް ބައި ދަނޑިއަށް ތިރިކުރަނީ ހިތާމަވެރި ހާދިސާތަކާއި ރާއްޖެއާއި ބޭރު ގައުމުތަކުގެ އިސްވެރިން އަވަހާރަވުމާއި ގުޅިގެން ހިތާމަ ފާޅުކުރުމަށް. ފޮޓޯ: ފައިލް

ދިވެހި ގައުމީ ބޮޑު ދިދަ ހުންނަ ޖުމްހޫރީ މައިދާން އަދި ރައީސް ފާލަން ފެންނަ ކަނޑުމަތިން ނަގާފައިވާ ފޮޓޯއެއް: ގައުމީ ދިދަ އާންމުކޮށް ބައި ދަނޑިއަށް ތިރިކުރަނީ ހިތާމަވެރި ހާދިސާތަކާއި ރާއްޖެއާއި ބޭރު ގައުމުތަކުގެ އިސްވެރިން އަވަހާރަވުމާއި ގުޅިގެން ހިތާމަ ފާޅުކުރުމަށް. ފޮޓޯ: ފައިލް

ޔުނައިޓެޑް އަރަބި އެމިރޭޓްސް (ޔޫއޭއީ) ގެ ރައީސް އައްޝައިހު ހަލީފާ ބިން ޒާއިދު އާލް ނަހްޔާން އަވަހާރަވުމުން އެކަމުގެ ހިތާމަ ފާޅުކުރުމުގެ ގޮތުން ތިން ދުވަހަށް ދިވެހި ދިދަ ބައި ދަނޑިއަށް ތިރިކުރަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ނިންމަވައިފި އެވެ.

ޝައިހު ހަލީފާ އަވަހާރަވީ މިއަދުގެ ވަގުތެއްގަ އެވެ. އެކަމުގެ ހިތާމައިގައި ރައީސް ސޯލިހު ވަނީ ތައުޒިޔާގެ މެސެޖެއް ވެސް ފޮނުއްވާފަ އެވެ.

ގައުމީ ދިދަ ބައި ދަނޑިއަށް ތިރިކުރައްވަން ރައީސް ނިންމެވީ މާދަމާއިން ފެށިގެން އަންނަ ހޯމަ ދުވަހުގެ ނިޔަލަށެވެ.

Advertisement

ޝައިހު ހަލީފާ އަވަހާރަވިއިރު، އެމަނިކުފާނުގެ އުމުރުފުޅަކީ 73 އަހަރެވެ. އެމަނިކުފާނު އަވަހާރަވިކަން ޔޫއޭއީގެ ރަސްމީ ނޫސް އެޖެންސީ ޑަބްލިއުއޭއެމްއިން އިއުލާންކުރީ މިއަދުގެ ވަގުތެއްގަ އެެވެ.

އެގައުމުގެ ރައީސް އަވަހާރަވުމާއެކު ޔޫއޭއީގައި ވަނީ މިއަދުން ފެށިގެން 40 ދުވަހުގެ ހިތާމައިގެ މުއްދަތެއް އިއުލާންކޮށްފަ އެވެ.

ޝައިހު ހަލީފާ ނަހްޔާން

ޝައިހު ހަލީފާ ބިން ޒާއިދު އަލް ނަހްޔާން އަކީ ޔޫއޭއީގެ 16 ވަނަ ވެރިޔާ އެވެ. އެމަނިކުފާނު، އެގައުމުގެ ވެރިކަމަށް ވަޑައިގަތީ 2004 ވަނަ އަހަރު، އެމަނިކުފާނުގެ ބައްޕާފުޅަށްފަހު އެވެ.

ވެރިކަމަށް ވަޑައިގަތުމަށްފަހު ޝައިހު ހަލީފާ އެންމެ ފާހަގަކުރެވިފައިވަނީ ޔޫއޭއީގެ އަބޫދާބީއާއި އެގައުމުގެ ސަރުކާރުގެ ހިންގުމަށް ގެންނެވި ބަދަލުތަކުންނެވެ. އެމަނިކުފާނުގެ ވެރިކަމުގެ އެންމެ ފުރަތަމަ 10 އަހަރު އެންމެ ބޮޑަށް ހޭދަވެގެން ދިޔައީ އެ މަސައްކަތްތަކަށް ކަމަށް ފާހަގަކޮށްލެވެ އެވެ.

އައްޝައިހު ހަލީފާ ބިން ޒާއިދު އާލް ނަހްޔާން. ފޮޓޯ: ރިއުޓާޒް
އައްޝައިހު ހަލީފާ ބިން ޒާއިދު އާލް ނަހްޔާން. ފޮޓޯ: ރިއުޓާޒް

އައްޝައިހު ހަލީފާ ބިން ޒާއިދު އާލް ނަހްޔާން. ފޮޓޯ: ރިއުޓާޒް

ޝައިހު ހަލީފާއަކީ ޔޫއޭއީގެ އިތުރުން އެގައުމުގެ ވެރިރަށް އަބޫދާބީގެ ވެރިޔާ ވެސް މެ އެވެ. އަބޫދާބީ އަކީ ދުބާއީއެކޭ އެއްގޮތަށް ޔުއޭއީގައި ހިމެނޭ ހަތް އެމިރޭޓްގެ ތެރެއިން އެއް އެމިރޭޓެކެވެ.

ވެރިކަމަށް ވަޑައިގަތްފަހުން އެމަނިކުފާނަށް 2014 ވަނަ އަހަރު ވަނީ ސްޓްރޯކެއް ޖެހިވަޑައިގެންފަ އެވެ. އޭގެ ފަހުން އެމަނިކުފާނު އާންމުންނަށް ފެނިފައިވަނީ މަދު ފަހަރަކު އެވެ. އޭގެ ފަހުން ވެރިކަމުގައި އެމަނިކުފާނުގެ ދައުރު މައިގަނޑުކޮށް ފެންނަނީ ރަމްޒީކޮށެވެ.

ވެރިކަމުގެ މައިގަނޑު މަސްއޫލިއްޔަތުތައް އަދާކުރައްވަނީ އެމަނިކުފާނުގެ އެއްބަފާ ކޮއްކޮ ޝައިހު އަދި ޔޫއޭއީގެ ވަލީއަހުދު މުހައްމަދު ބިން ޒައިދު ބިން ސުލްތާން އަލް ނަހްޔާން އެވެ. ޝައިހު ހަލީފާ އަވަހާރަވުމާއެކު ޝައިހު މުހައްމަދު ވަނީ ވެރިކަމުގެ ހުރިހާ ކަމަކާ ހަވާލުވެވަޑައިގެންނެވެ.

ޝައިހު ހަލީފާ އަދި ޝައިހު މުހައްމަދު ވެސް ނިސްބަތްވެވަޑައިގަންނަވާ އަލް ނަހްޔާން އާއިލާއަކީ ދުނިޔޭގެ އެންމެ މުއްސަނދި އެއް އާއިލާކަމަށް ވަނީ ގަބޫލުކުރެވިފަ އެވެ. އެ އާއިލާގެ މުއްސަނދިކަން ގާތްގަނޑަކަށް 150 ބިލިއަން އެމެރިކާ ޑޮލަރަށް އަރާނެކަމަށް ވަނީ ބެލެވިފަ އެވެ.

ޝައިހު ހަލީފާ އަވަހާރަވުމާއެކު ގިނަ ގައުމުތަކަކުން ދަނީ ހިތާމަ ފާޅުކޮށް، ތައުޒިޔާގެ މެސެޖުތައް ފޮނުވަމުންނެވެ. ރާއްޖޭގެ ފޮރިން މިނިސްޓަރު އަދި އދ. ގެ އާންމު މަޖިލީހުގެ ރައީސް އަބްދުﷲ ޝާހިދު ވެސް އޭގެ ތެރޭގައި ހިމެނެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox