ސަނީގެ 'ދޮން އަލަނާސި' މީރުވުމުގެ ސިއްރު!

ސަނީގެ 'ދޮން އަލަނާސި' މީރުވުމުގެ ސިއްރު!

އަލަނާސީގެ ސިއްހީ ފައިދާއިން ފަށައިފި ނަމަ، ލިޔަން މި އުޅޭ ވާހަކަ ނުފެށޭނެ އެވެ. ހަށިގަނޑަށް މުހިންމު ގިނަ މާއްދާތައް އެކުލެވޭ ފައިދާ ގިނަ މޭވާ އެކެވެ. ހުތް ފޮނި ރަހައިން އަނގަޔަށް މީރު މި މޭވާ ދިވެހި ވެށީގައި އާންމުކޮށް ނުހެއްދި ނަމަވެސް، އެ މޭވާ އާއި އޭގެ އުފެއްދުންތަކާއި ކާބޯތަކެއްޗާއި ރަހަ ދިވެހިންނަށް ކަމުދެ އެވެ. ރޯދަ މަހުގެ ޝޮޕިން ލިސްޓާއި ސުފުރާ މައްޗަށް މުހިންމު ބާވަތަކަށް ވީ މިހެންވެ އެވެ.

އަހަރެން އެންމެ ކުޑައިރު، ރޯދަ މަހު އާންމުކޮށް ލިބޭ އެކައްޗަކީ އަލަނާސި ފަންޏެވެ. ތަޅުގައި ބަންދުކޮށްފައި ހުންނަ އަލަނާސި ކުދިކޮށް ކޮށައި، ދަޅުގައި ހުންނަ ސިރަޕާއެކު ފެނާއި ހަކުރު ވެސް އެއްކޮށް ގިރައިގެން ތައްޔާރުކުރާ އަލަނާސި ފަނީގެ ހަނދާނާއި ރަހަ މިހާރު ވެސް އާވެ އެވެ. ދަޅު އަލަނާސިއާ ގުޅިފައިވާ އަނެއް ހަނދާނަކީ، ވަށްކޮށް އެ އޮންނަ އަލަނާސި ފޮތި ހަލާކު ނުކޮށް ތަޅުން ނަގަން އުޅުނު ދުވަސްތަކާއި ފަނި ގިރުމުގެ ބަދަލުގައި އެ ފޮތި ހުހަށް ކެއުމެވެ. ހާދަހާ މީރެވެ.

އޭރު ބާޒާރުން ލިބެނީ މަދު ބްރޭންޑެކެވެ. ގިނަ ބްރޭންޑްތަކެއް މިހާރު ހަރުތަކުން ފެންނައިރު، ރަހަ ނުގެއްލޭ، ފެންވަރު ރަނގަޅު އަލަނާސި އެނގުން މުހިންމެވެ. ބައެއް އަލަނާސި ދަޅުތަކުގައި ހުންނަނީ، ދޮންވެ ފައްކާ ނުވަނީސް ކަނޑައި ބަންދުކޮށްފައި ހުންނަ އަލަނާސި އެވެ. އެފަދަ އަލަނާސި އާއި ދޮންވެ ފައްކާވެފައި ހުންނަ އަލަނާސީގެ ތަފާތު އެނގޭނީ ރަހައިންނެވެ. މިއަދު ބާޒާރުގައި އެ ފެންވަރުގެ އަލަނާސި ދަޅު ލިބެން އެބަ ހުއްޓެވެ. ސަނީ އެންޓަޕްރައިޒަސްގެ "ދޮން އަލަނާސީ"ގައި މި ބުނެވުނު ހުރިހާ ޝަރުތެއް ހަމައެވެ.

"ކޮންމެ ރޯދަ މަހަކަށް ހާއްސަކޮށްގެން މި ގެންނަނީ ދޮން އަލަނާސި. އެއީ ހަމައެކަނި ވިޔަފާރި ބްރޭންޑެއް ނޫން. ދޮން އަލަނާސި ކިޔަނީ ވެސް ކޮލިޓީ ހިފެއްޓުމަށްޓަކައި ސީދާ ދޮންވެފައި ހުންނަ އަލަނާސި ބޭނުންކުރާތީ. ދޮންވެފައި ހުންނަ އަލަނާސީގެ ރަހަ އާއި ޅަ އަލަނާސީގެ ރަހަ، ދަޅުގައި ބަންދުކުރިޔަސް ތަފާތު ވާނެ،" ސަނީ އެންޓަޕްރައިޒަސްގެ މެނޭޖިން ޑިރެކްޓަރު އަބްދުﷲ ދީދީ ވިދާޅުވި އެވެ.

މި ރަހަމީރު އަލަނާސި އުފައްދަނީ، ދުނިޔޭގައި އެންމެ ގިނައިން އަލަނާސި އުފައްދާ ގައުމުތަކުގެ ތެރޭގައި ހިމެނޭ ތައިލެންޑުގަ އެވެ. މި ފަހަރު ދަޅުގެ ބޭރު ކުރެހުންގަނޑަށް ބަދަލެއް ގެނެސް ނަލަކޮށްލިއިރު، އޭގެ އަސްލު ރަހަ ވެސް އެހާ ނަލަ އެވެ.

މި އަލަނާސީގެ ރަހައިގެ ސިއްރު ފެށެނީ ދަނޑާ ހަމައިންނެވެ. ފެކްޓްރީއަށް އަލަނާސި ހޯދުމުގައި ވަރަށް ފަރުވާތެރިވެ އެވެ. ދަޅުގައި ބަންދުކުރަނީ އެންމެ ފެންވަރު ރަނގަޅު ގްރޭޑުގެ ދޮން އަލަނާސި އެވެ. ދިލަ ހޫނާއި އެހެން ސަބަބުތަކުން އަލަނާސި ގަނޑަށް ބަދަލެއް އައިސް، ނުވަތަ ހަލާކުވެފައި ހުރި ނަމަ ބޭނުމެއް ނުކުރެ އެވެ.

"އަޅުގަނޑުމެން އެތެރެ މިކުރާނީ ވަރަށް ތާޒާކޮށް އަލަނާސި ހުއްޓައި ބަންދުކޮށްފައި ހުންނަ ދަޅު. އެހެންވެ ކަސްޓަމަރުންގެ އިތުބާރު އޮންނަނީ. 'ދޮން އަލަނާސީ'ގެ ރަހައިގެ ސިއްރަކީ މި ކަންކަން،" އަބްދުﷲ ދީދީ ވިދާޅުވި އެވެ.

ސަނީ އެންޓަޕްރައިޒަސްއިން ދޮން އަލަނާސި ބްރޭންޑްގައި އަލަނާސި ދަޅު އެތެރެކުރާތާ މިއީ ފަސް ވަނަ އަހަރެވެ. މި ބްރޭންޑްގެ 24 ގަޅުގެ ކޭހެއްގެ ހޯލްސޭލް އަގަކީ 500ރ. އެވެ. ސަނީގެ ވިޔަފާރި މާލެ އާއި އައްޑޫގައި ހިންގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox