ޓެނިސް ތަރި އެމާ އަނެއްކާ ވެސް ކޯޗު ބަދަލުކުރަނީތަ؟

Apr 17, 2022, 8:53 AM
ޓެނިސް ޓްރެއިނިން ސެޝަނެއްގެ ތެރެއިން އެމާ: އަނެއްކާ ވެސް ކޯޗު ބަދަލުކުރަން އެމާ އަންނަނީ މަޝްވަރާތަކެއް ކުރަމުން ކަމަށް ރިޕޯޓްތައް ބުނޭ.

ޓެނިސް ޓްރެއިނިން ސެޝަނެއްގެ ތެރެއިން އެމާ: އަނެއްކާ ވެސް ކޯޗު ބަދަލުކުރަން އެމާ އަންނަނީ މަޝްވަރާތަކެއް ކުރަމުން ކަމަށް ރިޕޯޓްތައް ބުނޭ.

ލަންޑަން (އޭޕްރީލް 17) - މިދިޔަ އަހަރުގެ ޔޫއެސް އޯޕަން ޓެނިސް މުބާރާތުގެ ޗެމްޕިއަންކަން ހޯދައި، ކުރު މުއްދަތެއްގެ ތެރޭގައި ގިނަ ބަޔެއްގެ ސަމާލުކަން ލިބުނު އިނގިރޭސި ޓެނިސް ތަރި އެމާ ރަޑުކާނޫ އަނެއްކާ ވެސް ކޯޗު ބަދަލުކުރަން އުޅޭ ކަމަށް މީޑިއާގައި އަޑުފެތުރިއްޖެ އެވެ.

ތަފާތު އެކި ސަބަބުތަކާ ހުރެ، އިނގިރޭސި މީޑިއާގެ ފަލަސުރުހީތަކަށް އެމާގެ ވާހަކަ މިދިޔަ އަހަރެއްހާ ދުވަހު ވަނީ ތަކުރާރުކޮށް އައިސްފަ އެވެ.

Advertisement

އެމާ، 19، މި ވަގުތު އަންނަނީ އިނގިރޭސި ޓީމުގައި ހިމެނިގެން، ޗެކް ރިޕަބްލިކްގެ ޕްރާގުގައި ކުރިއަށްދާ ބިލީ ޖީން ކަޕްގައި ކުޅެމުންނެވެ. ފާއިތުވި ހަފްތާއެއްހާ ދުވަހު އެންމެ ގަދަ އަށް ދެކެވުނީ އަންނަ މަހު ކުރިއަށްދާ ފްރެންޗް އޯޕަން ޓެނިސް މުބާރާތަށް ތައްޔާރުވާން ވެގެން، އެމާ، މަޝްހޫރު ކޯޗު ރިކާޑޯ ޕިއާޓީއާ އެކު ޓްރެއިނިން ގެންދަން ފެށި ވާހަކަ އެވެ.

ޕިއާޓީ ވަނީ މީގެ ކުރިން ދުނިޔޭގެ މަޝްހޫރު ޓެނިސް ތަރިން ޓްރެއިން ކޮށްފަ އެވެ. އޭގެ ތެރޭގައި މި ވަގުތު ދުނިޔޭގެ ފިރިހެން އެއް ވަނަ ކުޅުންތެރިޔާ، ނޮވަކް ޖޮކޮވިޗާއި ރަޝިއާގެ ކުރީގެ މަޝްހޫރު އަންހެން ތަރި، މާރިއާ ޝަރަޕޯވާގެ އިތުރުން އިޓަލީގެ އަރަމުން އަންނަ ތަރި ޔަނިން ސިނާ ހިމެނެ އެވެ.

ޕިއާޓީއާ އެކު އެމާގެ ޓްރެއިނިންތައް ކުރިއަށްގެންދިޔައިރު، އެމާގެ ކޯޗުކަން ކުރަމުން އައި ޓޯބެން ބެލްޓްޒް ނެތެވެ. އެހެންވެ، އެމާ ކޯޗު ބަދަލުކުރަން އުޅޭ ވާހަކަ އަށް ބާރުލިބެ އެވެ. އެމާ ވަނީ މިދިޔަ އަހަރެއްހާ ދުވަހު އަވަސް އަވަހަށް ކޯޗުން ބަދަލުކޮށްފަ އެވެ.

ޓެނިސް ޓްރެއިނިން ސެޝަނެއްގެ ތެރެއިން އެމާ ބޯޅަ ފޮނުވާލަނީ.

އެ ގޮތުން މިދިޔަ އަހަރުގެ ވިމްބަލްޑަން މުބާރާތުގެ ތެރެއިން އޭރު އެމާގެ ކޯޗަކަށް ހުރި ނައިޖެލް ސިއާސް ބަދަލުކުރި އެވެ. އަދި ޔޫއެސް އޯޕަން ކާމިޔާބުކުރިތާ ކުޑަ ދުވަސްކޮޅެއްގެ ތެރޭގައި އޭރު އޭނާ އަށް ކޯޗުކޮށްދެމުން އައި، އެންޑްރޫ ރިޗާޑްސަންއާ ވަކިވި އެވެ.

ދާދި ފަހުން ދިން އިންޓަވިއުގައި އެމާ ބުނީ ފްރެންޗް އޯޕަން އަކީ ކްލޭ ކޯޓު މުބާރާތަކަށް ވާތީ، އެ ކޯޓަށް ހޭނުމުގެ ގޮތުން ތަޖުރިބާކާރު ކޯޗެއް ކަމަށްވާ ޕިއާޓީގެ އެހީތެރިކަން ހޯދަމުން އަންނަ ކަމަށެވެ.

އަނެއްކާ ވެސް ކޯޗު ބަދަލުކުރަނީތޯ ނޫސްވެރިއަކު ކުރި ސުވާލަށް އެމާ ބުނީ ވަކި ގޮތަކަށް ނިންމާފައިނުވާ ކަމަށެވެ.

އެމާގެ ކޯޗަކަށް ހުރި ޓޯބެން މި ވަގުތު އަންނަނީ ޗެކް ރިޕަބްލިކްގައި އެމާއާ އެކު މަސައްކަތް ކުރަމުންނެވެ. އިނގިރޭސި މީޑިއާ ރިޕޯޓްތައް ބުނާގޮތުން ފްރެންޗް އޯޕަންގެ ކުރިން އެމާގެ ކޯޗަކަށް ޕިއާޓީ ހަމަޖައްސަން އަންނަނީ މަޝްވަރާ ކުރަމުންނެވެ. އެކަމަކު، ޕިއާޓީއާ އެކު ރަސްމީކޮށް އެއްބަސްވުމަކަށް ނާދެވެނިސް އެމާގެ ވިސްނުމަކީ ޓޯބެންއާ އެކު ކުރިއަށް ދިއުން ކަމަށް ރިޕޯޓްތައް ބުނެ އެވެ.

އެމާ މި ފަހަރު ކޯޗު ބަދަލުކުރަނީ ކެރިއަރު އަލުން ހަމަމަގަށް އެޅުވުމުގެ މަސައްކަތުގެ ތެރެއިންނެވެ. މި އަހަރު ފެށި ފަހުން އެމާ އަށް އޭނާގެ އަސްލު ކުޅުން އަދި ނުދެއްކެ އެވެ.

މިދިޔަ އަހަރުގެ ޔޫއެސް އޯޕަންގެ ކާމިޔާބީ އަށް ފަހު ކުޅުނު ސިންގަލްސް 12 މެޗުގެ ތެރެއިން އަށް މެޗުން އެމާ ވަނީ ބަލިވެފަ އެވެ. އެ ނަތީޖާތަކަށް ފަހު ދުނިޔޭގެ ރޭންކިންގެ ގަދަ 10 އިން އެމާ އަށް ޖާގަ ގެއްލުނުއިރު، މި ވަގުތު އޮތީ 12 ވަނައިގަ އެވެ. ރޭންކިން ގަދަ 10 އަކަށް ވަންނަން އެމާ އަށް ލިބޭ އެންމެ ބޮޑު ފުރުސަތަކީ އަންނަ މަހު 22 އިން ޖޫން 5 އަށް ކުރިއަށްދާ ފްރެންޗް އޯޕަން އެވެ. މިއީ، މި މުބާރާތުގައި އެމާ ވާދަކުރާނެ ފުރަތަަމަ ފަހަރެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox