އެކައުންޓިން، ޑައިވިން އަދި އައިޓީ ކޯސްތައް ހިލޭ ކިޔެވުމުގެ ފުރުސަތު ދެނީ

އެއާޕޯޓުގައި މަސައްކަތް ކުރާ މުވައްޒަފުންތަކެއް: ކޮވިޑުގެ ސަބަބުން އެންމެ ގިނަ ބަޔެއްގެ ވަޒީފާ ގެއްލުނު އެއް ދާއިރާއަކީ ޓޫރިޒަމް. -- ފޮޓޯ: ހުސެއިން ޝަޔާހު/އަދަދު

އެއާޕޯޓުގައި މަސައްކަތް ކުރާ މުވައްޒަފުންތަކެއް: ކޮވިޑުގެ ސަބަބުން އެންމެ ގިނަ ބަޔެއްގެ ވަޒީފާ ގެއްލުނު އެއް ދާއިރާއަކީ ޓޫރިޒަމް. -- ފޮޓޯ: ހުސެއިން ޝަޔާހު/އަދަދު

ކޮވިޑު ބަލިމަޑުކަމުގެ ސަބަބުން އާމްދަނީއަށް ނުރަނގަޅު އަސަރުކޮށްފައިވާ މީހުންނަށް އެހީތެރިކަން ފޯރުކޮށްދިނުމުގެ ގޮތުން އިކޮނޮމިކް މިނިސްޓްރީ އާއި ވޯލްޑް ބޭންކުން ހިންގާ "ކޮވިޑް-19 އެމެޖެންސީ އިންކަމް ސަޕޯޓު ޕްރޮޖެކްޓު" ގެ ދަށުން އާ ޕްރޮގްރާމުތަކެއް ހިންގަން މިއަދު އިއުލާންކޮށްފި އެވެ.

އިކޮނޮމިކް މިނިސްޓްރީން ނެރުނު ނޫސް ބަޔާނެއްގައި ބުނި ގޮތުގައި، އަލަށް ފަށާ ޕްރޮގްރާމުތަކުގެ ތެރޭގައި ހިމެނެނީ ވަޒީފާއަށް ބޭނުންވާ ތަމްރީނާއި ކޯހާއި އަމިއްލަ މަސައްކަތް ކުރާ ފަރާތްތަކަށް ވިޔަފާރި ކުރަން ބޭނުންވާ ހުނަރާއި އެހީތެރިކަން ފޯރުކޮށްދޭން ފަރުމާކޮށްފައިވާ ޕްރޮގްރާމުތަކެވެ. އެއީ:

  • އެކައުންޓިން އާއި އައިޓީ އާއި ޑައިވިން ދާއިރާއިން ތަމްރީނު ޕްރޮގްރާމް
  • އެޕްރެންޓިސްޝިޕް ޕްރޮގްރާމް
  • އަމިއްލަ މަސައްކަތްކުރާ ފަރާތްތަކަށް އެހީތެރިކަން ފޯރުކޮށްދިނުމުގެ ޕްރޮގްރާމް

މިނިސްޓްރީން ޝާއިއުކޮށްފައިވާ ތަމްރީނު ޕްރޮގްރާމުތަކުގެ އުސޫލުގައިވާ ގޮތުން ވަޒީފާއަކަށް ނުދާ ނޫނީ ޕާޓް ޓައިމް ވަޒީފާއެއްގައި އުޅޭ 16 އަހަރާއި 65 އަހަރާ ދެމެދުގެ އެންމެނަށް މި ޕްރޮގްރާމުތަކުގައި ބައިވެރިވެވޭނެ އެވެ.

Advertisement

ކޯސްތަކަށް މީހުން ހޮވުމުގައި އިސްކަންދެނީ، ސަރުކާރުން ހިންގި އިންކަމް ސަޕޯޓް އެލަވަންސް ލިބުނު މީހުންނަށެވެ. އަދި، ޕްރޮގްރާމުގެ ބައިވެރިންނަށް އިނާޔަތެއްގެ ގޮތުން 5،000ރ. ލިބޭނެ އެވެ. އެކަމަކު ސްކިލްސް ޓްރެއިނިން ޕްރޮގްރާމެއްގައި ބައިވެރިވާ މީހަކަށް މި ޕްރޮޖެކްޓުގެ ދަށުން ހިންގާ އެޕްރެންޓިސްޝިޕް ނޫނީ މާލީ އެހީ ލިބޭ ޕްރޮގްރާމެއްގައި ބައިވެރިނުވެވޭނެ އެވެ.

އިކޮނޮމިކް މިނިސްޓްރީގެ ތަމްރީނު ޕްރޮގްރާމުތަކުގެ ދަށުން ހިންގަން ހަމަޖެހިފައިވާ ކޯސްތަަކަކީ:

އެކައުންޓިން

  • އޭސީސީއޭ ނޮލެޖް ލެވަލް އަދި ސްކިލް ލެވަލް
  • ސީމާ ސެޓިފިކެޓް ލެވަލް އަދި އޮޕަރޭޝަނަލް ލެވަލް
  • އޭއޭޓީ ލެވަލް 1 އަދި 2
  • ސީއޭޓީ ލެވަލް 1، 2 އަދި 3

އިންފޮމޭޝަން ޓެކްނޮލޮޖީ (އައިޓީ)

  • ކްލައުޑް އެންޑް ސައިބާ ސެކިއުރިޓީ
  • މަލްޓިމީޑިއާ
  • ސާވާ އެންޑް ނެޓްވާކިން
  • ވެބް ޑިޒައިން އެންޑް ޑިވެލޮޕްމަންޓް

ޑައިވިން

  • ޑައިވް މާސްޓާ ކޯސް
  • އިންސްޓްރަކްޓާ ޑިވެލޮޕްމަންޓް ކޯސް

މި ޕްރޮގްރާމުތަކަށް އެދި ހުށަހެޅުމުގެ ފުރުސަތު މި މަހުގެ ތެރޭގައި ހުޅުވާލާނެ ކަމަށް އިކޮނޮމިކް މިނިސްޓްރީން ބުންޏެވެ.

އަދި، ވަކިވަކި ޕްރޮގްރާމުތަކަށް ފޯމު ހުށަހެޅުމުގެ ސުންގަޑިތައް އެ މިނިސްޓްރީގެ ޖޮބް ސެންޓަރު ވެބްސައިޓުގައި ޝާއިއުކުރާނެ އެވެ. މި ޕްރޮގްރާމުތަކުގައި ބައިވެރިވުމަށް އެޕްލިކޭޝަން ހުށަހަޅާނީ ޖޮބް ސެންޓާ ޕޯޓަލް މެދުވެރިކޮށް އޮންލައިކޮށެވެ.

ކޯހުގެ ބައިވެރިންގެ އިތުރުން މިނިސްޓްރީން ކަނޑައަޅާ ގޮތަށް މި ޕްރޮގްރާމުތައް ހިންގުމުގެ ޝައުގުވެރިކަން ހުރި ތަމްރީނު މަރުކަޒުތަކަށް ވެސް ވަނީ އެ ފުރުސަތު ހުޅުވާލާފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox