މާލޭގައި މިއަދު ފަތިހު މާރާމާރީއެއް އަދި ހެނދުނުގެ ވަގުތެއްގައި މާރާމާރީއެއް ހިނގައި ބަޔަކު ޒަހަމްކޮށްލައިފި އެވެ.
ފަތިހު މާރާމާރީއެއް ހިނގީ މާވެޔޮ މަގު މިސްކިތް ކައިރީގަ އެވެ.
ފުލުހުން ބުނީ، އެ މާރާމާރީގައި 23 އަހަރުގެ ދެ ފިރިހެނުންނަށް އަނިޔާވެ، އައިޖީއެމްއެޗްގައި ފަރުވާ ދެމުންދާ ކަމަށެވެ. ދެ މީހުންނަކީ ވެސް ދިވެހިންނެވެ.
ހެނދުނު މާރާމާރީއެއް ހިނގީ ޖަނަވަރީ މަގާއި މަޖީދީ މަގު ގުޅޭ ސަރަހައްދުގަ އެވެ. މައުލޫމާތު ލިބޭ ގޮތުގައި، ހެންވޭރުގައި ހިނގި މާރާމާރީގައި ވެސް ދެ މީހަކު ވަނީ ޒަހަމްކޮށްލައިފަ އެވެ. ފުލުހުން ބުނީ އެ މާރާމާރީގައި އަނިޔާވި ދިވެހި ފިރިހެނަކަށް އޭޑީކޭ ހޮސްޕިޓަލްގައި ފަރުވާދެމުން އަންނަ ކަމަށެވެ.
މި ދެ މާރާމާރީއާ ގުޅިގެން ވެސް އަދި މީހަކު ހައްޔަރު ކޮށްފައެއް ނުވެ އެވެ.
