ކޮމަންވެލްތު ޓީޓީ މުބާރާތެއް ރާއްޖޭގައި ބޭއްވޭތޯ މަސައްކަތް ކުރަނީ

May 9, 2022, 6:37 PM
މިރޭ ބޭއްވި ޓީޓީ ހުޅުވުމުގެ ރަސްމިއްޔާގެ ތެރެއިން.-- ފޮޓޯ: މުހައްމަދު ޝާބިން/ އަދަދު

މިރޭ ބޭއްވި ޓީޓީ ހުޅުވުމުގެ ރަސްމިއްޔާގެ ތެރެއިން.-- ފޮޓޯ: މުހައްމަދު ޝާބިން/ އަދަދު

މިހާރު ރާއްޖޭގައި ކުރިއަށްދާ ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕު 2022ގެ ކަންތައްތައް ފުރިހަމަކޮށް ރޭވިފައިވާތީ މީގެ ތަޖުރިބާގެ އަލީގައި ކޮމަންވެލްތު ޓީޓީ މުބާރާތެއް ރާއްޖޭގައި ހޯސްޓް ކުރެވޭތޯ މަސައްކަތް ކުރަމުން އަންނަ ކަމަށް ޔޫތު މިނިސްޓަރު މަހުލޫފު ވިދާޅުވެއްޖެ އެވެ.

މިރޭ ޒުވާނުންގެ މަރުކަޒު އެތެރެ ކޯޓުގައި ބޭއްވި ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕުގެ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން މިނިސްޓަރު މަހުލޫފް ވިދާޅުވީ ރާއްޖޭގައި މިހާރު ކުރިއަށްދާ ސައުތު އޭޝިއާގެ ޖޫނިއާ ޓީޓީ މުބާރާތުގެ އިންތިޒާމްތައް ހުރި ގޮތް އޭޝިއާގެ އިސް ޓީޓީ ފެޑެރޭޝަންތަކުގެ ސަމާލުކަމަށް އައިސްފައިވާ ކަމަށާއި މިއީ މުސްތަގުބަލަށް ބަލާއިރު ފައިދާތަކެއް ކުރާނެ ކަމެއް ކަމަށެވެ.

"މި ކަންކަމަށް ބަލާފައި ކޮމަންވެލްތުގެ ޓީޓީ މުބާރާތެއް ރާއްޖޭގައި ހޯސްޓްކުރަން އަޅުގަނޑުމެން ހުށަހަޅާނަން،" މަހުލޫފް ވިދާޅުވި އެވެ.

މިނިސްޓަރު ވިދާޅުވީ މި ސަރުކާރުގެ ވިސްނުމަކީ ހުރިހާ ކުޅިވަރަކަށް ވެސް ހަމަހަމަ ފުރުސަތުތަކެއް ފަހިވެފައި އޮތުން ކަމަށާއި އެކަން އެ ގޮތަށް ކުރިއަށްގެންދިއުމަށް ބައިނަލްއަގުވާމީ މުބާރާތް ބާއްވަން ލިބޭ ފުރުސަތުތަކުގެ ބޭނުން ވީ އެންމެ ރަނގަޅަށް ހިފަމުން އަންނަ ކަމަށެވެ.

މިދިޔަ އަހަރު އޮގަސްޓް މަހު ރާއްޖޭގައި ކޮމަންވެލްތު ޔޫތު ޓުއާ ޓީޓީ މުބާރާތް ބާއްވަން ފުރުސަތު ލިބުނު ނަަމަވެސް އޭރު ހާލަތު އޮތްގޮތުން އެ މުބާރާތް ބޭއްވޭނެ ފުރުސަތެއް ނުލިބި ޖެހުނީ ދޫކޮށްލާށެވެ.

މިރޭ ބޭއްވި ރަސްމިއްޔާތުގައި މިނިސްޓަރު މަހުލޫފް ވާހަކަ ދައްކަވަނީ.--- ފޮޓޯ: މުހައްމަދު ޝާބިން/ އަދަދު

ރައީސް އިބްރާހިމް މުހައްމަދު ސޯލިހު ޝަރަފްވެރިކޮށްދެއްވި މިރޭގެ ރަސްމިއްޔާތުގައި މޯލްޑިވްސް އޮލިމްޕިކް ކޮމިޓީގެ ރައީސް މުހައްމަދު އަބްދުއްސައްތާރާއި ކޮމަންވެލްތު ޓީޓީ ފެޑެރޭޝަންގެ ޗެއާމަން ވިކެކް ކޯލީ އާއި ސައުތު އޭޝިއާގެ ޓީޓީ ފެޑެރޭޝަނާއި ކޮމަންވެލްތު ޓީޓީ ފެޑެރޭޝަންގެ މެމްބަރު، ބަންގްލަދޭޝްގެ ހަސަން މުނީރް ޝުމޮން އަދި ރާއްޖޭގެ ކުޅިވަރުގެ އެކި އެސޯސިއޭޝަންތަކާއި އެކި ކުންފުނިތަކުގެ އިސް ބޭފުޅުން ބައިވެރިވެވަޑައިގެންނެވި އެވެ.

މި މުބާރާތް ބޭއްވުމުގެ ފުރުސަތު ރާއްޖެ އަށް ލިބުނީ ބަންގްލަދޭޝް އާއި ސްރީ ލަންކާގެ އެހީތެރިކަމާ އެކު އެވެ. ޖުމްލަ ހަ ގައުމަކުން 69 ކުޅުންތެރިން ވާދަކުރާ މި ފަހަރުގެ ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕުގައި 200 އަށް ވުރެ ގިނަ މެޗު ކުޅެވިގެންދާނެ އެވެ.

ރާއްޖޭން ޓީޓީ އަށް ދޭ ސަމާލުކަން ފާހަގަކުރައްވައި، މުނީރް ވަނީ އެކަމަށް ޝުކުރު އަދާކޮށްފައި.--- ފޮޓޯ: މުހައްމަދު ޝާބިން/ އަދަދު

ބްރޭންޑިން އަކާ އެއްކޮށް ރަނގަޅު އިންތިޒާމްތަކަކާ އެކީ ޓީޓީ މުބާރާތެއް ރާއްޖޭގައި އިންތިޒާމްކޮށްފައިވަނީ ވަރަށް ފުރިހަމަކޮށްކަން ފާހަގަކުރައްވައި، މުނީރް ވަނީ ރާއްޖޭގެ ޓީޓީ އެސޯސިއޭޝަނާއި ކުޅިވަރާ ބެހޭ މިނިސްޓަރު މަހުލޫފަށް ޝުކުރު އަދާކުރައްވައިފަ އެވެ.

ރާއްޖޭގެ ސަރުކާރުން ޓީޓީ ކުރިއަރުވަން ކުރާ މަސައްކަތް ފެނިފައި ވަރަށް ހިތްހަމަޖެހޭ ކަމަށް ވިދާޅުވެ، މުނީރް ވަނީ ރައީސް ސޯލިހު ވެސް އަމަލީ ސިފައެއްގައި ކުޅިވަރުގެ އެކި ހަރަކާތްތަކުގައި ބައިވެރިވެވަޑައިގަންނަތީ އެކަން ވެސް ފާހަގަކުރައްވައިފަ އެވެ.

"ދެން ސައުތު އޭޝީއާގެ ޓީޓީ މުބާރާތްތައް ބާއްވަން ޖެހޭނެ ގޮތުގެ މިސާލެއް ރާއްޖޭން މި ދެއްކީ. މި ފެންވަރަށް މިކަން ކުރަން (މުބާރާތް ބާއްވަން) ދެން ކޮންމެ ގައުމަކުން ވެސް މަސައްކަތް ކުރަން ޖެހޭކަން މި ފެނިގެންދަނީ،" މުނީރް ވިދާޅުވި އެެވެ.

ރާއްޖޭގެ ކުޅިވަރު ދާއިރާ އާއި ބަންގްލަދޭޝްގެ ކުޅިވަރުގެ ކަންކަން ގުޅިލާމެހިގެން ދެ ސަރުކާރު ވެސް ގުޅިގެން މަސަައްކަތް ކޮށްފިނަމަ، ދެ ގައުމަށް ވެސް ކުޅިވަރުގެ ދާއިރާއިން ފަހި ފުރުސަތުތަކެއް ހޯދޭނެ ކަމަށް މުނީރް ވިދާޅުވި އެވެ.

އަދި ދާދި ފަހުން ބަންގްލަދޭޝްގެ ބޮޑުވަޒީރު ޝެއިހު ހަސީނާ އާއި ބަންގްލަދޭޝްގެ ކުޅިވަރު މިނިސްޓަރު ޒާހިދު އަހްސަން ރަސަލް ރާއްޖެ ވަޑައިގަންނަވައި، ދިވެހި ސަރުކާރާ އެކު ކުރެއްވި މަޝްވަރާތަކުގެ ސަބަބުން ދެ ގައުމުގެ ގުޅުން އިތުރަށް ބަދަހިވެފައިވާ ކަމަށް މުނީރް ވިދާޅުވި އެވެ.

ޓީޓީ އެސޯސިއޭޝަންގެ ނައިބު ރައީސް އިބްރާހިމް ޝިއުރީ ވިދާޅުވީ މުބާރާތް ބޭނުންވާ ފެންވަރަށް އިންތިޒާމްކޮށް، ބައިވެރިވި ގައުމުތަކުގެ އޮފިޝަލުންނާއި ކުޅުންތެރިންގެ ހިތްހަމަޖެހޭ މިންވަރަށް އިންތިޒާމްތައް ހަމަޖައްސައިދީގެން މުބާރާތް ބޭއްވެނީ ގިނަ ބައެއްގެ އެއްބާރުލުމާ އެކުގައި ކަމަށާއި އެ އެންމެނަށް ވަރަށް ބޮޑަށް ޝުކުރު އަދާކުރާކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox