އެއް އާއިލާއަކަށް ނިސްބަތްވާ ގިނަ ކުޑަކުދިންތަކަކަށް ޖިންސީ ގޯނާކުރި ފިރިހެނެއްގެ މައްސަލަ ފުލުހުން ބަލަން ފަށައިފި އެވެ.
އެ މައްސަލައާ ގުޅިގެން ފުލުހުން ބުނީ މާލެ ސަރަހައްދުގައި ކުޑަކުދިންތަކަކަށް ޖިންސީ ގޯނާ ކުރި މައްސަލައެއް މިދިޔަ މާޗު މަހު ފުލުހުންނަށް ހުށަހެޅިފައިވާ ކަމަށެވެ.
އަދި އެ މައްސަލައާ ގުޅިގެން މިދިޔަ އޭޕްރިލް މަހުގެ ނުވަ ވަނަ ދުވަހު ކޯޓު އަމުރެއްގެ ދަށުން 55 އަަހަރުގެ މީހަކު ހައްޔަރު ކޮށްފައިވާ ކަމަށް ފުލުހުން ބުނެ އެވެ. އޭނާގެ ބަންދަށް ކޯޓުން 30 ދުވަސް ޖަހާފައިވާ ކަމަށް ފުލުހުން ބުންޏެވެ.
އެނގިފައިވާ ގޮތުގައި އެމީހާ ޖިންސީ ގޯނާ ކޮށްފައިވަނީ އެކި ދުވަސް މަތިން އެއް އާއިލާއަކަށް ނިސްބަތްވާ ހަ ކުޑަކުއްޖަކަށެވެ. އެމީހާއަކީ ވެސް އެ އެ އާއިލާއަށް ނިސްބަތްވާ މީހެއް ކަން ވެސް އެނގިފައިވެ އެވެ.
އެ މައްސަލަ ފުލުހުން ދަނީ އަދިވެސް ތަހުގީގު ކުރަމުންނެވެ.
