އެމްއެޗްއޭއިން ވިޔަފާރިކޮށްގެން ފަސް ޕަސެންޓް އަނބުރާ ވޮލެޓަށް

އެމްއެޗްއޭއިން ވިޔަފާރިކޮށްގެން ފަސް ޕަސެންޓް އަނބުރާ ވޮލެޓަށް

އެމްއެޗްއޭއަށް 50 އަހަރު ފުރުމާ ގުޅިގެން ކަސްޓަމަރުންގެ އަގުވަޒަން ކުރުމުގެ ގޮތުން ހާއްސަ ޑިސްކައުންޓް ސްކީމެއް ފަށައިފި އެވެ.

ރާއްޖެއަށް މުދާ އެތެރެކޮށް ވިއްކާތާ ބައިގަރުނުވީ އެމްއެޗްއޭ އިން ފަށާފައިވާ "ލޯޔަަލްޓީ ޕްރޮގްރާމް" އަކީ ޑިސްކައުންޓް ޕްރޮގްރާމެކެވެ. ނަމަވެސް އެހެން ވިޔަފާރިތަކުން ދޫކުރާ ޑިސްކައުންޓްތަކާއި މި ޕްރޮގްރާމް ވަރަށް ތަފާތެވެ. މި ޕްރޮގްރާމްގައި ކަސްޓަމަރަށް ފައިސާ ލިބޭނެ ގޮތެއް އެބަ އޮތެވެ.

އެމްއެޗްއޭގެ މެނޭޖިން ޑިރެކްޓަރު ސޮފްވާން އަހްމަދު ވިދާޅުވި ގޮތުގައި، މި ޕްރޮގްރާމް ހިނގާ ގޮތަކީ އެމްއެޗްއޭގެ ފިހާރައަކުން ވިޔަފާރިއެއް ކުރުމުން ކުރި ވިޔަފާރީގެ އަގުގެ ފަސް ޕަސެންޓް، އެމްއެޗްއޭގައި ހުޅުވާ ކަސްޓަމަރުގެ އެކައުންޓަށް ޖަމާ ކުރަނީ އެވެ. އެކަމަކު ފައިސާ ލިބޭނީ ދެވަނަ ފަހަރަށް ވިޔަފާރި ކުރަން އައުމުންނެވެ. ފަހުން ކުރާ ވިޔަފާރީގެ ބިލުން، ކުރިން ޖަމާވެފައިވާ ފަސް ޕަސެންޓަށްވާ ފައިސާ އުނިކުރާނެ އެވެ.

އެކައުންޓަށް ޖަމާވެފައިވާ ފައިސާ ބިލުން އުނިކުރާނީ ކަސްޓަމަރު ބޭނުން ވުމުންނެވެ. ނޫނީ، ކޮންމެ ފަހަރު ވިޔަފާރީ ކޮށްގެން ލިބޭ ފަސް ޕަސެންޓްގެ ފައިސާ ދާނީ ޖަމާވެ، ގިނަ ވަމުންނެވެ.

"މިސާލަކަށް ކަސްޓަމަރަކު އައިސް 100 ރުފިޔާ މި ހޭދަކުރަނީ އެމްއެޗްއޭގެ ފިހާރައަކަށް، އޭރަށް އަޅުގަނޑުމެން ކަސްޓަމަރުގެ އެކައުންޓަށް ފަސް ރުފިޔާ މި ޖަމާ ކޮށްދެނީ، މި ފަސް ރުފިޔާ ލިބޭނީ ދެން ފިހާރައަށް ވިޔަފާރި ކުރަން އައުމުން، މި ގޮތަށް ގިނަ އަދަދެއްގެ ފައިސާ އަނބުރާ ލިބޭނެ ގޮތް ހެދޭނެ،"

މި ޕްރޮގްރާމްގައި ބައިވެރިވުމަށްޓަކައި، އެމްއެޗްއޭގެ ފިހާރައަކަށް ގޮސް ރަޖިސްޓާ ވާން ޖެހޭނެ އެވެ. ފިހާރައިގެ ކައުންޓަރުގައި އެހުމުން ރަޖިސްޓާ ކޮށްދޭނެ އެވެ. މި ގޮތަށް ކަސްޓަމަރުގެ ފޯނު ނަންބަރަށް ފޮނުވޭ ވަން ޓައިމް ޕާސްވޯޑް (އޯޓީޕީ) އެއް މެދުވެރިކޮށް ރަޖިސްޓާ ކޮށްދެވޭނެ އެވެ.

ސޮފްވާން ވިދާޅުވީ ކަސްޓަމަރަކު ކުރި ވިޔަފާރިން އަނބުރާ ކަސްޓަމަރަށް އެހާ ގިނަ ފައިސާ ހޯދޭނެ އިތުރު ސްކީމެއް ރާއްޖޭގައި ނެތުމުން މިއީ ބައިވެރިވާން ރަނގަޅު ޕްރޮގްރާމެކެވެ. މި ޕްރޮގްރާމްގެ ކަސްޓަމަރެއްގެ ގޮތުގައި ރަޖިސްޓްރީ ކުރާ ފަރާތްތަކަށް އަމާޒުކޮށް ކުރިއަށް އޮތް ތަނުގައި މިފަދަ ހާއްސަ އެހެން ޕްރޮމޯޝަން ވެސް ހިނގަމުން ދާނެ ކަމަށް އޭނާ ވިދާޅުވި އެވެ.

އެމްއެޗްއޭގެ ދެ ފިހާރައެއް މާލޭގައި މި ވަގުތު ހިންގަ އެވެ. އެއް ފިހާރަ ހުންނަނީ އަރަބިއްޔާ ފްލެޓްތައް ހުންނަ މާލެ ގްރޭންޑް ސަރަހައްދުގަ އެވެ. އަނެއް ފިހާރަ ހުންނަނީ ފަރީދީ މަގާއި އާބުރުޒު ހިނގުން މަގުގެ ކަންމައްޗަށްވާ ގޮތަކަށެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox