ނަޝީދުގެ ސަލާމަތީ ކަންކަމަށް ފާޑުކިޔަނީ ސިޔާސީވެގެން، ހަމަލާގެ ޝަރީއަތްތައް އަވަސްކުރޭ: އެމްޑީޕީ

އެމްޑީޕީގެ ރައިސް މުހައްމަދު ނަޝީދު އެ ޕާޓީގެ ގައުމީ މަޖިލިސް ބައްދަލުވުމެއްގެ ތެރެއިން: ނަޝީދުގެ ސަލާމަތީ ކަންކަން އޮންނަ ގޮތުން އާންމުންނަށް އުނދަގޫވާކަމަށް ބައެއް ފަރާތްތަކުން ވަނީ މީގެ ކުރިން ފާޑުކިޔައިފަ. ފޮޓޯ: އަބްދުﷲ އިޔާން/އަދަދު

އެމްޑީޕީގެ ރައިސް މުހައްމަދު ނަޝީދު އެ ޕާޓީގެ ގައުމީ މަޖިލިސް ބައްދަލުވުމެއްގެ ތެރެއިން: ނަޝީދުގެ ސަލާމަތީ ކަންކަން އޮންނަ ގޮތުން އާންމުންނަށް އުނދަގޫވާކަމަށް ބައެއް ފަރާތްތަކުން ވަނީ މީގެ ކުރިން ފާޑުކިޔައިފަ. ފޮޓޯ: އަބްދުﷲ އިޔާން/އަދަދު

ރައްޔިތުންގެ މަޖިލިސް ރައީސް އަދި އެމްޑީޕީގެ ރައީސް މުހައްމަދު ނަޝީދު އަވަހާރަކޮށްލަން މިދިޔަ އަހަރު ދިން ޓެރަރިސްޓު ހަމަލާއަށްފަހު އެމަނިކުފާނުގެ ރައްކަލަކަށް އަޅާފައިވާ ފިޔަވަޅުތަކަށް ފާޑުކިޔަނީ ސިޔާސީ ބޭނުންތަކެއްގައި ކަމަށާއި އަދި ހަމަލާގެ ތަހުގީގު ފުރިހަމަކޮށް ޝަރީއަތްތައް އަވަސްކުރަން އެމްޑީޕީން ވެސް ގޮވާލައިފި އެވެ.

ހަމަލާގެ ތަހުގީގު ފުރިހަމަކޮށް، ފަންޑުކުރި މީހުން ހޯދައި ދައުވާކުރަން އަދި ޝަރީއަތްތައް އަވަސްކުރަން ރައްޔިތުންގެ މަޖިލީސް، ނަޝީދުގެ އާއިލާ އަދި އެމަނިކުފާނުގެ ވަކީލުންގެ ޓީމުން ވެސް ވަނީ ހަމަލާއަށް އަހަރެއް ފުރުމާ ދިމާކޮށް ގޮވާލާފަ އެވެ. ހަމަލާއަށްފަހު ނަޝީދުގެ ސަލާމަތީ ކަންކަން ވަރުގަދަކޮށްފައި އޮތުމުން، އާންމުންނަށް އުނދަގޫވާތީވެ ބައެއް ފަރާތްތަކުން ވަނީ މީގެ ކުރިން ފާޑުކިޔައިފަ އެވެ.

ނަޝީދު ނިސްބަތްވާ އެމްޑީޕީން މިއަދު ނެރުނު ބަޔާނެއްގައި އެޕާޓީން ވެސް ގޮވާލީ ހަމަލާގެ ތަހުގީގުތައް ފުރިހަމަކޮށް، ޝަރީއަތްތައް އަވަސްކުރުމަށެވެ. އަދި ނަޝީދުގެ ރައްކަލަކަށް އަޅާފައިވާ ފިޔަވަޅުތަކަށް އިދިކޮޅު ފަރާތްތަކުން ފާޑުކިޔަނީ ކަމުގެ ނުރައްކާތެރިކަމާއި ބިރުވެރިކަން އެނގިތިބެ، ސިޔާސީ މަގުސަދެއްގައި ނަޝީދުގެ ނަން ކިލަނބުކުރުމަށް ކަމަށް އެމްޑީޕީން ސިފަކުރެ އެވެ. އެ ޕާޓީން ނެރުނު ބަަޔާނުގައި ވަނީ އެ ފިޔަވަޅުތަކަށް މަރުހަބާ ކިޔައިފަ އެވެ.

Advertisement

އެމްޑީޕީން ބުނީ އިސްލާމްދީނުގެ އަދުއްވެއްގޮތަށް ސިފަކޮށް ނަޝީދަށް ދިން އެ ހަމަލާއަކީ ޖޯޝާއި ހިތްވަރާއެކު ނެރެ، ހައްދުފަހަނަ އެޅި ދީނީ ހަރުކަށި ފަރާތްތަކުން ހިންގި ޖަރިމާއެއްގެ ގޮތުގައި ސިފަކޮށްފަ އެވެ.

"މިއީ ރާއްޖޭގައި ހަރުކަށި ފިކުރު މޫލާފައިވާ މިންވަރު ދަލާލަތުކޮށްދޭ ކަމަކަށްވާއިރު، އެ ހަރުކަށި ވިސްނުން ނައްތާލުމަށްޓަކައި ވެސް ދައުލަތުގެ އެންމެހާ އިދާރާތަކުން ހާއްސަ މަސައްކަތްތަކެއް ކުރަންޖެހޭކަން މިޕާޓީން ދެކެން،" އެ ބަޔާނުގައި ބުނެ އެވެ.

އަދި ހަމަލާއަށް އަހަރެއްވެފައިވާއިރު ހަމަލާގެ ތަހުގީގުތައް ފުރިހަމަކޮށް ދައުވާ އުފުލާފައިވާ މައްސަލަތައް އަވަހަށް ނިންމުމަށް ކަމާބެހޭ ފަރާތްތަކަށް އެމްޑީޕީން އެ ބަޔާނުގައި ގޮވާލި އެވެ. އަދި އެފަދަ ދެވަނަ ކަމެއް ތަކުރާރުވިޔަ ނުދިނުމަށް ފިޔަވަޅު އެޅުމަށް ވެސް އެ ޕާޓީން ގޮވާލި އެވެ.

ނަޝީދަށް ދިން ބޮމުގެ އެ ހަމަލާއަކީ ރާއްޖޭގެ ރައީސްކަން ކުރެއްވި ބޭފުޅަކަށް އަމާޒުކޮށް އެފަދަ ގޮތަކަށް ދިން ފުރަތަމަ ހަމަލާކަން ފާހަގަކޮށް އެމްޑީޕީން ބުނީ އެ ހަމަލާގެ ސަބަބުން ރާއްޖޭގެ އަމާންކަމާމެދު ސުވާލު އުފެދިފައިވާ ކަމަށެވެ.

"ރާއްޖޭގެ އަމާންކަމާމެދު ސުވާލު އުފެދުނު ހަމަލާއަކަށްވާއިރު، އެހަމަލާގެ ފުރިހަމަ ތަހުގީގަކުން މެނުވީ، އެފަދަ އިތުރު ހަމަލާތައް ނުހުއްޓުވޭނޭކަމަށްވެސް މިޕާޓީން ދެކެން،" އެމްޑީޕީން ނެރުނު ބަޔާނުގައި ބުނެ އެވެ.

އެމްޑީޕީން އިތުރަށް ބުނީ އެ ހަމަލާއިން ނަޝީދުގެ ފުރާނަ ސަލާމަތްވުމަކީ ޑިމޮކްރެސީއަށް ލިބިގެން ދިޔަ ނަސްރެއް ކަމަށެވެ. އަދި ހަމަލާއިން ލިބުނު ޒަހަމްތަކާއި އެ ހާލަތުން އަރައިގަތުމަށް ނަޝީދު ދެއްކެވި ހިތްވަރަށް ފަހުރުވެރިވާކަމަށް ވެސް އެމްޑީޕީން އެ ބަޔާނުގައި ބުނެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox