ޗެލްސީ ގަންނަން ސެރީނާ އާއި ހެމިލްޓަން ވެސް އިންވެސްޓްކުރަނީ

Apr 23, 2022, 8:50 AM
މަޝްހޫރު ޓެނިސް ކުޅުންތެރިޔާ ސެރީނާ (ކ) އާއި ފޯމިއުލާ ވަން ރޭސަރު ހެމިލްޓަން.

މަޝްހޫރު ޓެނިސް ކުޅުންތެރިޔާ ސެރީނާ (ކ) އާއި ފޯމިއުލާ ވަން ރޭސަރު ހެމިލްޓަން.

ނިއުޔޯކް، ޔުނައިޓެޑް ސްޓޭޓްސް (އޭޕްރީލް 22) - އިނގިރޭސި ގަދަބާރު ޗެލްސީ ގަންނަން ލިވަޕޫލްގެ ކުރީގެ ޗެއާމަން މާޓިން ބްރޯޓަންގެ ކޮންސޯޓިއަމް އިން ކުރާ ބިޑްގައި ބައިވެރިވާން މަޝްހޫރު ދެ ކުޅިވަރު ތަރިން ކަމަށްވާ ސެެރީނާ ވިލިއަމްސް އާއި ލެވިސް ހެމިލްޓަން ނިންމައިފި އެވެ.

ކާމިޔާބު ޓެނިސް ތަރި ސެރީނާ އާއި ފޯމިއުލާ ވަން ދުނިޔޭގެ ޗެމްޕިއަންކަން ހަތް ފަހަރު ހޯދާފައިވާ ހެމިލްޓަން، ތެރެއިން ކޮންމެ ކުޅުންތެރިއަކު 13 މިލިއަން ޑޮލަރު، ޗެލްސީ ގަންނަން ކުރާ ބިޑަށް އިންވެސްޓްކުރާނެ އެވެ. ބްރޯޓަންގެ ކޮންސޯޓިއަމް ކުރާ ބިޑް ޖުމްލަ އެކު 300 މިލިއަން ޑޮލަރަށް ވުރެ އިތުރުވާނެ އެވެ.

އާސެނަލަށް ސަޕޯޓްކުރާ ހެމިލްޓަން ޗެލްސީގެ ބިޑްގައި ބައިވެރިވުމާ ބެހޭގޮތުން ބުނީ ކުޅިވަރަށް އިންވެސްޓްކުރުމަކީ އަބަދުވެސް ޝައުގުވެރިކަން ހުންނަ ކަމެއް ކަމަށާއި، ޗެލްސީ އަކީ ވަރުގަދަ އަދި ކާމިޔާބު ޓީމަކަށްވާތީ އެ ކްލަބް ގަންނަން ކުރެވޭ މަސައްކަތެއްގައި ބައިވެރިވާން ނިންމީ ކަމަށެވެ.

ހެމިލްޓަން ބުނީ އޭނާގެ އާއިލާގައި ޗެލްސީގެ ގިނަ ސަޕޯޓަރުން އެބަތިބި ކަމަށާއި މި ބިޑްގައި ބައިވެރިވާން ނިންމީ ވެސް ވަރަށް ގިނަ ގޮތްގޮތުން ވިސްނާފައި ކަމަށެވެ. އަދި ބްރޯޓަންގެ އެދުމުގެ މަތިން އޭނާގެ ކޮންސޯޓިއަމް އިން މި ކުރާ މަސައްކަތުން ޗެލްސީގެ ބިޑް ކާމިޔާބުކުރެވިދާނެ ކަމުގެ އުންމީދު އެބައޮތް ކަމަށެެވެ.

ރަޝިއާ އިން ޔޫކްރެއިނަށް އަރާ ކުރަމުން އަންނަ ހަނގުރާމައިގެ ސަބަބުން، އިނގިރޭސި ސަރުކާރުން ރަޝިއާގެ ވިޔަފާރިތަކަށް އަޅާފައިވާ ދަތިކުރުމުގެ ފިޔަވަޅުތަކާ ހެދި ޗެލްސީގެ ވެރިޔާ، ރަޝިއާގެ މަހުޖަނު ރޯމަން އަބްރަމޮވިޗް އެ ޓީމު ވިއްކާލަން ނިންމީ މިދިޔަ މަހު 2 ވަނަ ދުވަހު އެވެ. ތަފާތު ފިއްތުންތަކާ ހުރެ، އަބްރަމޮވިޗަށް ޗެލްސީ ވިއްކާލުމުގެ ކަންކަން އަދި ކުރިއަށް ނުގެންދެވޭއިރު، ޗެލްސީގެ ކަންކަން ކުރިއަށް ގެންދަނީ އިނގިރޭސި ސަރުކާރުން ދީފައިވާ ވަގުތީ ލައިސަންސެއްގެ ދަށުންނެވެ.

ޗެލްސީ ވިއްކާލައިގެން އެއްވެސް ފައިދާއެއް ނަގަން ބޭނުންނުވާ ކަމަށް އަބްރަމޮވިޗް ވަނީ ހާމަކޮށްފަ އެވެ. އަދި އަބްރަމޮވިޗަށް ޗެލްސީން އަދާކުރަން ޖެހޭ ދަރަންޏެއް ކަމަށްވާ ދެ ބިލިއަން ޑޮލަރު މާފުކޮށްދޭން ވަނީ ނިންމައިފަ އެވެ.

ޗެލްސީ ގަންނަން ދެން ހުށަހަޅާފައިވާ ތިން ބިޑްގެ ތެރެއިން އެއް ބިޑްގައި ދުނިޔޭގެ އެތުލެޓިކްސް ފެޑެރޭޝަން ރައީސް، ސަބެސްޓިއަން ކޯ ހިމެނެ އެވެ. އޭނާ އަކީ ޗެލްސީގެ ސަޕޯޓަރެކެވެ. ދެން ހުށަހަޅާފައިވާ ދެ ބިޑަކީ، ލޮސް އެންޖެލެސް ޑޮޖާސް ބާސްބޯލް ޓީމުގެ ކޯ އޯނަރު ކަމަށްވާ ޓޮޑް ބޮއެލީގެ ބިޑަކާއި ބޮސްޓަން ސެލްޓިކްސް ބާސްކެޓްބޯލް ޓީމުގެ ކޯ އޯނަރު، ސްޓީވް ޕެގްލިއުކާ އިސްކޮށް ހަރަކާތްތެރިވާ ބިޑެކެެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox