ފްރާންސްގެ ރިޔާސީ އިންތިހާބުގެ ފުރަތަމަ ބުރުން ރައީސް އިމޭނުއެލް މެކްރޯން ކުރި ހޯއްދަވައި، ދެ ވަނަ ބުރުގައި މަރީން ލެ ޕެންއާ ވާދަކުރަން ޖެހިވަޑައިގެންފި އެވެ.
"ހަނދާނުގައި ބަހައްޓަން ވާނެ، އަދި އެއްވެސް ކަމެއް ނުނިމޭ،" ފުރަތަމަ ބުރުގެ ނަތީޖާ އިއުލާނު ކުރުމާ އެކު މެކްރޯން ސަޕޯޓަރުންނަށް ވިދާޅުވި އެވެ.
ފުރަތަމަ ބުރުން މެކްރޯންއަށް ކުރި ލިބިވަޑައިގެންނެވި ނަމަވެސް، ދެ ވަނަ ބުރު މާ ބޮޑަށް ވާދަވެރިވާނެ ކަމަށް ހިޔާލު ހޯދުމުގެ ވޯޓުތަކުން ދައްކަ އެވެ.
އިންތިހާބުގެ ނަތީޖާ އިއުލާނު ކުރުމުން، ލެ ޕެން ގޮވައިލެއްވީ ފުރަތަމަ ބުރުގައި މެކްރޯންއާ ދެކޮޅަށް ވޯޓު ދިން ހުރިހާ ރައްޔިތުން ދެ ވަނަ ބުރުގައި އެކަމަނާއަށް ވޯޓު ދިނުމަށެވެ.
ލެ ޕެން.
ވޯޓުގެ 97 ޕަސެންޓް ގުނައި ނިމުނު އިރު، މެކްރޯންއަށް ލިބިވަޑައިގެންނެވީ 27.6 ޕަސެންޓް ވޯޓެވެ. އަދި ލެ ޕެންއަށް ލިބިވަޑައިގެންނެވީ 23.41 ޕަސެންޓެވެ. ތިން ވަނައަށް އެންމެ ތާއީދު ބޮޑު ކެންޑިޑޭޓް ޖޯން ލުކް މެލެންޗޯންއަށް ލިބިވަޑައިގެންނެވީ 21.95 ޕަސެންޓެވެ.
އިންތިހާބުގެ ފުރަތަމަ ބުރުގައި 12 ކެންޑިޑޭޓުން ވާދަކުރެއްވި ނަމަވެސް، 10 ޕަސެންޓަށް ވުރެ ގިނަ ވޯޓު ޔަގީންވީ ތިން ކެންޑިޑޭޓުންނަށެވެ.
އެންމެ ގިނަ ވޯޓު ލިބިވަޑައިގެންނެވި ދެ ކެންޑިޑޭޓުން، މެކްރޯން އާއި ލެ ޕެންގެ ދެމެދުގައި އިންތިހާބުގެ ދެ ވަނަ ބުރުގައި ވޯޓުލުން އޮންނާނީ އެޕްރީލް 24 ވަނަ ދުވަހު އެވެ.
